2 Timoteo 2:26 - Biblia Dc en Mixe de Quetzaltepec

²⁶ Wä'än twijtë tkäjtë ets tkukä'äktëty ja ku'oypyë mëti'ipë yaj'ijtëtëpën tsumy matsy ets y'ëxëëktunëtë ijxtëm yë'ë tsokyën.

Biblia Mixe de Quetzaltepec

²⁶ Wä'än twijtë tkäjtë ets tkukä'äktëty ja ku'oypyë mëti'ipë yaj'ijtëtëpën tsumy matsy ets y'ëxëëktunëtë ijxtëm yë'ë tsokyën.

2 Timoteo 2:26 ပူးပေါင်းရင်းမြစ်များ

1 Timoteo 3:7

Näyjyëtu'un wiinkutsë'ëkëtëp ja mëpëjkpëtëjk, këtiipë nyipäxëtëkëty ets ja mëjku'u yajtëkoyëtëty.

Salmos 124:7

Tëë nkukäkëmë ja o'ktakn, jëtu'un ijxtëm yë joon tkuke'ekyën yë o'ktakn mëti'ipë muum yu'utsy ijtpën; ja n'o'ktakn'ajtëm jëtu'unyë të pyojtakta'ay, paatykyëjxm të tjëkyepy wi'ix nkäkmëtyën.

Efesios 5:14

Jä'ä ko ja ajajk atë'kxk tu'kë'ëyë tyajnikëxë'kta'ay. Paaty y'ënä'äny: Wijtë käjtë mëti'ipë jëtu'un ijtëpën tä ja'ay myä'äyën, pëtë'ëktë ets ka'ap m'ëk ijnëtëty ijxtëm ja o'kpën, jëtu'un ja Kristë mkujaj mkutë'kxëtëty.

Isaías 8:15

May nëjkx jam kyunäpëtë ets y'ooktëty, may nëjkx jam wyë'ëmtë ets ka'ap nijawëtëty tii tyuunta'aktëpën.

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

Job 1:12

Ënet ja Wintsën t'ëtsooy ja tsajpjotmëtë kukäjpxy mëti'ipë ni'ë'ënëpën: Oy xy'ëk'ijxmatsëty. Tun tii mtunäämpy mëët yë Job ets ma winë tmëët'atyën, je'eyëp ko këtii yë jyuukyajtën xymyëwa'anëty. Ënet ja tsajpjotmëtë kukäjpxy mëti'ipë ni'ë'ënëpën, jam tsyo'ony Wintsën wintum.

1 Timoteo 1:20

Jëtu'un jyajtë ja Himeneo ets ja Alejandro, mëti'ipës të ntukë'ëtëkëtën ja mëjku'u ets tyukwij tyukäjëtëty ets ka'ap ja Dios tnäkymyëkajpxtëkoytyëty.

Colosenses 1:13

Tëë ja Dios xyaj'ëwa'atspëtsë'ëmëm ma ja ku'oypyë yajkutukyën ets tëë xypyëjktakëm ma yajkutukyën ja y'U'unk, mëti'ipë ni'ik tsyojkpyën.

1 Corintios 15:34

Niwinpitë ja oy juukyajtën, ka'ap m'ëk pokytyuunëtëty, jä'ä ko ka'ap miits ja Dios jënaakën xynyijawëtë. Miits mtsëtyu'unpatëp koos jëtu'un n'ëna'any.

Hechos 26:18

Mijts yam nkejxyp ets xyaj'ijxwa'kxëty ets pyëtsëmtëty ma akoots itën ets ye'eytyëty xëënytyuuy, këtiipë yajpaatëty ma ja mëjku'u yajkutukyën, yë'ë Dios pyanëjkxtëp. Jëtu'unts ja pyoky yajnimä'kxtëty ets yajmo'otëty ja kuma'ayën mëti'ipë ijtëpën ma ja Dios ja kyajpnën jä'äkyëjxm koos xymyëpëktë.

Hechos 5:3

Tääts ja Pedro t'ënëmaay ja Ananías: Ananías, ¿tii ko ja mëjku'u të mnätyuk'ëne'emyë ets xywyin'ëënëty ja kënu'kxymyëk'ajtën ko të xymyëwë'ëmy tu'kpëky ja naaxtsow?

Juan 13:27

Je'eyë ja Judas tna'ëxajëy ja tsajpkääky ets ja mëjku'u ojts tyuktëkëty ets ja Jesús y'ënëmaayë: Pën tii mtunäämpy, tun tyämyë.

Juan 13:2

Ja mëjku'u tëë ënety tuktëkë ja Judas Iscariote, Simón yë myaank ets ja Jesús tkë'ëyaka'any. Nyija'ap ja Jesús ko tsyoony ma Tiosën ets ko jatëkok nyëjkxa'any ma Tiosën ets ko ja Tyeety ënety tu'kë'ëyë kuttujkën ets mëk'ajtën të myooytyä'äyë; paatykyëjxm pyëti'ky, tam ënety y'a'ux'atë, ets ja nyijän ojts tjeny ets nyätyukwë'ënë tu'uk ja wit myoxkëjxy.

Lucas 15:17

Tä ojts myäy tyäjy ets y'ënäny: Ma ja nteetyës ja tyëjkën, ku'uxyë ja tuunpë jam kyäytyë y'uuktë ets natëjkëp winë, tyamts ëjts yaa nyuu'ookaanpë.

Lucas 11:21

Ko tu'uk ja ye'etyëjk jotmëk nyäpyëjktä'äkyë ets tam tmëëtëty mëti'ipë nätyukuwanëpën, kyëwent'ajtyp ja tyëjk, jëtu'unts ja pyëjktä'äky ijx'ity këwent'aty tyaj'ity.

Isaías 53:12

Paatykyëjxm ja Wintsën tmo'oja'any tu'uk ja ënyäätyakn ma y'u'unyëtën ja wintsëntëjkëty, kopktëjkëty ets ja mëj'äämpyë y'itën, tu'ukmukyë nëjkx tukxoonta'aktë ko ënety të myëta'aktë; yë'ëkyëjxm ko ojts nyäkyë'ëyäkyë o'këntum, ets jëtu'un jyäjty kyëpejty tä jeexyë ëxëëk të y'ëti'itsy të y'ënä'änyën, mëët yë'ëkyëjxm ko ojts tkunaxy ja pokyjyä'äytyëjk.

Isaías 28:13

Paatykyëjxm ja Wintsën jëtu'un myëkajpxa'anëtë tä pi'k ëna'k yajmëkäjpxyën, mëti'ipë nokykyapxtso'ontëpën. Ko ënety muum nyëjkxtë, jëtu'unyë yuntëty kyëtawtëty ets nyäyajtsëtyutëtëty, nyäyajkuka'anaxëtëty muum ets koonëm tsyiptëkëtëty.

Job 2:6

Ënet ja Wintsën t'ëtsooy ja tsajpjotmëtë kukäjpxy mëti'ipë ni'ë'ënëpën: Oy xy'ëk'ixjmatsëty. Tun tii mtunäämpy mëët yë Job yë jyuukyajtën, je'eyëp tëy ko këtii xyaj'ookëty.

2 Corintios 2:11

Jëtu'un ka'ap ja mëjku'u xymyëmëtakmëty mëti'ipë nija'awëmën ko je'eyë wyin'ëëny.

Lucas 5:10

Näy tam ënety ja Santiagë ets ja Juan, Zebedeo myaank, Simón Pedro myëku'uk ets ja Jesús t'ënëmaay ja Simón Pedro: Këtii mtsë'ëkë, tyam ja'ay mijts matsäämpy wi'ix ja nitsokën tpaatëtyën.