2 Timoteo 1:7 - Biblia Dc en Mixe de Quetzaltepec

⁷ Dios ka'ap yë'ëjëty të xymyo'oyëm ja jot ja'awën mëti'ipë yajtsë'këpën, yë'ë të xymyo'oyëmë ja kënu'kxymyëk'ajtën mëti'ipë myëët'ajtypyën ja mëk'ajtën, nätsyok näjyawë ets wijy'ajt kujk'ajtën.

Biblia Mixe de Quetzaltepec

⁷ Tios ka'ap yë'ëjëty të xymyo'oyëm ja jot ja'awën mëti'ipë yajtsë'këpën, yë'ë të xymyo'oyëmë ja kënu'kxymyëk'ajtën mëti'ipë myëët'ajtypyën ja mëk'ajtën, nätsyok näjyawë ets wijy'ajt kujk'ajtën.

2 Timoteo 1:7 ပူးပေါင်းရင်းမြစ်များ

Salmos 119:80

Yi'iyë tu'ukyë nkuuytyunäämpyës yë m'ënä'ämën mtëyajtën winë aaw winëjot, jëtu'un ka'ap tii tsëtyu'un nmëët'atëtyës.

Proverbios 2:7

Dios pyutëjkëp ets y'ijx'ijtyp Kyëwent'ajtyp yë ja'ay mëti'ipë oy tsuj juukyajtpën ets ka'ap tii tuuntëkoy tkajpxtëkoy.

Proverbios 8:14

Ma ëjtsën yam yajpaaty yë winma'any ko tii yajtuknipëjktaakë ets oy wyimpëtsëmy jyëjpëtsëmy, ëjts wijy'ajtën'ajtp, ëjts mëjaaw'ajtp.

Isaías 11:2

Tääpë ja'ay nëjkxëp yajpaaty xëmë mëët yë Wintsën ja myëk'ajtën y'oyajtën, mëti'ipë nëjkx myo'oyën nija'awën, wijyajtën, këpetyajtën, mëk'ajtën, ixpëkyajtën ets ma Wintsënën.

Miqueas 3:8

E ëjts, tëëjës yë Wintsën yë mëjaaw, tëy'ajtën ets jotmëk'ajtën xymyo'oy täätsës yë Israel ja'ayëty ntukwinmëtowtëty wi'ix yë Wintsën tmëtëkoytyën.

Zacarías 4:6

Ets y'ënäny: Jëtu'un ja Wintsën t'ënëmaay ja Zorobabel: Ka'ap yë'ëkyëjxmëty ko may jyääjëty yë tsiptuunpëtëjk ëkë ko ja'ay jyotmëkëty, yë'ë tuunp ëjts yë nmëjaaw nmëk'ajtën, jëtu'un y'ënä'äny yë Wintsën mëti'ipë maaytyääyëpën winë.

Lucas 10:19

Ëjts miits të nmo'otë ja kuttujkën ets ka'ap wi'ix mjatëty oy xyjyatukwa'kpätëty ja tsa'any ëkë ja kä'py ets xymyëmëta'aktëty miits ja mmëtsip, ka'ap wi'ix mjatëty.

Lucas 15:17

Tä ojts myäy tyäjy ets y'ënäny: Ma ja nteetyës ja tyëjkën, ku'uxyë ja tuunpë jam kyäytyë y'uuktë ets natëjkëp winë, tyamts ëjts yaa nyuu'ookaanpë.

Lucas 24:49

Ntuknikäxtëp miits mëti'ipë ja Dios Teety të twaantä'äkyën, je'eyëp ko wë'ëmtë miits yaa Jerusalén koonëm xypyaatëty ja mëk'ajtën mëti'ipë tsajpjotm tso'onpën.

Lucas 8:35

Ojts ja ja'ay tnitsoontë ets t'ixa'antë tii të tyuny të jyätyë; ko jyajtë ma ja Jesús jamën ets t'ijxpatë ko tam ja ja'ay y'u'unyë mëti'ipë ënety ja maykyu'oypyë të tmëët'atyën, wijy kejy, xoxy pëky; ënät ojts tsyë'ëkëtë.

Juan 14:27

Tyam ntukmëwë'ëmtë ja jotkujk'ajtën. Nmooytyëp miits ja jotkujk'ajtën, je'eyëp ko ka'ap yë'ëjëty jëtu'unpë mëti'ipë yajktëpën yë naaxwiinyëtë ja'ay. Këtii mmaytyëty mtajtëty ets këtii mtsë'ëkëtëty.

Hechos 1:8

E mpëktëp miits ja mëk'ajtën ko ja Kënu'kxymyëkajtën mtukëta'akëtëty ets xykyajpxwa'kxtëty mëti'ipë të xy'ixtën ëjtskyëjxm; jëtu'unts xynyikajpxtëty jam Jerusalén, Judea y'itjotm, Samaria ets ma tu'kë'ëyë it naaxwiinyëtën.

Hechos 10:38

Mnija'awëtëp näjyëtu'un ko ja Dios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënety ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Dios mëët yajpaaty.

Hechos 20:24

Ka'apës yë'ë nmëjpëjktä'äky; yë njuukyajtënës ka'ap tii tsowëty, yi'iyës ntukjotkujk'ajtyp ko ja ntuunkës nyajwintu'upëka'any mëti'ipës yë Wintsën Jesús të xytyuknipëkyën ets nkajpxwa'kxëtyës ja aaw ayuk oypyë ets ntuknijawëtës wi'ix ja Dios ja ja'ay ttsoky tjawën.

Hechos 21:13

E ja Pablo jëtu'un y'ëtsooy: ¿Tii ko mya'axtë etsës xyajkumon xyajkutukëtë? Ëjts tëëjës ntuknipëjktaakë wä'än timwyi'ixëty, nkupëkäämpës pën yajtsuumpës ets oyës ntimy'ookëty jam Jerusalén mëët koos yë Wintsën Jesús nmëpëky.

Hechos 26:11

Kanaak'okës të ntsaatsytyuntë ma ja tsajptëjkën ets atsip ja Jesús ntukmëkajpxtëkoya'antës. Jä'ä koos nëkooyë njoot'anpëjknë, paatykyëjxm ojts npajëtijtä'äkyës jëkämpaat ma tsyëënëtën ja ja'ay mëti'ipë ka'ap jyutiis'atën.

Hechos 26:25

Tääts ja Pablo y'ëtsooy: Ka'apës nkupojëty, mijts oy wintsën yajkutujkpë, tëy ets jaanty yë'ë mëti'ipës nkäjpxypën.

Hechos 6:8

Ja Esteban, yë'ëkyëjxm ko ja Dios pyutëkëty ets kyënu'kxyë paaty ijty tyaj'ixyë ja mëj'ajtën ma ja naax kajpnën.

Hechos 9:22

Ënet ja Saulo ni'ikyë amëk jotmëk kyajpx'ëtëtsy, wa'ats ja ja'ay tuknija'awëy ko Jesús, yë'ë janty Kristë. Ja jutiis ja'ayëty jëtu'unyë myoonkëtak tyujkëtaktë mëti'ipë ënety tsënaaytyëpën jam Damaskë.

Romanos 5:5

Ya'atë mëpëjkën ka'ap maa tëkatsy xyajwë'ëmëty, jä'ä ko yë Dios tëë xymyo'oyëm ja tsyojkën jya'awën ma njoot'ajt nwinma'any'ajtëmën mëët ja kënu'kxymyëk'ajtën.

Romanos 8:15

Miitsëty ka'ap yë'ëjëty të myajmo'otë ja Kënu'kxymyëkajtën mëti'ipë tëytyuunpën ets yajtsë'këpën, yë'ë të myajmo'otë mëti'ipë myajnaxëtëpën Dios u'unk. Mëët ya'atë ja Kënu'kxymyëkajtën ëëts n'ëna'anëmë: Tatë, Teety.

1 Corintios 2:4

Ko miits ja Dios ntukmëmëtyaktë ets ntukmëpëkantë, ka'apës ojts nyajtuny ja aaw ayuk këjxmëtypë ëkë tëkatsyëtypë. Yë'ë ojts ntuk'ixtë ja Dios ja myëk'ajtën jyääntyajtën,

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Colosenses 1:8

Näy yë'ëjës të xytyuk'ëwaanëtë ko ja tsojkën ja'awën xymyëët'atë mëti'ipë ja Kënu'kxymyëkajtën mmooyëtëpën.

Hebreos 2:15

Jëtu'un nyitso'oktëty ni'ëmukë mëti'ipë o'kënjëjp'am ijtëpën, mëti'ipë juuky'ajtëpën ijxtëm ja mëtuunpë nitookpyën.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

1 Juan 4:18

Ko ja'ay ja tsojkën tmëët'aty, ka'ap tii tsë'ëkë; jä'ä ko jëwa'kp ja tsë'ëkë ko ja'ay tmëët'aty ja tsojkën. Ko ja ja'ay tsyë'ëkë jyawë, jää ënety ja ëyo'on myiny. Pën tsë'këp, ka'ap tmëëtëty ja tsojkën.