2 Timoteo 1:6 - Biblia Dc en Mixe de Quetzaltepec

⁶ Paaty yam ntuknipëky ets ja mtuunk xyajmëjëty mëti'ipë ja Dios të mmo'oyën ko ojts nkë'ënixajy.

Biblia Mixe de Quetzaltepec

⁶ Paaty yam ntuknipëky ets ja mtuunk xyajmëjëty mëti'ipë ja Tios të mmo'oyën ko ojts nkë'ënixajy.

2 Timoteo 1:6 ပူးပေါင်းရင်းမြစ်များ

Éxodo 35:26

Näyjyëtu'un ja to'oxytyëjkëty mëti'ipë ënety janty'oy winë yajkojtëpën ojts ja jyot wyinma'any y'ëwa'atstë ets tpi'të ja kupixyny jëmk.

Éxodo 36:2

Ënet ja Moisés ojts tyaxtsoy ja Besalel, ja Oholiab ets nitëkokyë ja ja'ayëty, jënu'un ënety tukjatën winë oy tyaj'oyëtëtyën, mëti'ipë ja Dios të myo'ojëtën ja wijyajtën kujk'ajtën ets ixpëkyajtën; ma ënety kë'ëm të nyäy'ëwaanëtën ko pyutëkëja'antë ma ya'atë tuunk tyu'uye'eyën.

Isaías 43:26

Pën mijts jam tii xynyijawë, mëti'ipës ka'ap oy të ntunyën, wä'än tyajpaye'ey. Nikajpxta'a yajxon wi'ixjatyës muum ntëkoyën, ets yaj'ixëty pën mijts ka'ap tii muum xytyuuntëkoy.

Lucas 19:13

Tääts ja tyuunpë nimajk tyajmiiny ko ënety tsyoonanë ets nitu'ukjaty këëktu'uk tmooy ja myeeny mëti'ipë tsoowpatpën ets t'ënëmaay: Yaj'u'unk'atë ya'atë meeny koonëmës nwinpitëty.

Hechos 19:6

Ënet ja Pablo ja ja'ay ojts tkë'ënixajy ets ja Dios ja myëjaaw myëk'ajtën tyukëtakëtë. Ënet ojts tkajpxtë wiinkëtypë ja ayuk ka'apë yajwinmëtoyën ets ja Dios ja y'aaw y'ayuk tnimëtyakëtë.

Hechos 6:6

Tääts jam tyajmiintë ma ja ijxpëjkpëtëjkëtyën ets ja Dios tuknija'amyäjtsëtë ets ojts tkë'ënixajtë.

1 Tesalonicenses 5:19

Këtii ja Kënu'kxymyëkajtën ja jyëën xyajpi'tsëtëty.

1 Timoteo 4:14

Këtii ja mtuunk xyajtëkoyëty mëti'ipë mëët'ajtypyën, mëti'ipë ja Dios të mmo'oyën ets käjpxynyajxpë m'itëty ko ojts ja mëjja'aytyëjk mkënu'kxyë.

1 Timoteo 4:6

Tukni''ixë ya'atë mëku'uk, Kristë Jesús ënety jëtu'un oy mmëtuumpy, ets mnaxëty tu'uk ja mëtuunpë mëti'ipë yajnikëxëypyën ja mëpëjkën ets ja ijxpëjkën mëti'ipë mkuuyjyuuky'äjtypyën.

2 Timoteo 2:14

Tukja'amyäts ya'atë ja mëpëjkpëtëjkëty, tuknipëk Dios wyintuuy ko ka'ap je'eyë nye'ojëtëty. Ka'ap jëtu'unpë tyuny. Yë näy'ojë je'eyë nëkoo y'ëxëëktuny ma ja ja'ayëtyën mëti'ipë myëtoowtëpën.

2 Timoteo 4:2

ets xykyajpxpwa'kxëty ja Dios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

Hebreos 6:2

ëkë ja nëëpäjtën, wi'ix ja mëpëjkpëtëjk yajkë'ënixajtëtyën, wi'ix ja o'kpë jyuukpyëktën ets yajpaye'eytyë ja nyëë pyokyëty xëmëkyëjxmëpë.

2 Pedro 1:12

Paaty miitsëty xëmë ntukja'amyätstë oy të xyjyanijawëtë ja Dios ja tyiyajtën ets oy xyajtuntë mëti'ipë të ntuk'ijxpëktën.

2 Pedro 3:1

Mëku'uktëjkëty, mëmäjtsk okpë ya'atë noky yam ntuknijayëtë. Jëtu'un miits tyam ntuknijayëtë ja kajpxwijën, ijxtëm ja mëjëwyiimpë ojts n'ëkjääpyënës ets yajxon xyjyä'äkyukëtëty.

Judas 1:5

Oy miits të xyjyanijawëtë, ntukja'amyäjtstëp yam jatëkok ko ja Wintsën ojts tyajpëtsëmy ja Israel ja'ay jap Egiptë ets ojts tyajkutëkoy mëti'ipë kamëpëjkëtën.