2 Timoteo 1:3 - Biblia Dc en Mixe de Quetzaltepec

³ Xëëny kootsës yë Dios nmëkäjpxy ko mijts nja'amyetsy, etsës nkukajpxë ja Dios, mëti'ipës nmëtuumpyën wa'ats wiin wa'ats jot, näjyëtu'un ijxtëm tmëtuuntën ja n'aptëjkës.

Biblia Mixe de Quetzaltepec

³ Xëëny kootsës yë Tios nmëkäjpxy ko mijts nja'amyetsy, etsës nkukajpxë ja Tios, mëti'ipës nmëtuumpyën wa'ats wiin wa'ats jot, näjyëtu'un ijxtëm tmëtuuntën ja n'aptëjkës.

2 Timoteo 1:3 ပူးပေါင်းရင်းမြစ်များ

Lucas 2:37

mëmajkta'px jëmëjt ënety ku'ooky të y'ijnë. Xëmë ja Dios twintsë'ëkë ma ja mëjtsajptëjkën xëëny koots; ayuu'ajtp näjyëtu'un ets ja Dios tja'amyetsy.

Hechos 22:3

Jutiis ja'ayës ëjts, Tarsis nmëxu'unk'ajty, Cilicia y'itjotm. Yaas Jerusalén të nyeeky, Gamalielës xyaj'ijxpëjk; wa'atsës xytyuk'ijxpëjky ja aptëjk ja y'ënä'ämën, etsës ja Dios ja jyä'ä npatuunëty ijxtëm miits xytyuunk'atën.

Hechos 23:1

Tääts ja Pablo twin'ijxpejty ja mëjja'aytyëjk ets t'ënëmaay: Mëku'uktëjkëty, ëjts nija'apës ko oyës ja njot nwinma'any nmëëtëty Dios wintum.

Hechos 24:14

Yi'iyës nkupëjkpy koos ja Dios nmëtuny ijxtëmës ja n'ap n'ok tmëtuuntën. Yë'ës npanëjkxyp mëti'ipë yajtijpën Në'ë Tu'u Jempyë, mëti'ipë yë'ë tyijtëpën ijxpëjkën ka'apë myëtëyëtyën ets nmëpëjkpyës ja Moisés ja y'ënä'ämën ets mëti'ipë ja Dios ja kyäjpxynyajxpë ojts tnikajpxtën.

Hechos 24:16

Paatyës jëtu'un ntuny etsës ja Dios oy mëët nyajpaatëty, näjyëtu'un mëët ja naaxwiinyëtë ja'ay.

Hechos 26:4

Ja jutiis ja'ayëty nyija'awëtëp ja wa'ats wi'ixës të nja'ay'ätyën mutsknëm nkajpnjotyës ets wi'ix tyampaat nja'ay'ätyësën jam Jerusalén.

Hechos 27:23

Ja Dios, mëti'ipës nmëtuumpyën ets xyjyä'ä''ajtpën, äämkyoots tu'uk ja y'anklës të nwin'ixyës.

Romanos 9:1

Tëy jaantyës n'ëna'any, ka'apës n'antä'äky. Ja njot nwinma'anyës Kënu'kxymyëkajtën tu'uwinwoowëp mëti'ipës xytyuknija'apën ko ya'atë tyiyëty.

2 Corintios 1:12

Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Dios yë mëyajtën të tuny etsës oy njuuky'atëty.

Gálatas 1:14

Ëjts ijty wäänëni'ik npatuumpy ja jutiis ja'ayëty ja y'ijxpëjkënëty këtiinëm ja nmëtu'knaxës; ni'ik ijty ëjts npatuna'anyës ja aptëjk ja wyinma'anyëty.

Efesios 1:16

xëmës ja Dios nkukajpxë mëët miitskyëjxmëty, nja'amyätstë koos ja Dios nmëkäjpxy.

1 Tesalonicenses 3:10

Xëënaxy tsuunaxyës ja Dios n'amëtowtë ets miits nëjkx nku'ixëtë ets kë'ëm ntimpyaatëty ets ntuk'ëwaanëtëty mmëpëjkën myëjwiin kyëjääjëtëty.

1 Timoteo 1:5

Jä'äkyëjxm tääpë ënä'ämën jyääjëty ets winpity atëjy nnätsyojkëmëty nixim niyam mëët ja oyjyot oywyinma'any ets ja mëtëypyë ja mëpëjkën.

1 Timoteo 5:5

Ja ku'ooky tyo'oxytyëjk mëti'ipë nätyu'uk të wyi'imyën, Dios ja yi'iyë tyuk'ijxpejtyp. Ka'ap t'ëxmatsy ja jëëytyak nu'kxtaak, ijtp ja xëëny koots ja Dios tja'amyetsy.

2 Timoteo 1:5

Jä'ä ko nja'amyejtsypës wi'ix mijts ja mëpëjkën xymyëët'atyën. Ja mëpëjkën mëti'ipë ja mtaak mëjja'ay Loida myëët'ajtën ets ja mtaak Eunice, ets nija'apës ko mijts nän yë'ë jëtu'unpë ja mëpëjkën mëët'ajtyp.

2 Timoteo 3:15

Ja'amyäts ko mutsknëm të xynyijawë ja Dios ja y'aaw y'ayuk mëti'ipë të myajwijy të myajkejyën, mëti'ipë mtu'uwinwowanëpën ets xypaatëty ja nitsokën ko ja Kristë Jesús të xymyëpëky.

Hebreos 13:8

Jesukristë je'eyëm yajpaaty ijxtëm ëxë'ëyën, tyam ets xëmëkyëjxm.

1 Samuel 12:23

E ëjts mëti'ipës xypyatpën, yë'ë ko tyam nkënu'kxta'aka'antë janaam jatsojk. Ntukni''ixëja'antë wi'ix mëpaat mjuuky'atën oy tsuj ets wi'ix mëpaat oy winë xytyuntën.