2 Timoteo 1:10 - Biblia Dc en Mixe de Quetzaltepec

¹⁰ Tëë ja Dios tyam tyaj'ixyë mëjwiin këjää ja tsyojkën ko të myiny ja Jesukristë Yajknitsokpë, mëti'ipë myëmëtakën ja o'kën ja kyutujkën, ets të tyajnikëxë'ëky ja juukyajtën xëmëkyëjxmëpë.

Biblia Mixe de Quetzaltepec

¹⁰ Tëë ja Tios tyam tyaj'ixyë mëjwiin këjää ja tsyojkën ko të myiny ja Jesukristë Yajknitsokpë, mëti'ipë myëmëtakën ja o'kën ja kyutujkën, ets të tyajnikëxë'ëky ja juukyajtën xëmëkyëjxmëpë.

2 Timoteo 1:10 ပူးပေါင်းရင်းမြစ်များ

Isaías 43:3

Ëjts mijts xyWyintsën'ajtp, xynyitsokpë'ajtp ets xyTyios'ajtp, ja Wa'atspë yajpaatyën ma Israel kajpnën, Tëë mijts njä'äniwa'any; yë'ë Egiptë kajpn, Etiopíë kajpn ets Sabá kajpn të ntukujuy.

Isaías 45:15

E mijts Dios, ka'ap myaj'ixy, Dios mëti'ipë yajnitsokpyën yë Israel kajpn.

Isaías 45:21

Kajpxtë ets aakmëët nyiwa'kpäjn tii xynyimëtya'akëty, pën m'ënantëp näyajtëwëtë nixim niyam. ¿Pën ojts ëka'any ya'atë jëtu'unpë tnikäjpxy? ¿Pën ojts mtuk'ixëtë tëëyëp? ¿Këtii y'ëjtsëtyë, maas nxëëwatyën Wintsënë?. Ka'ap ma wiinkpë Dios jëtu'unpë tä ëjtsën. Ka'ap maa wiinkpë Dios mëti'ipë mëtakpën tsipjoty ets mëti'ipë yajnitsokpën.

Oseas 13:14

¿Ets ënät nyajtsokpëtyës o'kpë jutjotyë? ¿Ets ënät nyajpëtsëëmpëtyës o'këntujpë? ¿Maa ënät ja o'kën ja myëk'ajtën kyutujkën? Yë'ëjës yam ntsojkpy, jä'ä ko ka'apës tyaapë ja'ay n'ëkpa'ëyowanë.

Lucas 11:36

Pën ja mni'kx mkopk kutë'kxy y'ity ets ka'ap y'akootstuuyëty, të'kxy wa'ats winë xy'ixa'any, jëtu'un ijxtëm jeexyë myajkutë'kxyën.

Lucas 13:7

Jamts ja tyuunpë tu'uk mëti'ipë ja naax kyëwent'ajtypyën ets t'ënëmaay: Ix, mëtëkëëk jëmëjt tyam nmëye'eyës ya'atë kam ets ja higo tsa'am njatuka'anyës, je'eyëp ko ni tu'ukës yë tyëëm nkapatë. Po'otë'knë këtiipë naax nëkoo tyajwintukëty.

Lucas 2:11

Tëë tyam myëxu'unk'aty jam David kyajpnjotm ja Yajnitsokpë, yë'ë ja Kristë, ja Wintsën.

Juan 1:9

Ja kutë'kxn mëtëypyë, yë'ë miin naaxwiiny ets tkutë'kxëty ja naaxwiinyëtë ja'ay.

Juan 14:6

Ënet ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Dios Teetyën.

Juan 20:31

Paaty ya'atë të yajkëjxja'ay ets miits xymyëpëktëty ko ja Jesús yë'ë Kristë, Dios U'unk ets yë'ë xymyëpëktëty, ets jëtu'un xypaatëty ja juukyajtën xëmëkyëjxmëpë.

Juan 4:42

Ets t'ënëmaaytyë ja to'oxytyëjk: Nmëpëjktëpës tyam, ka'ap yi'iyëty ko mijts të xynyikäjpxy, näjyëtu'un koos kë'ëm të nmëtowtë ko tyiyëty, ko yë'ë naaxwiinyëtë ja'ay Yajknitsokpë.

Juan 5:40

Miitsëty ka'ap mina'antë ma ëjtsën ets jeexyë xymyëët'atë ja juukyajtën xëmëkyëjxmëpë.

Hechos 13:23

Tääts ja Dios näjyëtu'un najtskäjxëy ja Yajknitsokpë Jesús, David yë y'u'unk y'ok, jëtu'un ijxtëm të twaantä'äkyën.

Hechos 5:31

Tëë ja Dios tpëjktä'äky y'aka'any'äämpy Yajkutujkpë ets Yajknitsokpë, jëtu'unts ja Israel ja'ay t'ëxmatstëty ja y'ëxëëk winma'anyëty ets ja pyoky yajnimä'kxtëty.

Romanos 16:26

je'eyëp ko tëë tyam yajnijawë ko ja y'aaw y'ayuk të tukjaaywyi'imy ja kyäjpxynyajxpëtëjk ijxtëm tni'ënä'ämën ja xëmëkyëjxmëpë Dios ets ja naaxwiinyëtë ja'ay ni'ëmukë yajtuknijawëtëty jëtu'un tmëpëktëty ets tmëmëtowtëty.

Romanos 2:7

Myo'ojäämpy ja juukyajtën xëmëkyëjxmëpë mëti'ipë y'ijxtaaytyëpën ja mëj'ajt oyajtën, xoontakën ets ka'apë kyixy nyäxyën, ets të tuntë xëmë ja oypyë;

Romanos 3:31

Pën jëtu'un, ¿ka'ap jëtää ja ënä'ämën tii mëk'ajtën t'ëkmëët'ajnë ko yajmëët'aty ja mëpëjkënë? Niwi'ix'äämpy. Ni'ikyë njaaktimyajmëjnajxëmë ja ënä'ämën.

Romanos 6:6

Nnija'awëm ko ëëtsajtëm ëxëëk ijty njuuky'ajtëmë, e tëë ja njuukyajtën'ajtëm mëët tu'ukyë ja Kristë kyëruutspety, ets jëtu'un kyutëkoyëty ja ëxëëk winma'any ets ka'ap ja poky xy'ëktëytyu'unënëty,

1 Corintios 15:26

Ok nëjkx tjaak mëmëtä'äky ja o'kën.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Dios myo'ojëtëty ja oyajtën wi'ix nitu'ukjaty pyaat'atyën.

2 Corintios 5:4

Ko yaa naaxwiiny njaakjuuky'ajtëmë mon tuk nmëkxäj n'o'kxäjëmë, jä'ä ko ka'ap njatsojkëmë ets yaa ntso'onmëty, yë'ë jayajtsojkp ets jeexyë ni'ikyë n'ajemyëmë.

Gálatas 5:4

Miitsëty, mëti'ipë tsyojkën'ajtëpën ets mëët ja Dios oy mwë'ëmtëty ko xypyatuna'antë ja ënä'ämën, tëë xy'ëxmatstë ja Kristë ets të mnäpyëjkta'akëtë ma ka'ap xypyaatëtyën ja Dios ja tsyojkën jya'awën.

Efesios 1:18

N'amëtoopyës ja Dios ets mtukja'akyukëtëty ja oypyë mëti'ipë mjëjp'ijxtëpën, ja oypyë tsujpë kuma'ayën mëti'ipë ja Dios të mtukniwoowtsowëtën ets mmo'oja'anëtë ma mnaax'at mkajpn'atëtën,

Efesios 1:9

ets të xytyuk'ijxëm ja wyinma'any mëti'ipë ijty ka'ap yajnijawën wi'ix të tuknipëjktaakën tyajwintu'upëka'any mëët ja Kristë.

2 Tesalonicenses 2:8

Ko yajjëpëkëty, jää yajnijawëja'any pën ëxëëk'ajtën'ajtpën, mëti'ipë ja Wintsën Jesús nëjkx pyixtëkoyën ets yajkutëkoyä'änyë ko ënety myiny mëët ja y'ajaj y'atë'kxën.

2 Timoteo 1:1

Ëjts Pablo, Jesukristë y'ayuk kajpxwa'kxpë mëët ko Dios jëtu'un të tuknipëjktaakë, mëti'ipës të xykexyën ets nkajpxwa'kxëtyës ja juukyajtën tëëpë twinwanën ko tu'ukyë n'ijtëm mëët ja Jesukristë.

2 Timoteo 1:8

Këtii mtsëtyunëty ko ja Jesukristë xynyikajpx xynyimëtya'akëty ets ëjts nän këtiis xytyuktsëtyunëty koos yap tsumy nku'itë ja Wintsën. Nikë yë'ë mmëmay mmëtaj ja mëk'ajtën mëti'ipë ja Dios mmooyëpën ets xymyëmëta'akëty ja ëyo'on jotmay mëti'ipë mpatypyën mëët ko ja oy'aaw oy'ayuk të xypyääty.

2 Timoteo 4:1

Jam Dios wintum ets Jesukristë wintum, mëti'ipë minaanpën ijxtëm tu'uk ja yajkutujkpën ets tpaye'eyä'äny ja juukpyë ets ookyëp, tyam ntuk'ëne'emy

2 Timoteo 4:8

Ets tyam, ja oyajtënës xy'owëxijtp mëti'ipës xypyatpën, mëti'ipë ja Wintsën, mëtëypyë pyaye'eyën xymyo'ojaanpës jä'ä xëëw. Ets ka'ap y'ëjtsëty je'eyë nätyu'uk, näjyëtu'un yajmo'oja'antë ni'ëmukë mëti'ipë tsyojktëpën ets myinëty mëët ja mëj'ajt oyajtën.

Tito 2:11

Dios të xytyuk'ijxëm ja myëyajtën, ko tmooy ja nitsokën ni'ëmukë ja naaxwiinyëtë ja'ay.

Tito 2:13

naamka'anëm jyä'tynyëm mëti'ipë n'a'ijx njëjp'ijxëmën, ko myina'any ja mëj Dios, ets ja yajnitsokpë Jesukristë.

Tito 3:4

E ko ja Dios yajnitsokpë ojts tyaj'ixyë ja y'oyajtën ets ja tsyojkën ma ja naaxwiinyëtë ja'ayën,

Hebreos 10:32

Këtii xyjyä'ätyëkoytyë ja xëës jëmëjt mëti'ipë të nyäxyën ma të xymyëpëktën ja Dios ja y'aaw y'ayuk, amëk jotmëk ojts xymyënax xyajnaxtë ja ëyo'on jotmay.

2 Pedro 1:1

Simón Pedro, Wintsën Jesukristë tyuunpë ets y'ayuk kajpxnajxpë, mtuknijayëtë ya'atë noky miitsëty, mëti'ipë ja Yajnitsokpë Jesukristë nTios'ajtëmë të tmëpëktën.

2 Pedro 1:11

Jëtu'un akujk jotkujk mtëkëtëty ma ja Wintsën Jesukristë Yajnitsokpë kyutujktaknën ets jam m'itëty xëmëkyëjxm.

2 Pedro 1:3

Mëët ja Dios ja myëk'ajtën, tëë xymyo'oyëmë tëkokyë mëti'ipë nyajmëyajtëmën ets ntukjuuky'ajtmëty ijxtëm tsokyën, ets n'ixy'ajtmëty ja mëti'ipë të xymyëkajpxëmën mëët ja myëj'ajtën kyutujkën ko winë të tyaj'ixyë.

2 Pedro 2:20

Mëti'ipë të tnijawëtën ja Wintsën Jesukristë Yajnitsokpë ets të tsyo'oktë ma ja ëxëëkpën, pën jam jatëkok nyäyajka'ajëtë pokyjotm, wäänë o'ktëy nëjkx jyatë këtiinëm ijxtëm ënety të y'itën.

2 Pedro 3:18

Yë'ë ni'ik nijawëtë ja Wintsën, ja yajnitsokpë Jesukristë, ets wäänëni'ik yääktë pätë ma ja tsojkën ja'awën. Nmëjja'aw nkënu'kxyjya'awëm tyam ets xëmëkyëjxm. Jëtu'un y'itëty.

2 Pedro 3:2

Ja'amyätstë mëti'ipë ja Dios ja kyäjpxynyajxpëtëjk jyääywyë'ëmtën tëëyëp, ets ënä'ämën tëyajtën mëti'ipë ja oy ayuk käjpxynyajxpëtëjk nyimëtyaktën.

1 Juan 1:2

Tääpë juukyajtën tëë nyänyikëxë'ëkyë: tëë kë'ëm n'ijxëmë ets tëë nnikajpx nimëtyakëmë, ets tëë ntuk'ëwaanëtë ya'atë juukyajtën xëmëkyëjxmëpë, mëti'ipë ënety yajpatpën mëët ja Dios Teety tëëpë nyajtuk'ijxëmë.

1 Juan 4:14

Tëë kë'ëm n'ijxëmë, paaty nikajpxëmë ko ja Dios Teety ja y'u'unk të tkexy ets ja naaxwiinyëtë ja'ay të tyajnitso'oky.

Apocalipsis 18:1

Ko jëtu'un jyäjty, ënät wiinkpë ja tsajpjotmëtë kukäjpxy n'ijxyës, jam tsajpjotm tsyoony, mëk ja kuttujkën tmëkëtä'äky. Ojts ja naaxwiinyëtë tukjajëtyä'äy mëët ja jyajjën tyë'kxën.

Apocalipsis 2:7

Pën yë tyatsk myëët'ajtypyën wä'än tmëtoowkukë wi'ix yë Kënu'kxymyëk'ajtën t'ënëëmën yë mëpëjkpëtëjk. Mëti'ipë mëtaktëpën ka'ap tii jyata'anëtë ko ënety ja mëmäjtsk'okpë o'kën y'ity.

Apocalipsis 20:14

Ënet jap yajkujëpijpëy jëënjoty, nëëmejyënpë kyëxë'ëkyën. Ya'atë jëën, nëë mejypyën kyëxë'ëkyën, yë'ë ja mëmäjtskpë ja o'kën.

Apocalipsis 22:14

Akujk jotkujk mëti'ipë ja jyot wyinma'any yajwa'ats'ijtëpën, yë'ë tëkëjantëp ma ja jempyë Jerusalén kajpnën ets ja tëyajtën tmëët'atëty ets tjë'kxtëty ja ujtstëëm mëti'ipë yajjuuky'ajtpën xëmëkyëjxm.

Apocalipsis 22:17

Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.