2 Tesalonicenses 3:6 - Biblia Dc en Mixe de Quetzaltepec

⁶ Mëku'uktëjkëty, Wintsën Jesukristë xyëëwkyëjxm miits ntuk'ënä'ämtë ets ka'ap mëët mye'eymyuk mnaxmuktëty ja ja'ay mëti'ipë ënantëpën ko Jesukristë tmëpëktë e ka'ap tii tuna'antë ets ka'ap tpatuntë ja tëyajtën mëti'ipës ojts njatuk'ëwaanëtën.

Biblia Mixe de Quetzaltepec

⁶ Mëku'uktëjkëty, Wintsën Jesukristë xyëëwkyëjxm miits ntuk'ënä'ämtë ets ka'ap mëët mye'eymyuk mnaxmuktëty ja ja'ay mëti'ipë ënantëpën ko Jesukristë tmëpëktë e ka'ap tii tuna'antë ets ka'ap tpatuntë ja tëyajtën mëti'ipës ojts njatuk'ëwaanëtën.

2 Tesalonicenses 3:6 ပူးပေါင်းရင်းမြစ်များ

Mateo 18:17

Ets pën ka'ap näjyëtu'un yajmëjpëjkta'aktë, ënëëmë ja mëpëjkpëtëjk ma ye'eymyuktën. E pën kajts näjyëtu'un yajmëjpëjkta'aktë, jëtu'un tääpë ja'ay nëjkx xyajnajxnëtë tä mëti'ipë ka'ap myëpëkyën, ëkë ijxtëm ja yajkukëpäjtpëtyën mëti'ipë Roma myëtuuntëpën.

Romanos 16:17

Mëku'uktëjkëty, m'ixtëp mtuntëp ja ja'ay mëti'ipë tyuunk'ajtëpën ja näy'ëxëëk'ixë ets t'ixkukëtë ja tsip. Mëti'ipë jëtu'unpë tyuuntëpën, ka'ap yë'ë jyëtu'unëty ijxtëm ja ijxpëjkën mëti'ipë miits të xynyijawëtën. Nikë oy ko xywyinye'eytyu'utëty.

1 Corintios 11:2

Ntukxoontäkpyës miits mëku'uktëjkëty, ko xyjyä'ämyätstës ets ko xypyatuntë ja ijxpëjkën mëti'ipë të ntuk'ëwaanëtën.

1 Corintios 5:4

Ko miits mye'eymyuktëty, tam'ataanpës ja njot nja'awën ets näjyëtu'un jyam'ata'any ja Wintsën Jesukristë ja myëk'ajtën.

1 Corintios 5:9

Ko ojts miits ja noky ntuknikäxtë, jëtu'un ojts nëëmëtë ko ka'ap mnämyäyëttëty mëët ja mëti'ipë jyot nyini'kx tyo'ktëpën.

2 Corintios 2:10

Jëtu'un, pën jam miits pën xynyimä'kxtë, näjyëtu'unës nimä'kxëty; ets koos pën nimä'kxëty, ënät pën jam tii të tuuntëkoy mëti'ipë yajnimä'kxëpën; ko ënety miits të m'ëna'antë ets ja Kristë myëjnaxëty.

Efesios 4:17

Ya'atës nnikäjpxyp ets yë'ë yam ntukkë'ëtëjkëtyëp ma ja Wintsën Jesukristë ja xyëëwën: Ko ka'ap jëtu'un m'ëkjuuky'ajnëtëty ijxtëm ja ja'ayëtyën mëti'ipë ka'ap ja Dios tnijawëtën, mëti'ipë jëtu'un juuky'ajtëpën ijxtëm ja kyë'ëm jot kyë'ëm winma'anyëtyën,

Colosenses 3:17

Ets tu'kë'ëyë mëti'ipë mtuuntëp mkajpxtëpën, tuntë Wintsën Jesús xyëëwkyëjxm, mo'otë ja Dios ja kukajpxën Jesukristë mëët.

1 Tesalonicenses 4:1

Mëku'uktëjkëty, yë'ë miits ntuk'ënëmaaytyëp wi'ix mjuuky'attëty ijxtëm ja Dios tukjotkëtä'äkyën, ets tam jëtu'un xytyuntë. Tyam miits njaaktuknipëktë ets nmënu'kxta'aktë ma Wintsën Jesús yë xyëëwën ets jëtu'un mjuuky'atëty.

1 Tesalonicenses 4:11

Jotmay'atë wi'ix mëpaat akujk jotkujk mjuuky'atën ets tuntë mëti'ipë mpatëtëpën. Tuntë pëktë mëët ja mkë'ëjëty, ijxtëm të n'ënä'ämtën.

1 Tesalonicenses 5:14

Mëku'uktëjkëty, näjyëtu'un miits tyam nmënu'kxta'aktë ets xytyukmëkajpxtëty mëti'ipë ka'ap tyuna'antën, jotmëkwinkajpxëtë mëti'ipë kumo'on kutujkëtëpën ets putëkëtë mëti'ipë ka'ap oy tnijawëtën ja mëpëjkën ets nämyëmä'kxtukëtë nixim niyam.

2 Tesalonicenses 2:15

Paaty, mëku'uktëjkëty, tu'ukyë ja mëpëjkën yaj'itë ets këtii xy'ëxmatstëty ja ijxpëjkën mëti'ipë të ntuk'ëwaanëtën nokyjoty.

2 Tesalonicenses 3:7

Miitsëty mnija'awëtëp wi'ix mëpaat mjuuky'atën ets jëtu'un winë xytyuntëty ijxtëm ëëtsëtyën. Ëëtsëty ka'apës ojts je'eyë npo'kxtë npëktë koos jam nyajpatë ma miitsëtyën,

1 Timoteo 5:21

Y'ijxyp myëtoopy ja Dios Teety ets ja Jesukristë ja tsajpjotmëtë kukäjpxy winwityëtsypë, ko ya'atë yam ntuknipëky ets xykyuuytyunëty. Tu'knax mpaye'eyëty, ka'ap wyin'ixy wyinkexyëty.

1 Timoteo 6:5

je'eyë nyätsyiik nyäkyoxëtë jä'ä ko ëxëëk ja jyot wyinma'anyëty ets ka'ap nijawëtë ja tëyajtën, paaty myëpëktë ko nyäyajkumeenytya'aka'anëtë.

2 Timoteo 3:5

Jëtu'un nyäpyëjkta'aka'anëtë ijxtëm jeexyë myëpëktën, je'eyëp ko ma winë tuntën aakjä'ä ma'atpë ets tëkatsypë. Këtii jëtu'unpë ja'ay xykyutëkëtëty. Janty mëpëjkpë ja'ay nyäyajnaxa'anëtëty, jëtu'unpë ja'ay këtii xymyëjwa'kpätëty.

2 Timoteo 4:1

Jam Dios wintum ets Jesukristë wintum, mëti'ipë minaanpën ijxtëm tu'uk ja yajkutujkpën ets tpaye'eyä'äny ja juukpyë ets ookyëp, tyam ntuk'ëne'emy

2 Juan 1:10

Pën jam pën mtukninëjkxëtë ja ijxpëjkën mëti'ipë ja Kristë ka'ap tjä'äjëtyën, këtii xyajtëkëtëty mtëkoty ets ni xykyakajpxpo'kxtëty.