2 Tesalonicenses 3:5 - Biblia Dc en Mixe de Quetzaltepec

⁵ Ja Wintsën mputëkëtëp ets xymyëët'atëty ja nitsokën ijxtëm ja Dios tsokyën ets xymyëët'atëty ja jotmëk'ajtën mëti'ipë Kristë mmooyëtëpën.

Biblia Mixe de Quetzaltepec

⁵ Ja Wintsën mputëkëtëp ets xymyëët'atëty ja nitsokën ijxtëm ja Tios tsokyën ets xymyëët'atëty ja jotmëk'ajtën mëti'ipë Kristë mmooyëtëpën.

2 Tesalonicenses 3:5 ပူးပေါင်းရင်းမြစ်များ

1 Reyes 8:58

Wä'än tyaj'oyë ja n'aaw'ajt njot'ajtëmë ets ntu'uye'eymyëty ma oypyë në'ë'aaw tu'u'aawën, tääts yi'iyë nmëma'ay nmëtajmëty ja y'ënä'ämën tyiyajtën, ja y'aaw y'ayuk ets tuunk mëti'ipë ojts tyajwë'ëmyën mëët ja nteety'ajt n'ap'ajtëmë.

1 Crónicas 29:18

Wintsën, Dios mëti'ipë y'ëwtajtën ja Abraham, Isaac ets Israel, ëëts ja n'apteetyëty. Mmëët'atëp xëmë jëtu'unpë jot winma'any oypyë tsujpë ets xoontä'äkpyë ma ja mnaax mkajpnën, ets ja jyot wyinma'any jam xëmë tyaj'itëty ma mijtsën.

Salmos 119:36

Mijts myajkutukëp etsës yë njot nwinma'any tsojkën'atëty yë m'ënä'ämën mtëyajtën ets këtii yë'ë ja wit meeny mëti'ipë ja win'ë'ënën mëët yajpaatyën.

Salmos 119:5

Jääpëkës jeexyë janty mëk xëmë n'ëkyajpaaty etsës jeexyë ja mtëyajtën npatuunta'ay.

Salmos 40:1

Tu'ukyë jam yë njot nwinma'anyës npëjktä'äky ma Wintsënën, ets yë'ë tëë tmëtoy koos nyä'äxy njoky;

Proverbios 3:6

Dios yë'ë mtimjyotnakon'atëp oy tii xytyimtunëty, ets yë'ë myajnëjkxëtëp ma ja tu'ujën mëtëypyë.

Jeremias 10:23

Wintsën, ëjts nnija'apës ko yë naaxwiinyëtë ja'ay ka'ap kyë'ëmëty nyäyajjuuky'ätyë ets ka'ap yë'ëjëty t'awitsy jënu'un jyuuky'ata'any ets wi'ix jyuuky'ata'any.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Lamentaciones 3:26

Oy ko yë Wintsën n'a'ijx njëjp'ijxmëty yë näypyutëkë, yë'ë nyija'ap jëna'a xypyutëkëja'anëmë.

Romanos 5:5

Ya'atë mëpëjkën ka'ap maa tëkatsy xyajwë'ëmëty, jä'ä ko yë Dios tëë xymyo'oyëm ja tsyojkën jya'awën ma njoot'ajt nwinma'any'ajtëmën mëët ja kënu'kxymyëk'ajtën.

Romanos 8:25

E mëti'ipë njëjp'ijxëmën ets ka'ap tii n'ijxëmë mëët ja nwiin'ajtëmë, ëyo'owmëp ko jeky n'ëwxijtëmë.

Romanos 8:28

Nnija'awëm ëëtsajtëm ko ja Dios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

1 Corintios 8:3

Pën ja Dios tsyojkpy jya'ap, nija'awëyëp ja Dios.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Deuteronomio 30:6

Nëjkxëp jap tpëjktä'äky ja oy'aaw oy'ayuk ma ja mjot mwinma'anyëtyën ets ma ja m'u'unk m'ok ja jyot wyinma'anyëtyën. Yë'ë nëjkx tu'ukyë xytsyoktë xyjyawëtë winë aaw winëjot, tu'ukyë jot tu'ukyë winma'any ets nëjkx jotkujk mjuuky'ajnëtë.

1 Tesalonicenses 1:10

ets xyjyëjp'ixtë ko myina'any ja Jesús, ko tsyoona'any jam tsajpjotm ja Dios U'unk, mëti'ipë juukpyëjkën. Yë Jesús yë'ë xyajnitso'oka'anëm ma ja mëj ëyo'onën mëti'ipë miimp wiinkoonpën.

1 Tesalonicenses 1:3

Xëmës miits nja'amyätstë nTeety'ajtëm Dios nmëpëjktsoy ko mtuntë mëët ja mëpëjkën ets ko xyjyëjp'ixtë ja Wintsën Jesukristë ets ko të mputëkëtë ets xymyënax xyajnaxtë amëk jotmëk ja ëyo'on jotmay.

1 Tesalonicenses 3:11

Ntsojktëpës ets ja Dios mëti'ipë nTeety'ajtëmën ets ja Wintsën Jesukristë ëëts xypyutëkëtëty ets miits nëjkx nku'ixëtë.

2 Timoteo 4:8

Ets tyam, ja oyajtënës xy'owëxijtp mëti'ipës xypyatpën, mëti'ipë ja Wintsën, mëtëypyë pyaye'eyën xymyo'ojaanpës jä'ä xëëw. Ets ka'ap y'ëjtsëty je'eyë nätyu'uk, näjyëtu'un yajmo'oja'antë ni'ëmukë mëti'ipë tsyojktëpën ets myinëty mëët ja mëj'ajt oyajtën.

Tito 2:13

naamka'anëm jyä'tynyëm mëti'ipë n'a'ijx njëjp'ijxëmën, ko myina'any ja mëj Dios, ets ja yajnitsokpë Jesukristë.

Hebreos 9:28

Näyjyëtu'un ja Kristë të wyintsë'kën'aty tuk'okyë ets ja mayjyä'äy të pyokywya'atstë. Ok jatëkok myina'any ja mëmäjtsk okpë, je'eyëp ko ka'ap yë'ë t'ëkniminanë ja nëë poky, yë'ë nyiminäämpy ets tyajnitso'oka'any ja mëti'ipë jëjp'ijxëtëpën.

Santiago 2:5

Mëku'uktëjkëty, mëtowtë ets ja'akyukëtë ya'atë: Dios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Dios të tukwinwanën ja ja'ay mëti'ipë tsojkëpën;

1 Pedro 4:1

Jëtu'un ijxtëm ja Kristë jyot nyini'kx y'ëyooyën, jëtu'un mëpaat miits xykyupëktë ja ëyo'on. Mëti'ipë të y'ëyoyën ma ja nyi'kx kyopkën, tëë ja poky tpojtuky,

2 Pedro 3:12

Tsojk njëjp'ijxëm ja xëëw ma ja Dios myina'anyën ets tuntë wi'ix tsojk myinëtyën. Jä'ä xëëw nëjkx ja tsajp wyintëkoy mëët ja jëën; ets mëti'ipë ënety jää'ajtpën, tu'kë'ëyë jyiiywya'kxta'aja'any ko mëk tyoyëty.

1 Juan 4:19

Paaty ja Dios ntsojkëm, jä'äkyëjxm ko yë'ë jëwyiin të xytsyojkëm.

Apocalipsis 1:9

Ëjts Juan, miits yë mmëku'ukëty, ets koos tu'ukyë nyajpaaty mëët yë Jesús, xypaat'ajtpës mëët miitsëty ja Dios ja kyutujkën, ma n'ëyo'onpatëmën ets ma akujky jotkujk n'ijtëmën ets tu'ukyë jotmëk nyajpatmëty. Jä'äkyëjxm koos ja Dios ja y'aaw y'ayuk të nimëtyakë mëti'ipë ja Jesús ojts nimëtyä'äkyën, jamës ënety nyajpaaty Patmos, ma tu'kkëëyi'ikpyën ja naax jam mejyjyotm.

Apocalipsis 13:10

Mëti'ipë nitëjkëyëpën yajtsumëty, nëjkxëp ja yajtsumy; pën nitëjkëyëp yajkupuxëty, nëjkxëp ja yajkupuxy. Yaa yaj'ixa'any pën jotmëkën ets pën mëpëjkpën ma ja Dios ja nyaax kyajpnën.