2 Tesalonicenses 3:4 - Biblia Dc en Mixe de Quetzaltepec

⁴ Jamës winma'any mpëjkta'aktë ma ja Wintsën Jesusën ko winë oy xytyuntë ets ko jëtu'un xytyuna'antë ijxtëm të ntuk'ënä'ämtën.

Biblia Mixe de Quetzaltepec

⁴ Jamës winma'any mpëjkta'aktë ma ja Wintsën Jesusën ko winë oy xytyuntë ets ko jëtu'un xytyuna'antë ijxtëm të ntuk'ënä'ämtën.

2 Tesalonicenses 3:4 ပူးပေါင်းရင်းမြစ်များ

1 Tesalonicenses 4:10

Yajnija'ap ko mnätsyokëtë nixim niyam ni'ëmukë mëti'ipë tsënaaytyëpën jam Macedonia y'itjotm. Tyam nmënu'kxta'aktë mëku'uktëjkëty, nätsyokëtë nixim niyam wäänëni'ik.

Filipenses 1:6

Njëjp'ijxypës ko ja oypyë tuunk mëti'ipë ja Dios yajtso'ontakën ma miitsëtyën, yë'ë oy yajtu'uye'eyäämpy koonëm ja Jesukristë wyimpitëty.

Filemón 1:21

Paaty nnijayë, jä'ä ko njëjp'ijxypës ko mijts mja'akyujkëp ets mëtoop, nnija'apës ko mtunäämpy mëti'ipë yam n'amëtoopyën.

Filipenses 2:12

Jëtu'un yam nëëmëtë mëku'uktëjkëty, ijxtëm xëmë të xymyëmëtowtënës, ka'ap jyääyëty koos të njam'aty ma miitsëtyën; mmëmëtoowtëkës tyam ni'ik maas jëkäm nyajpaatyën. Yajtsowpaatë mëët ja ko ëwaatsëtum myajpaatë,

2 Corintios 2:3

Paaty je'eyë të nijayëtë, këtiipës ok nmëmay nmëtajëty, ijxtëm jeexyë ni'ikyë nxoontä'äkyënës. Njëjp'ijxypës ënety ko miitsëty näjyëtu'un mxoonta'aktëty mëët ëjts.

2 Tesalonicenses 3:12

Jëtu'unpë ja'ayëty jëtu'unës yam n'ënä'ämtë ets ntuknipëktës ma Wintsën Jesukristë xyëëwën wä'än tuntë amëk jotmëk ets tpaatëty kyä'äyën y'ukënëty.

2 Tesalonicenses 3:6

Mëku'uktëjkëty, Wintsën Jesukristë xyëëwkyëjxm miits ntuk'ënä'ämtë ets ka'ap mëët mye'eymyuk mnaxmuktëty ja ja'ay mëti'ipë ënantëpën ko Jesukristë tmëpëktë e ka'ap tii tuna'antë ets ka'ap tpatuntë ja tëyajtën mëti'ipës ojts njatuk'ëwaanëtën.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Gálatas 5:10

e ëjts jamës yë nwinma'any npëjktä'äky ma Tiosën ko miitsëty ka'ap tëkatsy mmaya'an mtaja'antë. Yajtëytyunaanp ja ja'ay mëti'ipë ënety myajwinma'anytyëkooyëtëp, oypyënëty.

2 Corintios 8:22

Tyamës wiinkpë nkexy ja nmëku'uk'ajtëmë, mëti'ipë ëëts nnija'awëmën ko oy winë tuny ets ni'ik tyam ko miits mtukjotkujk'atëtë.

2 Corintios 2:9

Miitsëty tëë n'ëktuk'ëwa'anëtëpë ya'atë jotmay, yë'ëjës ënety n'ixäämpy pën mpatuuntëp ja n'aaw n'ayukës.

1 Corintios 14:37

Pën jam pën nitu'uk nyäjyawëty ko Dios käjpxynyajxpë ëkë ko Kënu'kxymyëkajtën winma'anymyooyëp, nyijawëp ko mëti'ipë yam ntuknija'ayëtëpën Dios jëtu'un të tni'ënä'ämë.

1 Corintios 7:19

Ka'ap maa tyuny pën tsuky katsuky, yë'ë tuunp pën pyatuumpy ja Dios ja y'ënä'ämën.

Romanos 15:18

Ka'apës nnätyuk'a'ixëty tii nimëtya'aktëty, yi'iyës nimëtyäkpy mëti'ipë ja Kristë të tunyën ëjtskyëjxm etsës nputëkëty mëti'ipë ka'ap jyutiis ja'ay'atën ets ja Dios tmëmëtowtëty. Ya'atë yë'ë mëët wyintu'upëky ja käjpxy mëtyä'äky ets ja tuunk,

Romanos 15:14

Mëku'uktëjkëty, nmëpëjkpës ko tyiyëty ko miits ni'ik xymyëët'atë ja oyjyot oywyinma'any, ja wijyajtën kejyajtën ets mjajtëp wi'ix mnäkyajpxwijëtëty.

Romanos 2:7

Myo'ojäämpy ja juukyajtën xëmëkyëjxmëpë mëti'ipë y'ijxtaaytyëpën ja mëj'ajt oyajtën, xoontakën ets ka'apë kyixy nyäxyën, ets të tuntë xëmë ja oypyë;