2 Tesalonicenses 3:14 - Biblia Dc en Mixe de Quetzaltepec

¹⁴ Pën jam pën ka'ap tmëjpëjktä'äky mëti'ipës nnikajpxtëpën jap nokyjoty, m'ixtëp pën ënety ets këtii mëët mye'eymyuk mnajxmuktëty, wä'än tsëtyu'unpaaty.

Biblia Mixe de Quetzaltepec

¹⁴ Pën jam pën ka'ap tmëjpëjktä'äky mëti'ipës nnikajpxtëpën jap nokyjoty, m'ixtëp pën ënäty ets këtii mëët mye'eymyuk mnajxmuktëty, wä'än tsëtyu'unpaaty.

2 Tesalonicenses 3:14 ပူးပေါင်းရင်းမြစ်များ

Esdras 9:6

ets n'ënëmaayës: Wintsën, Wintsën, tsëtyuumpës koos nkatukjaty wi'ix nmëëtkajpxy nmëmëtya'akëty. Mëjwiin këjää ëëts të mpokytyuntë.

Salmos 83:16

Wintsën, yajtsëtyu'unpaat ets jëtu'un mja'amyätsëtëty.

Proverbios 5:13

Ka'apës ojts nmëtoowkukë mëti'ipë ja yaj'ixpëjkpëtëjk jyanikajpxtën, ets ka'apës nkäjpxymyëpëjky mëti'ipës ojts xyjya'ëëwij xyjyakajpxwijtën,

Jeremias 3:3

Paaty ka'ap y'ëktuunë potmjoty ets xëkopkjoty. Jëtu'un mkëxë'ëky into'oxyën.

Jeremias 6:15

Tsëtyuunëtëp jeexyë ko yi'iyë tyuuntëp ka'apës nme'kxyën. E ka'ap tsyëtyuntë, jëtu'un yaj'ixy ka'ap yowë nijawëtë tii tsëtyu'unën'ajtp. Paatykyëjxm koos ënety ntëytyuntë, je'eyë y'anäpëja'antë ets kyëtawa'antë jëtu'un tä jyatën yë wiink ja'ayëty. Ëjts, mëti'ipë Wintsën'ajtpën, ëjts ënaanp.

Sofonías 3:2

Ka'ap tmëtoy wi'ix ja Wintsën jya'ëna'anyën ets ka'ap të tkupëky ets yaj'awijtsë'ëkëty; ka'ap yë Wintsën të tuk'ijxpety ets ka'ap të t'ëwtaty.

Mateo 18:17

Ets pën ka'ap näjyëtu'un yajmëjpëjkta'aktë, ënëëmë ja mëpëjkpëtëjk ma ye'eymyuktën. E pën kajts näjyëtu'un yajmëjpëjkta'aktë, jëtu'un tääpë ja'ay nëjkx xyajnajxnëtë tä mëti'ipë ka'ap myëpëkyën, ëkë ijxtëm ja yajkukëpäjtpëtyën mëti'ipë Roma myëtuuntëpën.

Romanos 16:17

Mëku'uktëjkëty, m'ixtëp mtuntëp ja ja'ay mëti'ipë tyuunk'ajtëpën ja näy'ëxëëk'ixë ets t'ixkukëtë ja tsip. Mëti'ipë jëtu'unpë tyuuntëpën, ka'ap yë'ë jyëtu'unëty ijxtëm ja ijxpëjkën mëti'ipë miits të xynyijawëtën. Nikë oy ko xywyinye'eytyu'utëty.

1 Corintios 4:14

Ka'ap miits ya'atë yë'ëkyëjxm ntuknijayëtë ets mtsëtyuntëty, nkajpxwijtëp jëtu'un, ijxtëmës nkë'ëm u'unkën jä'ä ko ntsojktëp miitsëty.

1 Corintios 5:11

Yë'ës ntijpy, ko ka'ap miits mëët m'ëk ye'eymyujknëtëty ja ja'ay mëti'ipë nätyijëpën ko tmëpëky ja Kristë ets tyam ja ëxëëk winma'any tpaaty; ets ameeny, wyintsë'këp ja tsaatsetsy, kepy tsyetsy; pi'tskajpxk, je'eyë y'uuky myu'ukyë ets mä'tsp. Ni xykyamëëtkaytyëty ja jëtu'unpë ja ja'ay.

1 Corintios 5:9

Ko ojts miits ja noky ntuknikäxtë, jëtu'un ojts nëëmëtë ko ka'ap mnämyäyëttëty mëët ja mëti'ipë jyot nyini'kx tyo'ktëpën.

2 Corintios 10:6

ets jëjp'ixyës nyajpaatë ets tkumëtowtëty mëti'ipë käjpxy kyumëtoownajxtëpën, ko ënety miitsëty mëtëy winë xytyuntë.

2 Corintios 2:9

Miitsëty tëë n'ëktuk'ëwa'anëtëpë ya'atë jotmay, yë'ëjës ënety n'ixäämpy pën mpatuuntëp ja n'aaw n'ayukës.

2 Corintios 7:15

Ets Tito mtsojkëtëp tyam wäänëni'ik ko tja'amyetsy ko miits xymyëmëtowtë ets ko mëët ja wintsë'kën ojts xykyupëktë.

Deuteronomio 16:12

Yë'ë xëmë mkaja'atyëkoytyëp ko ojts jap Egiptë mëtuntë m'ëyowtë. E paatykyëjxm tuntë ijxtëm ya'atë ënä'ämën tyam myajmo'otën.

Filipenses 2:12

Jëtu'un yam nëëmëtë mëku'uktëjkëty, ijxtëm xëmë të xymyëmëtowtënës, ka'ap jyääyëty koos të njam'aty ma miitsëtyën; mmëmëtoowtëkës tyam ni'ik maas jëkäm nyajpaatyën. Yajtsowpaatë mëët ja ko ëwaatsëtum myajpaatë,

Colosenses 4:16

Ko miits ya'atë noky xykyajpxta'atëty ets xytyuknikäxtëty yë mëpëjkpëtëjk jampë Laodicea yajpaatën; ets tkajpxtëty näjyëtu'un. E mëti'ipë yë'ë kyäjxtëpën ma miitsëtyën mkajpxtëp näjyëtu'un.

1 Tesalonicenses 4:8

Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Dios ënety kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

2 Tesalonicenses 3:6

Mëku'uktëjkëty, Wintsën Jesukristë xyëëwkyëjxm miits ntuk'ënä'ämtë ets ka'ap mëët mye'eymyuk mnaxmuktëty ja ja'ay mëti'ipë ënantëpën ko Jesukristë tmëpëktë e ka'ap tii tuna'antë ets ka'ap tpatuntë ja tëyajtën mëti'ipës ojts njatuk'ëwaanëtën.

Tito 2:8

Oy ets wa'ats mkajpxëty mmëtya'akëty, këtiipë pën y'ëna'anëty ko ka'ap jyëtu'unëty. Jëtu'un tsyëtyu'unpaatëty mëti'ipë mmëtsip'ajtëpën, jëtu'un ka'ap tjëkyäptëty wi'ix ëxëëk xynyimëtyakmëtyën.

Tito 3:10

Pën jam pën tyajnäwya'kxa'anyë ja mëpëjkpëtëjk, wiinkukajpxë tëkok ëkë mäjtsk ok; pën ka'ap mmëmëtoyë, tim käjxpëtsëm ma ja mëpëjkpëtëjkëtyën.

Filemón 1:21

Paaty nnijayë, jä'ä ko njëjp'ijxypës ko mijts mja'akyujkëp ets mëtoop, nnija'apës ko mtunäämpy mëti'ipë yam n'amëtoopyën.

Hebreos 13:17

Mëmëtowtë ja mkutuunkëty mëti'ipë ja mëpëjkpëtëjk tyu'uwinye'eytyëpën ets wiinkutsë'ëkëtë, jä'ä ko yë'ëjëty ka'ap pyo'kxtë ko mkëwent'atëtë; mnija'awëtëp ko kopkpëky ko Dios wyintum tnikajpxa'antë tii pën tyuunpy kyäjpxypën. Jotkujk winë xytyuntëty ka'ap y'atsipëty, jä'ä ko pën atsip winë yajtuny ka'ap jëtu'unpë tsyoowpaaty.

2 Juan 1:10

Pën jam pën mtukninëjkxëtë ja ijxpëjkën mëti'ipë ja Kristë ka'ap tjä'äjëtyën, këtii xyajtëkëtëty mtëkoty ets ni xykyakajpxpo'kxtëty.