2 Tesalonicenses 1:8 - Biblia Dc en Mixe de Quetzaltepec

⁸ Yë'ë nyiminäämpy ets tukumëtowa'any mëti'ipë ja Dios ka'ap tmëmëtowtën ets ka'ap tpatuntën ja oy aaw oy ayuk ma ja Wintsën Jesukristë yajnimëtyä'äkyën.

Biblia Mixe de Quetzaltepec

⁸ Yë'ë nyiminäämpy ets tukumëtowa'any mëti'ipë ja Tios ka'ap tmëmëtowtën ets ka'ap tpatuntën ja oy aaw oy ayuk ma ja Wintsën Jesukristë yajnimëtyä'äkyën.

2 Tesalonicenses 1:8 ပူးပေါင်းရင်းမြစ်များ

Génesis 3:24

Ko ënety tëë ja Ye'eytyëjk jap tju'tnë kamjoty, ënät nyäpyëjktakëtë jam awinmtsow ja Wintsën ja kyukäjpxy ets tu'uk yë tëypyujxn jëënmëët wyojpminy wyojpxëpy xiitsow yaatsow, yë'ë kyëwent'ajtëp ja jë'kxykyam. Jä'ä këtiipë pën tmëwinkonëty ja ujtstëëm mëti'ipë myëët'ajtypyën ja juukyajtën.

2 Samuel 23:7

Jëtu'un tä yë äpnyën yë'ë mëët yajmatsy yë pujxn ëkë kepy, ko yajjëënkupëky ets jap tyooytya'akëty.

Salmos 18:44

Je'eyës tu'k aaw nkäjpxy täätsës xymyëmëtowtë; jëkämpaat muum yë ja'ay të tsyoontë mëti'ipës të xymyëmëtowtën.

Salmos 79:6

Yajnikëxë'ëk yë mjoot'an jam ma ënä'ämpëtëjkëtyën, mëti'ipë ka'ap yë Dios t'ëwtatën ets ka'ap m'ixy'ätyë ni mkamëkäjpxyë.

Salmos 9:10

Wintsën, yë ja'ay mëti'ipë m'ixy'ajtëpën mijts mtuk'ijxpäjtëp, jä'ä ko mijts nijëna'a xykya'ëxmatsy mëti'ipë m'ixtaayëpën.

Salmos 94:1

Näyajnikëxë'ëkët mijts Wintsën, Dios mëti'ipë tukëpäjtpën ja poky.

Éxodo 5:2

Ënet ja mëj'ënä'ämpë y'ëtsooy. ¿Pën Wintsënëtën m'antijpy ets pën timyë'ënë etsës ënät nmëmëtowëty ëkë etsës ënät yam najtsmajtsëpëty yë Israel ja'ayëty? Tääpë wintsën xynyikäjpxyën, ka'apës n'ixy'äty ets näy ka'apës yam n'ëxmatsëty yë Israel ja'ayëty.

Isaías 1:19

Ko miitsëty xykyupëktëty ko mmëtowantëp, nëjkxëp mka'ayën m'ukën xypyaatë oyëtypë;

Isaías 1:28

Apux tukpuxës ntuna'any mëti'ipë käjpxy kyumëtoownajxtëpën, ets mëti'ipës ënety xy'ëxmajtstëpën nëjkxëp y'ooktë.

Isaías 27:11

Jëtu'un nëjkx jyatë tä tu'uk kepy wyinwexy ko tyëtsnë; ets ja to'oxytyëjk t'apuxëtë tääts yë'ë tno'oktë. Paatykyëjxm yë Wintsën mëti'ipë të yajkojyën ka'ap pya'ëyowa'anëtë.

Isaías 61:2

ets nikajpxa'any nimëtya'aka'anyës ja xëëw jëmëjt ma ja ja'ay jotkujk y'itëtyën, ja xëëw po'o ma ja nWintsën'ajtëm tyajkutëkoyä'änyën ja nmëtsip'ajtëmë mëti'ipë ëxëëk të xytyu'un të xy'ënëma'ayëmën. Të xykyexyës etsës nyajjotkujkëtya'aja'any tëkokyë ja'ayëty mëti'ipë moontëp tujktëpën.

Jeremias 10:25

Yajkëta'ak ja mtsip m'äkë ma ja naax kajpnën mëti'ipë ka'ap m'ixy'ätyën, ma ja naax kajpn mëti'ipë ka'ap mmëkäjpxyën, jä'ä ko tëë ja Jacob ja nyaax kyajpn ëxëëk tuunëtë, tëë yajxon timyajkutëkoytyë ets xit ko'ow të t'ëxmatstë.

Jeremias 9:6

Jëtu'un yë Wintsën y'ënä'äny: Aak win'ë'ënëtëp ja'aynyë, aak tëkatsy winë tuntë tkajpxtë. Yë nnaax nkajpnës ninu'un xykya'ixkäpyës.

Daniel 7:10

ets jam wyintum mëjnëëjën jam yaj'ixy tsyoony ja jëën. Mil'am jam yaj'ixy ja tuunpëtëjk ets millonk'am nyatänëty. Ja mëti'ipë ja aaw ayuk yäjkpyën ënät ojts kyajpxtsoony ets ojts yajkëëywyä'kxy ja noky.

Sofonías 1:6

Nyajkutëkoyäämpyës näjyëtu'un mëti'ipës xynyawa'ktutpën, mëti'ipës ka'ap xy'ixta'ayën ets mëti'ipës ka'ap tii xyajtëyën.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Mateo 25:46

Ja ëxëëk ja'ay ëts jap yë nyëjkxa'antë ëyoowtaknjoty, e ja wa'ats ja'ayëty jap ja nyëjkxa'antë ma juukyajtën yajpaatyën xëmëkyëjxmëpë.

Juan 3:19

Mëti'ipë ka'ap myëpëktën tëë nyitukëtë, jä'ä ko, yi'iyë ja ëxëëkpë tyuuntëp paaty ja kujaj kutë'kxën ka'ap të tsoktë ko të jyaminy yaa naaxwiiny.

Juan 8:19

Ets tyajtëëwtë: ¿Maaxë ja mteety? Ets ja Jesús y'ëtsoowëtë: Ka'ap miits xy'ixy'atës, nän ka'ap ja nteetyës xy'ixy'ajtëtë; ko jeexyë xy'ëk'ixy'atës, m'ixy'ajtëp jeexyë näjyëtu'un ja nTeetyës.

Hechos 6:7

Ja Dios ja y'aaw y'ayuk ni'ikyë ënety myëjwiinë kyëjääjë ets ja mëpëjkpëtëjkëty ni'ikyë myäyëtë jam Jerusalén, yë'ëpaat ja teetytyëjkëty ojts may myëpëjknëtë.

Romanos 1:28

E jä'ä ko ka'ap nijawëjantë ja Dios, paaty ja Dios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Romanos 1:5

Jesukristë mëyajtën të tuny etsës të xyajnaxy oy ayukkajpxwa'kxpë, jëtu'unts oymyaatsowëty ja ja'ay tmëpëktëty ja Jesukristë ets tmëmëtowtëty.

Romanos 10:16

E ka'ap ja ja'ay ni'ëmukë të tkupëktë ja oy aaw oy ayuk. Jëtu'un ijxtëm ja Jeséas y'ënä'änyën: Wintsën, ¿pën jëtää të tmëpëktë ja ayuk mëti'ipë ja ja'ay të yajtuk'ëwaanëtën?

Romanos 15:18

Ka'apës nnätyuk'a'ixëty tii nimëtya'aktëty, yi'iyës nimëtyäkpy mëti'ipë ja Kristë të tunyën ëjtskyëjxm etsës nputëkëty mëti'ipë ka'ap jyutiis ja'ay'atën ets ja Dios tmëmëtowtëty. Ya'atë yë'ë mëët wyintu'upëky ja käjpxy mëtyä'äky ets ja tuunk,

Romanos 16:26

je'eyëp ko tëë tyam yajnijawë ko ja y'aaw y'ayuk të tukjaaywyi'imy ja kyäjpxynyajxpëtëjk ijxtëm tni'ënä'ämën ja xëmëkyëjxmëpë Dios ets ja naaxwiinyëtë ja'ay ni'ëmukë yajtuknijawëtëty jëtu'un tmëpëktëty ets tmëmëtowtëty.

Romanos 6:16

Miits mnija'awëtëp pën mnäkyë'ëyajkëtëp ijxtëm ja mëtuunpë nitookpyën ma tu'uk ja wintsënën ets tëë m'ëna'antë ko yë'ë xymyëmëtowa'antë; mëtuunpë nitookpyë miitsëty mnaxtë ma tääpë ja wintsënën mëti'ipë mmëmëtoowtëpën; e näjyëtu'untsën miits mnaxtë tä ja mëtuunpë nitookpyën, ko yë'ë xymyëmëtowtë ja poky ets myaj'ookëtë, ëkë ko xymyëmëtowtë ja Dios ets mjuuky'atë ma ja oypyë ja nipaye'eyën.

1 Corintios 15:34

Niwinpitë ja oy juukyajtën, ka'ap m'ëk pokytyuunëtëty, jä'ä ko ka'ap miits ja Dios jënaakën xynyijawëtë. Miits mtsëtyu'unpatëp koos jëtu'un n'ëna'any.

2 Corintios 10:5

ets tëkokyë ja mëj këjxmëpë ja winma'any mëti'ipë y'ëtujkpyën ets ka'ap tyu'uye'eyëty ja Dios ja myëk'ajtën. Tu'kë'ëyë ja ëxëëk winma'any jamës npëjktakta'atë ma ja Kristën ets yë'ë tmëmëtowtëty,

Gálatas 3:1

Miits, Galacia ja'ayëty kutsuujëty. ¿Pën të mpatoy të mpanaxëtë? Tëëts yajxon ntuk'ijxpëktë miits mwintuuyëty ijxtëm ja Jesukristë ojts kyëruutspetyën.

Gálatas 4:8

Ko ijty miits ja Dios ka'ap xynyijawëtë, yë'ë ijty mmëtuuntëp ja ka'apë Tyiosëtyën.

Deuteronomio 32:35

Jääjës yë ntuknipëjktaakë nyajpëtsëma'any, koos ënety ntuunwinpity, mëët wi'ixës ja y'ëxëëkjot y'ëxëëk winma'any të xytyuk'ixtën, ets ko ënety o'ktëy jyajnëtë kyëpäjnëtë. E timwinkoonp ma ënät kyutëkooytya'atëtyën, tyimpatyp ja xëëw po'o.

Deuteronomio 4:11

Ënet ojts miitsëty mwinkontë ets jam mwa'ak'o'oyëtyääytyë kopk'ëjxm. Xy'ixtë ko jam ma ja tunkupi'tsykyën jëtu'un jam ja jëën jyäty pyëtsimy ets ja jëënjok janty yëk je'eyë y'akëxë'ëkë.

Deuteronomio 4:30

Ma ënety miits xymyënax xyajnaxtën ja ëyo'on jotmay ets ja monyëtukyë ets mjootwinpitëty jatëkok xymyëmëtowtëty ja mWintsën Tiosëty.

Deuteronomio 5:5

Ëjts itkujkyës ënety nyajpaaty ma Tiosën mëët miitsëty ets ntuk'ëwaanëtëty tii ja Dios kyäjpxyp. Jä'ä ko ja jëën mëti'ipë jam këxë'kën ojts ja xytsyë'ëkëtë, paaty ka'ap tjëkyejpy jam mpätëty kopkkëjxm. Ets ja Wintsën ojts y'ënä'äny:

1 Tesalonicenses 4:5

ka'ap jëtu'un m'ëtë'ëtstëty ijxtëm y'ëtë'ëtstën mëti'ipë ja Dios ka'ap tnijawëtën, mëti'ipë winë y'atsojktëpën.

Hebreos 10:27

yi'iyë ja ëyo'on njëjp'ijxënëp ets ja tëytyu'unën ets mëj jëën ma y'ëyowtëtyën mëti'ipë ja Dios myëtsip'ajtëpën.

Hebreos 10:30

Nnija'awëm ëëtsajtëm ko Dios të y'ënä'äny: Ëjts xypyaat'ajtp ets yajpaye'eyëty, ëjts ntukëpätëp. Ets ko näjyëtu'un y'ënä'äny: Yë Wintsën pyaye'eyäämpy yë nyaax kyajpn.

Hebreos 11:8

Mëët ko myëpëjky ja Abraham paaty ojts ja Dios tmëmëtoy ko y'ënëmaayë ets pyëtsëmëty ma ja nyaax kyajpnën, ënät tsyo'ony ets ojts nyijkx ma ja Dios ënety ja naax tyukumayä'änyën. Ko tsyo'ony ma ja nyaax kyajpnën, ni tkanijawë maa ënety nyijkx.

Hebreos 12:29

Jä'ä ko jëtu'un ja nTios'ajtëmë ijxtëm ja jëënën mëti'ipë yajtooytyëkoopyën winë.

Hebreos 2:3

¿Paaty wi'ix ëëtsajtëm nkuukäkmëty ja tëytyu'unën pën ka'ap nmëjpëjktakëm ja mëj nitsokën? Wintsën ojts kë'ëm tnikäjpxy jëwyiin ya'atë nitsokën; ets mëti'ipë ojts tmëtoow'itën, yë'ë të tnikajpxtë ma ëëtsajtëmën.

Hebreos 5:9

Ets ko ojts tyaj'apaatë ja tyuunk, ënät ojts nyäxy yajnitsokpë xëmëkyëjxm ma ja mëti'ipë mëmëtoowëpën,

1 Pedro 1:2

mëti'ipëjaty ja Dios Teety ojts wyinwitsëtën tëëyëp ijxtëm yë'ë të tuknipëjktaakën. Ja Dios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Dios ni'ik mmo'ojëtë ja kënu'kxën ets ja jotkujk'ajtën.

1 Pedro 3:6

Jëtu'un ja Sara jyuuky'äjty, myëmëtoow ja Abraham ets wintsën ijty tijy. E miitsëty yë'ë ja Sara mnëëx'ajtëtëp ko ja oypyë xytyuntëty ets ka'ap mtsë'ëkëtëty.

1 Pedro 4:17

Tëë ja tiempo tpaaty ma ja Dios tpaye'eyä'änyën ja jyä'äy. Ets pën jam ja paye'eyën tsyo'ontä'äky ma ëëtsajtëmën, ¿Wi'ixpëm jëtää jyata'antë mëti'ipë kyamëmëtoowtëpën ja oy aaw oy ayuk?

2 Pedro 3:7

E ja naax ets ja tsajp mëti'ipë tyam n'ijxëmën, tëë ja Dios tuknipëjktaakë ko tyajkutëkoyä'äny mëët ja jëën, ets ko tyajkutëkoyä'äny ja ëxëëkja'aytyëjk ko ënety ja tëytyu'unën ets ja paye'eyën tyunyë jyätyë.

Judas 1:7

Ijxtëm ja anklëstëjk ja Dios tkamëmëtoowtën, tim näjyëtu'un ojts y'ëtëtstë ja Sodomë ets ja Gomorra ja'ayëty ets ja wiink kajpn mëti'ipë winkon yajpatën. Ni'ikyë këjää pyokytyuuntë, paatykyëjxm ja Dios yajkutëkooyëtë mëët ja jëën. Jëtu'unts ja Dios ja nija'awën të xymyo'oyëmë.

Apocalipsis 20:10

Ets ja mëjku'u mëti'ipë ënety të twin'ëënyën ja mayjyä'äy, nän jap ja yajkujëpijpëy ma ja mejy tyoyën mëët ja azufre, ma ënety të yajkupipëtën ja mëj jëyujk mëët ja mëti'ipë ja Dios kyäjpxynyajxpë nätyijëpën. Japts y'ëyowëty xëmëkyëjxm, xëënaxy tsuunaxy.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Apocalipsis 6:10

Ets mëk y'ëna'antë: Janty oy, janty wa'ats mijts, Dios Mëti'ipë Maaytyääyëpën Winë, ¿jëna'a xytyiytyuna'any ets xypyaye'eyä'äny ja naaxwiinyëtë ja'ay mëti'ipë të y'ooktën?

1 Samuel 2:12

Yë Eli y'u'unk y'ëna'k ëxëëk ijty jyä'äy'atë. Nijä'ä tkatuntë këwentë ma ja Wintsën ja tyuunk yajtuna'anyën,