2 Tesalonicenses 1:7 - Biblia Dc en Mixe de Quetzaltepec

⁷ ets miits myajpo'kxëtëty ma tyam m'ëyowtën, näjyëtu'un tä ëëtsëtyën. Jää nëjkx jëtu'un jyäty kyëpety ko ënety ja Jesús myiny mëët ja y'anklëstëjk kutujkënmëëtpë jam tsajpjotm.

Biblia Mixe de Quetzaltepec

⁷ ets miits myajpo'kxëtëty ma tyam m'ëyowtën, näjyëtu'un tä ëëtsëtyën. Jää nëjkx jëtu'un jyäty kyëpety ko ënäty ja Jesús myiny mëët ja y'anklëstëjk kutujkënmëëtpë jam tsajpjotm.

2 Tesalonicenses 1:7 ပူးပေါင်းရင်းမြစ်များ

Apocalipsis 14:13

Ënätës nmëtooy tu'uk ja ayuk mëti'ipës xynyëmaayën: Kuja'a ya'atë: Jotkujk mëti'ipë tyam o'ktëpën ets mëti'ipë ookantëpën, mëti'ipë tu'ukyë ja Wintsën mëët y'itën. Jëtu'un ja Kënu'kxymyëkajtën y'ënä'äny: Jatëp jëtu'un. Po'kxantëp jä'ä, jä'ä ko oy të tyuntë, jääpaat ja tyuunk y'ëyo'on të tyajnaxtë.

Mateo 16:27

Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Apocalipsis 22:16

Ëjts, Jesús, tëëjës ja n'anklës nkexy ets ya'atë tu'kë'ëyë tuk'ix tuknijawëtëty ja niwëxtujk pëkpyë mëpëjkpëtëjk ma ye'eymyuktën. Ëjts ja David xy'u'unk'ajtp xy'ok'ajtp. Ëjts jëtu'un të'kxp ijxtëm ja jaayxyëëwën mëti'ipë jopyëp yaj'ijxpën.

Tito 2:13

naamka'anëm jyä'tynyëm mëti'ipë n'a'ijx njëjp'ijxëmën, ko myina'any ja mëj Dios, ets ja yajnitsokpë Jesukristë.

2 Corintios 4:17

Ja ëyo'on mëti'ipës yaa nmënajx nyajnajxtëpën, ka'ap yë myëjwiin kyëjääjëty, tsojk nyäxy; wäänë mëj ja mëj'ajtën jaanty'ajtën xytyukpatmëty xëmëkyëjxmëpë.

Apocalipsis 21:4

Yajtëkooytya'ajäämpy ja Dios tu'kë'ëyë ja jë'ëyën yaxën ets ka'ap ma nyäky'ita'any ja o'kën tëko'oyën, ni ja amay jotmay ets ni ja pëjkën ato'onën, jä'ä ko mëti'ipë të y'ityën, tëë ja nyäxy.

Romanos 8:17

Ets ko yë'ë xy'u'unk'ajtëmë, näjyëtu'un ja Kristë mëët xypyaat'ajtëmë ja kuma'ayën mëti'ipë ja Dios të xytyukwinwa'anëmën, jä'ä ko tu'ukyë ja Kristë mëët nyajpatëmë ja myëj'ajt jyääntyajtën, jä'ä ko tu'ukyë mëët n'ëyo'owëmë ets jam nyajpatmëty ma myëj'ajt y'oyajtënën.

Lucas 17:30

Näyjyëtu'un jyata'any ko ënety ja naaxwiinyëtë ja'ay ja y'U'unk nyikëxë'ëky.

Mateo 25:31

Ko myinëty ja naaxwiinyëtë ja'ay ja y'U'unk mëët ja të'kxën jajën ets ja y'anklëstëjk ni'ëmukë, ënät nyaaxwäätsa'any ma ja kyutujktaknën mëti'ipë myëët'ajtypyën ja mëj'ajt oyajtën.

Isaías 57:2

ets po'kxpë nyëjkxnëtë. Oy të nyëye'ey të tyu'uye'eytyë, tyam po'kxnëtëp jap je'eyë o'kpëjutjoty.

Apocalipsis 22:9

Tääts xynyëmaayës: Këtii jëtu'un m'ëtë'ëtsy. Tiosës xytyuunpë'ajtp, näjyëtu'unës ijxtëm mijtsën, ijxtëm ja mmëku'uktëjkën mëti'ipë ja Dios ja y'aaw y'ayuk kyajpxwa'kxëtëpën ets näjyëtu'unës tä mëti'ipë myëjpëjktaktëpën ja jaaypyetypë myinyën ma ya'atë nokyën. Wintsë'ëkë ja Dios.

Apocalipsis 22:6

Ënet ja tsajpjotmëtë kukäjpxy xynyëmaayës: Tëy jaanty ya'atë ayuk ets jyëkyejpy yajtuk'ijxpätety ets yajmëpëkëty. Ja Wintsën, mëti'ipë ja käjpxynyajxpëtëjk Tyiosajtën, tëë ja y'anklës tkexy ets tuk'ixa'any tuknijawëja'any ja tyuunpëtëjk tii tsojk tunan jatanëpën.

Apocalipsis 20:11

Ënet n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.

Apocalipsis 1:7

Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënety t'ixtë. Tëy jëtu'un, jëtu'un y'itëty.

1 Pedro 3:22

mëti'ipë ojts pya'tëkën tsajpjotm ets nyaaxwe'tsy ma ja Dios Teety yajkutukyën a'oytsyow, ets yë'ë tyam y'ëne'empy ja anklëstëjk ets mëti'ipë ja mëk'ajtën ets ja kuttujkën myëët'ajtëpën.

Hebreos 9:28

Näyjyëtu'un ja Kristë të wyintsë'kën'aty tuk'okyë ets ja mayjyä'äy të pyokywya'atstë. Ok jatëkok myina'any ja mëmäjtsk okpë, je'eyëp ko ka'ap yë'ë t'ëkniminanë ja nëë poky, yë'ë nyiminäämpy ets tyajnitso'oka'any ja mëti'ipë jëjp'ijxëtëpën.

Hebreos 4:11

Tsojk njotmay'ajtëm ets ntëjkëmëty ma ya'atë po'kxtaknën këtiipë ja jëtu'unpë ja winma'any npanëjkxmëty ijxtëm y'ëtëtstën mëti'ipë ka'ap tmëpëjktën ja Dios.

Hebreos 4:9

Paatykyëjxm ja po'kxtakn të jyaak wë'ëmy ets ja Dios ja jyä'äy tpaatëty ma pyo'kxtëtyën.

Hebreos 4:1

Paatykyëjxm ma tyam njaakyajpatëmën ets ntëjkëmëty ma Dios ja pyo'kxtaknën, mëpaat näkyëwent'ajtëmë këtiipë pën wyë'ëmëty.

2 Timoteo 2:12

Pën nku'ëyo'owëm, näjyëtu'un mëët nyajkutuka'anëm. Pën nkuyu'tsëm, näjyëtu'un yë'ë xykyuyu'tsa'anëm.

Colosenses 1:16

Mëët ja Kristë ojts ja Dios winë t'oytyuunta'ay mëti'ipë tsajpjotm ijtpën ets mëti'ipë naaxwiinyëtën, mëti'ipë yaj'ijxp, kayaj'ijxpën. Wä'än tkutujktaknëty, wä'än tmëk'ajtënëty, wä'än tyajkutujkpëty ëkë wä'än tkutuunkëty. Mëët ja Kristë ojts winë t'oytyuunta'ay ets yë'ë ojts yajtukni'oytyunë.

Efesios 1:2

Wä'än ja nTeety'ajtëm Dios ets ja Wintsën Jesukristë mmo'ojëtë ja kënu'kxën ets ja jotkujk'ajtën.

Hechos 1:11

ets y'ënëmaayëtë: Miits, Galilea ja'ayëty, ¿tii mpa'at'ijxtëp jam tsajpjotm? Ya'atë Jesús mëti'ipë të xy'ixtën pya'tëkë tsajpjotm, jëtu'un jatëkok myina'any yaa naaxwiiny.

Juan 1:51

Ets ja Jesús jyaak'ënany: Tëy miits nëëmëtë ko xy'ixa'antë ja tsajp ëwa'ats ets ja Dios ja y'anklëstëjk pyätë jyënaktë ma ja naaxwiinyëtë ja'ay ja y'U'unkën.

Juan 1:3

Yë'ë mëët ja Dios ojts tyajkojta'ay winë; ka'ap ojts tii kyojy pën ka'ap ënety yë'ë jam.

Lucas 16:25

Tääts ja Abraham y'ënëmaayë: U'unk, yë'ë mja'amyätsëp ko mijts akujk jotkujk të mjuuky'äty naaxwiiny; yë Lázaro, tëë y'ëyoy; e tyam, tëë tpaaty ja jotkujk'ajtën; mijts tyam mtuka'ajëp ets mëk m'ëyowëty.

Marcos 14:62

Tääts ja Jesús y'ëtsooy: Jëtu'un, ëjts jëtu'un. Ets miitsëty m'ixantëp ja naaxwiinyëtë ja'ay ja y'u'unk ko jam nyaaxwäätsa'any ma Dios yë y'a'oykyë'ëjën, mëti'ipë Maaytyääyëpën winë, jam yootsjotm jamës ntsoona'any.

Marcos 8:38

Pën xytyuktsëtyuumpës ets pën ja n'aaw n'ayukës tyuktsëtyuumpy ma ya'atë pokyjyä'äyëtyën, näjyëtu'unës nëjkx ntuktsëtyuny koos jatëkok nminëty mëët ja nTeetyës ja myëj'ajt y'oyajtën ets ja y'anklëstëjk wa'atspë.

Mateo 26:64

Ënet ja Jesús y'ëtsooy: Tëy jëtu'un ijxtëm mijts m'ëna'anyën. Tyam miits n'ënëëmëtë ko tyam xy'ixa'antë ja naaxwiinyëtë ja'ay ja y'U'unk jam y'u'unyë maatsow ja Dios y'a'oykyë'ëjën, jam jatëkok myina'any yootsjotm, tsajpwinm.

Éxodo 3:2

Jam ojts yë Dios yë kyukäjpxy nyänyikëxë'ëkyë tä tu'uk yë jëënën, jëtu'un yaj'ixy toopy yowë jam ma zarsa kepyën. Ënet yë Moisés yajxon tja'ijxwa'atsany ja jëën mëti'ipë jam yä'ämpën kepykyëjxm, e ja zarsa kepy ka'ap tii jyätyë ets ka'ap tyoy.

Éxodo 19:18

Jam ma ja kopkën jok jam yaj'ijxp pyëtsimy, mëët ko ënety ja Dios jam të kyëtä'äky jëënjoty. Ja jëënjok jam jantypëtsëëmp kopkkëjxm tä jëëntooytyaknjoty yë jëënjok pyëtsimyën ets ja kopk janty yu'kxtsënääpy.

Isaías 66:15

Jä'ä ko yë Wintsën jëënjotypyën të myiny të jyä'ty, yë kyepy wintëkäämpë jëënyä'änkën kyëxë'ëky; jëtu'un tyajnaaxkëta'aka'any yë y'oyajtën tä jëënpajkën ets tëytyuna'any ja myëtsip.

Ezequiel 1:13

Ya'atë tsajpjotmëtë kukäjpxy jëtu'un yaj'ixtë tä jëënpajkën, ëkë tä jëënyä'änkën mëti'ipë jam najxtëp tëjkëtyëp; ja jëën jä'ä të'kxp jajp ets jap jëënjoty wëtsukën jap pyëtsimy.

Daniel 7:9

Tamës ënety jëtu'un njaak ixynyëm, koos të n'ixy yajkëëytyä'äky yë kutujktakn, ënyääytyakn ets jam tu'uk yë Mëjja'ay të nyaaxweetsy. Poopëm yë wyit yaj'ixy tä tsajp o'pykyën ets wyääy jëtu'un kyëxë'ëky tä kupixyny nyijëmkën. Ja ënyääpyäjn ets ja nyiye'eypyäjn mëti'ipë tëkäämpën jëënën yaj'ixy,

Mateo 16:28

Tëy miits n'ënëëmëtë ko tää yaa ja ja'ay yajpaatë mëti'ipë ka'ap y'ooka'antën koonëm t'ixtëty ko ënety myiny ja yajkutujkpë, ja naaxwiinyëtë ja'ay ja y'U'unk.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Hechos 3:19

Paaty xy'ëxmatstëty ja m'ëxëëk winma'anyëty ets mwinpitëty ma Tiosën, jëtu'unts ja mpoky yajmä'kxtëty,

1 Corintios 3:13

jäänëm nëjkx yaj'ixy yajnijawë ko ja näpyaye'eyë tyunëtëty pën wi'ixjaty ënety pën të tyuny, jä'ä ko jëën jää nëjkx tyuny ets tyajnikëxë'ëka'any wi'ixjaty ënety pën të tyunyën.

1 Tesalonicenses 3:13

Wä'än yë Wintsën tu'ukyë tyaj'ity ja mjot mwinma'anyëty, wa'ats, ka'ap tii poky xymyëët'attëty Dios wyintum ko ënety myiny ja Wintsën Jesús mëët ni'ëmukë mëti'ipë jyä'ä'ajtypyën. Jëtu'un y'itëty.

Hebreos 10:27

yi'iyë ja ëyo'on njëjp'ijxënëp ets ja tëytyu'unën ets mëj jëën ma y'ëyowtëtyën mëti'ipë ja Dios myëtsip'ajtëpën.

Hebreos 12:29

Jä'ä ko jëtu'un ja nTios'ajtëmë ijxtëm ja jëënën mëti'ipë yajtooytyëkoopyën winë.

2 Pedro 3:7

E ja naax ets ja tsajp mëti'ipë tyam n'ijxëmën, tëë ja Dios tuknipëjktaakë ko tyajkutëkoyä'äny mëët ja jëën, ets ko tyajkutëkoyä'äny ja ëxëëkja'aytyëjk ko ënety ja tëytyu'unën ets ja paye'eyën tyunyë jyätyë.

Judas 1:7

Ijxtëm ja anklëstëjk ja Dios tkamëmëtoowtën, tim näjyëtu'un ojts y'ëtëtstë ja Sodomë ets ja Gomorra ja'ayëty ets ja wiink kajpn mëti'ipë winkon yajpatën. Ni'ikyë këjää pyokytyuuntë, paatykyëjxm ja Dios yajkutëkooyëtë mëët ja jëën. Jëtu'unts ja Dios ja nija'awën të xymyo'oyëmë.

Apocalipsis 6:11

Ënet yajmooytyë ja poop wit ets yaj'ënëmaaytyë ets jyaak po'kxtëty jawäänë, koonëm ja myëku'uk y'ooktëty mëti'ipë näjyëtu'un kyu'ookëjantëpën ja Kristë ja jyä'ä.

Apocalipsis 14:10

yë'ë ja ëyo'on yajmo'ojaanp jä'äkyëjxm ko ja Dios të tyajjotma'aty; jëtu'unts y'ëyowëty ma ja jëënyä'änk tyoyën mëët ja azufre, Dios y'anklëstëjk wyintum ets mëti'ipë yajtijpën Kupixyn U'unk wyintum.