2 Samuel 9:8 - Biblia Dc en Mixe de Quetzaltepec

⁸ E ja Mefi-bóset, ojts wyintä'äky nyaaxkoy jëyëjp ets y'ënäny: ¿Ëjts ka'apës nijawë, tii ko jëtu'un yë ënä'ämpë xy'ënëëmës? Yë ënä'ämpë wa'ats tnijawë ko ka'apës nitii xymyäy ets ntunëtyës, jëtu'unës ëjts tä tu'uk yë uk ookyën.

Biblia Mixe de Quetzaltepec

⁸ E ja Mefi-bóset, ojts wyintä'äky nyaaxkoy jëyëjp ets y'ënäny: ¿Ëjts ka'apës nijawë, tii ko jëtu'un yë ënä'ämpë xy'ënëëmës? Yë ënä'ämpë wa'ats tnijawë ko ka'apës nitii xymyäy ets ntunëtyës, jëtu'unës ëjts tä tu'uk yë uk ookyën.

2 Samuel 9:8 ပူးပေါင်းရင်းမြစ်များ

2 Samuel 16:9

Ënet ja Abisai, yë Sarvia myaank t'ënëmaay ja yajkutujkpë: ¿Tim pën jëtää tyaapë ja'aynyë ets jëtu'un ëxaty t'ënëëmëty ja yajkutujkpë? tyamës yaa nëpujxëty yë kyëpajk.

2 Samuel 24:14

Ets ja David t'ëtsooy ja Gad: Ëjts Jotmayjyotyës tyam nyajpaaty, ni'ik oy ko yë Wintsën yë'ë xytyiytyu'unëtyës ets këtiinëm ko yë'ë nmëtsipës.

2 Samuel 3:8

Ko ja Abner jëtu'un tmëtooy ja Is-boset tyuk'ojyë ja to'oxytyëjk, je'eyë ojts y'ëxëëkjoot'anpëky ets t'ëtsooy: ¿Wi'ix ko jëtu'un m'ëna'any, tii kajtsës ëjts yam ntimy'uk'ajtnë etsës jëtu'un njëtitëty ma Judá nyaax kyajpnën. Ëjts oyës yë njot nwinma'any xëmë të nyaj'ixyë ma Saulën ets ma jyëën tyëjkën, mijts yë mteety. Paatykyëjxm mijts ka'ap të n'ëxmatsy ets David myaj'ook myajtëkoyëtëty. E tyam ix tii poky ënät xytyuknipëjkpës, koos ma'any tääpë to'oxytyëjk të ntimmyëët'ajnë?

2 Reyes 8:13

Tä ja Hazael y'ëtsooy: Ëjts jëtu'unës tä tu'uk yë ukën, ka'apë nitii tkëjxmëtyën. ¿Wi'ixës ko jëtu'unpë ja winma'any n'ëkpatpëty? Ets ja Elisejë y'ëtsooy: Yë Wintsën yë'ëjës të xytyuk'ëwaanë ko mijts nëjkx myajkutuky jëna'a jam ma Siria ja'ayëtyën.

1 Samuel 26:20

Ëjts ka'apës njatsoky etsës ja njot ne'pny jëkäm yajtäm yajjä'ätsëty ma ja Wintsën ka'ap tnijawëtyën. E yë mëj'ënä'ämpë ooky timy ixa'any ya'atë pixk, jëtu'unës xy'ixjëtity xypyajëtity tä jeexyë tii të tyajtëkoyën.