2 Samuel 8:8 - Biblia Dc en Mixe de Quetzaltepec

⁸ Ojts näjyëtu'un kanaakpëky ja pujxn tjä'ä'aty, mëti'ipë jam tso'onpën Bétah ets Berotai, ya'atë kajpn aakyë'ë yë Hadad-ézer ijty jyä'ä'ajtyp.

Biblia Mixe de Quetzaltepec

⁸ Ojts näjyëtu'un kanaakpëky ja pujxn tjä'ä'aty, mëti'ipë jam tso'onpën Bétah ets Berotai, ya'atë kajpn aakyë'ë yë Hadad-ézer ijty jyä'ä'ajtyp.

2 Samuel 8:8 ပူးပေါင်းရင်းမြစ်များ

2 Samuel 8:7

Ja David ojts tjä'ä'ajta'ay ja mëti'ipë ënety ja Hadad-ézer myëtsiptuuntëpën, tä ja akëëytyukën aak pu'ts pujxnpë ets tmënëjkxtaay jam Jerusalén.

1 Reyes 11:23

Ojts näjyëtu'un yë Wintsën tyajkutuky ets Rezón tnipëtë'ëkëty yë Salomón, yë'ë Rezón xyëëwajtyp, Eliadá myaank, jam ënety të kye'eky ma wyintsënën, yë Hadad-ézer, jampë yajkutukyën Sobá.

1 Crónicas 18:1

Ko jëtu'un ya'atë y'ëkkëjxy y'ëknajxy, ënät ja David mëët tsyiptuuny ja filistejë ja'ayëty ets ka'ap tyajmëtäky ets tpëjkëy ja kyajpnëty mëti'ipë xyëëwajtëpën Gad ets nyaax kyajpn mutskjatyëtypë.

1 Crónicas 18:8

Jyä'äpëjk näjyëtu'un tsuxkpujxn, jampë tsyoonyën Tibhat ets Cun, mëti'ipë ja Hadad-ézer nyitënääpyën. Mëët ya'atë tsuxkpujxn ojts yë Salomón ja nëë apëjkën tyaj'oyë janty mëjpë, yë'ë ojts näjyëtu'un tëjkxeny'äty ets yë'ë yajtuun ma ja apëjk atu'unën yaj'oytyuunyën mëti'ipë jap tsajptëkoty tunëpën.

1 Crónicas 22:14

Ëk'ix, ëjts tëëjës yajxon nyajnimëjaawtä'äky koos yë pu'ts pujxn të nipëjkpety, jä'ä wyinë'aty tëkëëk mil ja tëkëëk mëko'px katsy ets poop pujxn jä'ä wyinë'aty i'px majktëkëëk mil katsy ets ëpëky may ja tsyuxk pujxn ets wiinkëtypë pujxn mëti'ipë ka'ap t'ëkjëkyäjpnën nmëtsyo'owmëty. Tëës näjyëtu'un jam ni''ixë kepy tsaa mëti'ipë mijts kë'ëm nëjkx xyjyaak'ixta'ayën.

1 Crónicas 29:7

jä'ä y'akoonmujkëtyëp ma ja Wintsën ja jyëën tyëjk ënety kyoja'anyën ets nyipejty mëko'px ja tëkë'px mëkoxk mil tsim, ëpëky ja majk mil ja meenywyä'kxy aakyë'ë pu'ts pujxn; ojts näjyëtu'un myuk tëkëëk mëko'px ja i'px majk mil tsim yë poop pujxn ets jawäänë kyatëtujk mëko'px mil tsimëty yë tsuxkpujxn ets tëkëëk mil ja tëkëëk mëko'px yë juunpujxn.

Ezequiel 47:16

nyaxëty jam Berotá ets Sibraim mëti'ipë yajpatpën ma Damaskë y'itjotmën ets Hamat y'itjot nyaxëty jam Hasar-haticon ma mëët nyämëtsëpa'an'atyën yë Haurán.