2 Samuel 8:15 - Biblia Dc en Mixe de Quetzaltepec

¹⁵ Yë David oy ojts y'ëne'emy ets yajkutuky, jä'ä ko aak mëtëy winë tuuny jam ma Israel kajpnën.

Biblia Mixe de Quetzaltepec

¹⁵ Yë David oy ojts y'ëne'emy ets yajkutuky, jä'ä ko aak mëtëy winë tuuny jam ma Israel kajpnën.

2 Samuel 8:15 ပူးပေါင်းရင်းမြစ်များ

2 Samuel 15:3

tä ijty t'ëtsoy: Mëti'ipë mnikäjpxypën mëtëy yë'ë ets ja'aykyujkën yë'ë, je'eyëp ko ka'ap ma pën, pën m'ëk kutänëtëp ma ja yajkutujkpën.

2 Samuel 20:23

Joab yë'ë ojts tmëwë'ëmy tëkokyë ja tsiptuunpëtëjk mëti'ipë jam yajpatëpën ma Israel kajpnën, e ja Benaías, yë Joiadá myaank yë'ë ojts twinkuwa'akë ja Queret ja'ayëty ets ja peleteos ja'ayëty ets tu'uwinye'eyëty ya'atë tsiptuunpëtëjkëty.

2 Samuel 3:12

Tä ja Abner tkäjpxynyikäjxëy ja David ma t'ënëmaayën: ¿Pën jëtää jaaktimpyatëp tu'uwinye'eyëty yë naax kajpn? Wi'ix ko nkanäjyä'äykyujkëmë aak ëëtsajtëm, minës yë naax kajpn n'ëkwinwoowmuky ets wä'än mijts myajputëkë.

2 Samuel 5:5

jam Hebrón ma ja Judá ja jyä'äyëtyën, jä'ä ojts y'ëne'emy wëxtujk jëmëjt ja kujkm, e jam Jerusalén ma ja Israel ja'ayëtyën jä'ä ojts y'ëne'emy i'px majktëkëëk jëmëjt.

2 Samuel 8:14

Ojts jam Edom tyajwë'ëmy yë tsyiptuunpëtëjk ets tëkokyë yë Edom ja'ayëty aakyë'ë ojts ja David y'ënä'ämëtë, ja mëti'ipë ënety xëmë ja Wintsën putëjk pupäjtëpën oy maa tyimnëjkxy.

2 Samuel 8:16

Mëti'ipë ojts ja tsiptuunpëtëjk tniwintsën'atyën jä'ä ijty xyëëwajtyp Joab, yë'ë Sarvia myaank ets Josafat; yë myaank yë Ahilut, yë'ë ojts y'ity jääpyë ma ja ënä'ämpën.

1 Reyes 10:9

Kënu'kxy mëjjawë yë mWintsën y'ity, ko të mo'oyë ja oyajtën ets ja kutujktakn ma ja Israel ja'ayëtyën. Mëëtkyëjxm ko ja Wintsën oy tsoky tjawë yë nyaax kyajpn. Paaty mijts të mpëjktä'äkyë yajkutujkpë ets xytyu'uwinwowëty mëët ja tëyajtën jaanty'ajtën.

1 Reyes 4:1

Yë Salomón ojts t'ënä'ämta'ay yë Israel kajpn.

1 Crónicas 18:14

David yë'ë ojts y'ëne'emy ma tëkokyë ja naax kajpnën mëti'ipë ja Israel ja'ay nyitënaaytyëpën. David aak'oy winë tuuny ets mëtëy ojts winë tnipaye'ey ma ja naax kajpnën.

Salmos 119:121

Nijëna'ajës të nkamajtstu'uty ja oypyë tu'unën kajpxën. Këtiis xykyë'ëyakëty ma ja nmëtsiptëjkës ja kyë'ë y'aawën, mëti'ipë tëytyuuntëpën.

Salmos 72:2

jëtu'un mëtëy ja naax kajpn t'ënä'ämëty ets oy tii tnipaye'eyëty ma ëyoopëja'aytyëjkën.

Salmos 75:2

Jëtu'un yë Wintsën y'ënä'äny: Nwin'ixäämpyës tu'uk yë xëëw jëmëjt maas nipaye'eyä'änyën tëkokyë yë nëë poky, ijxtëm yajxon tyiyajtënëtyën.

Salmos 89:14

Yë mkutujktakn, yë'ë mëët xëmë y'ity ja oypyë ja nipaye'eyën ijxtëm pyaat'atyën. Mëët ja tëyajtën ets ja tsojkën ja'awën mëët winë xytyuny.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Amós 5:15

M'ëxëëk ixtëp yë nëë poky, mtsoktëp yë oypyë. Yajxon xytyim ix xytyimtuntëty ets jyää'atëty ja mëtëypyë ja nipaye'eyën; wä'änxyëp yë Wintsën, Dios mëti'ipë maaytyääyëpën winë tpa'ëyowëty mëti'ipë juuky të jyaakwë'ëmtën ma Israel kajpnën.

Amós 5:24

Yë'ëjës ntsojkpy ets winë mëtëy yajnipaye'eyëty tä nëë pyëyi'ikyën tu'uwitsy ets ja oypyë ja tu'unën kajpxën xëmë y'itëty tä nëë myuutyën.

Hebreos 11:33

Mëët ko myëpëjktë ojts tmëmëta'aktë ja myëtsip wiink kajpnëpë, ojts oy nyipaye'eytyë ijxtëm pyaat'atyën, ko të tpaatë mëti'ipë ja Dios ënety të tyukwinwanëtën, ko ja kaa të tyajmujkëtë ja y'aaw,

1 Samuel 14:47

Jëtu'un'äämpy ja Saúl jatëkok tpaty ja kyutujktakn ma ja Israel kajpnën ets janaam jatsojk ojts tsyippaaty mëët ja myëtsiptëjk: ja Moab ja'ayëty, ja Amón ja'ayëty, ja Edom ja'ayëty, ja mëjkutujkpë mëti'ipë jam ënä'ämpën Sobá ets ja filistejë ja'ayëty. Oy ma tyimtsippaty xëmë ijty myëtä'äky.