2 Samuel 8:1 - Biblia Dc en Mixe de Quetzaltepec

¹ Ko jëtu'un nyäjxy, ënät ojts ja David tsyiptun mëët ja filistejë ja'ayëty, ka'ap tyajmëtäky; ni'ikyënëm ojts tpëjkë ja kyutujkën ets ja filistejë ja'ayëty tmëtuuntë ja Israel ja'ayëty.

Biblia Mixe de Quetzaltepec

¹ Ko jëtu'un nyäjxy, ënät ojts ja David tsyiptun mëët ja filistejë ja'ayëty, ka'ap tyajmëtäky; ni'ikyënëm ojts tpëjkë ja kyutujkën ets ja filistejë ja'ayëty tmëtuuntë ja Israel ja'ayëty.

2 Samuel 8:1 ပူးပေါင်းရင်းမြစ်များ

2 Samuel 19:9

Kajpn apëtsëmy aakyë'ë ja'ay nyikajpx nyimëtyaktëp ets y'ëna'antë: Yë yajkutujkpë David, yë'ë ojts xyaj'ëwaatsë pëtsë'ëmëmë ma ënety ëxëëk yë filistejë ja'ayëty xy'atsë'k xy'aja'awëmën, e mëët ko yë Absalón nëkoo yajjotkëjxpë tääts kwanë ja nyaax kyajpn të t'ëxmatsy.

2 Samuel 2:24

E ja Joab ets ja Abisai, ojts timpyanëjkxtë ja Abner, tam ënety ja xëëw tyimkëta'akanë ko jam jyajtë Amá, winkon mëët ja itjot mëti'ipë xyëëwajtypyën Guíah, ma ja tu'u nyäxyën mëti'ipë nëjkxpën Gabaón, ma ja të'ëts itjotmën.

2 Samuel 22:44

Mijtsës të xyajnitso'oky ma ja naax kajpnën ëxëëkpë, etsës të xypyëjktä'äky Wintsën, ma ja naax kajpn ja mëjatyëtypë, tëë xymyëtuntës ja ja'ay ka'apës ënety n'ixy'ätyën.

2 Samuel 5:17

Ko yë filistejë ja'ayëty tnija'awëtyë ko tëë yë David yajkënu'kxnë ets yë'ë Israel kajpn t'ënä'ämëty ënät ojts ënätyë tnitsoontë ets tyaj'ooka'antë, e ja David ojts ënätyë tnijawë paaty ojts jam poj'am nyijkxy ma ja itjot mëti'ipë këwent'aty ijtpën ma ja mëtsip ka'ap myäyëtëty tyëkëtyën.

2 Samuel 5:25

David ojts jëtu'un tuny tä ënety ja Wintsën të tyuk'ëne'emyën ets ka'ap ja filistejë ja'ayëty tyajmëtäky, tpatso'ony jam Gabaón ets tyimja'ajty jam Guézer.

2 Samuel 7:9

tyam xëmë ënät njämyëët'aty oy maa mtimnyijkxy; tëëjës yë mmëtsip nyajkutëkooytyä'äy mëti'ipë ënety ëxëëk m'ixëpën ets mëj'äämpy të nyajnaxy tä yë ja'ayëtyën mëti'ipë mëj'äämpyëtyën yaa naaxwiiny naaxkëjxy.

Salmos 18:43

Tëës mijts xyajnitso'oky ma ja naax kajpnën mëti'ipë käjpxy kyumëtoownajxpën. Tëës xypyëjktä'äky yajkutujkpë ma ja naax kajpnën ets të xymyëtunyës ja ja'ay ka'apës ënety n'ixy'ätyën.

Salmos 60:2

Mijts të xyajkutuky ets ja naaxwiinyëtë yu'kxëty ets y'ëwa'atsëty; e tyam yaj'ëtuk jatëkok ma të kyiitsyën, jä'ä ko jëtu'un kyëxë'ëky ni'ikyë yowë y'atëkooynyë.

Salmos 60:8

Yë Moab, jëtu'unës njawë tä pujxn kë'ëpujtaknën; yë nkë'ëkës jamës nasjänë ma Edomën, täätsës ntukyaax ntukjokë koos të nmëtä'äky ma ja Filistejë ja'ayëtyën.

Hebreos 11:33

Mëët ko myëpëjktë ojts tmëmëta'aktë ja myëtsip wiink kajpnëpë, ojts oy nyipaye'eytyë ijxtëm pyaat'atyën, ko të tpaatë mëti'ipë ja Dios ënety të tyukwinwanëtën, ko ja kaa të tyajmujkëtë ja y'aaw,

Hebreos 11:34

ko të tyajpi'itstë ja mëj jëën, ko të kyä'äktë ma yajpuxa'an yajpoota'antë, ko të jyotmëkpëktë oy ënety tsyë'ëkëtë ets ko të tmëmëta'aktë ja myëtsip mëti'ipë wiink it tso'ontëpën.

1 Samuel 7:13

Yë filistejë ja'ayëty ka'ap ojts y'ëkmëtaknëtë, jääpaat jëtu'un kyijxy nyäjxy, ka'ap ojts y'ëkyajmëma'ayënëtë nëkoo Israel ja'ayëty. Mapaat yë Samuel jyuuky'äjtyën yë Wintsën ëxëëk tuuny yë filistejë ja'ayëty.