2 Samuel 7:8 - Biblia Dc en Mixe de Quetzaltepec

⁸ E paaty ënëëmë yë ntuunpës David, ko ëjts, mëti'ipë Wintsën'ajtpën, mëti'ipë maaytyääyëpën winë, n'ënëëmës: Ëjts mijts të njuuty jam kemyjotm maa ënety xëmë xykyëwent'atyën yë mkupixyny, mtsajppax ets yë'ë xëmë mpajëtijtyp; tëë mpëjktä'äky ets m'itëty wintsën ets kopk maas nnaax nkajpnën, Israel kajpn;

Biblia Mixe de Quetzaltepec

⁸ E paaty ënëëmë yë ntuunpës David, ko ëjts, mëti'ipë Wintsën'ajtpën, mëti'ipë maaytyääyëpën winë, n'ënëëmës: Ëjts mijts të njuuty jam kemyjotm maa ënäty xëmë xykyëwent'atyën yë mkupixyny, mtsajppax ets yë'ë xëmë mpajëtijtyp; tëë mpëjktä'äky ets m'itëty wintsën ets kopk maas nnaax nkajpnën, Israel kajpn;

2 Samuel 7:8 ပူးပေါင်းရင်းမြစ်များ

2 Samuel 12:7

Ënet ja Natán y'ënëmaayë: Mijts tääpë ja'ay. Jëtu'un ja Dios të y'ënä'äny mëti'ipë wyintsën'ajtypyën yë Israel kajpn: Ëjts mijts të nwin'ixy ets xynyikopk'atëty yë nnaax nkajpnës, mijts ka'ap të n'ëxmatsy ets Saúl myaj'ook myajtëkoyëtëty.

2 Samuel 6:21

Tä ja David y'ëtsooy: Tëyajtën yë'ë; tëëjës njanty'etsy njantypyuty, je'eyëp ko Wintsën wyintumës të n'ety të mputy mëti'ipës të xywin'ixyën ijxtëm jeexyë ja mteetyën, ëkë pën mëku'ukën, etsës n'ënä'ämëty ja nyaax kyajpn, yë Israel kajpn. E paatykyëjxmës n'ety akujk jotkujk.

1 Crónicas 17:7

E paaty yam n'ënëëmë ets xy'ënëëmëty yë ntuunpës David, ko ëjts, ja Wintsën mëti'ipë maaytyääyëpën winë, jëtu'unës n'ëna'any: Ëjts ojts mijts njuuty ma ënety myajpaatyën jëtu'un tä muum yë pax jëtyu'u majts'ity y'itën ets ma ënety je'eyë mkupixyny këwent'atyën ets mijts ja naaxës nkajpnës xynyikopk'ajtëty;

1 Samuel 10:1

Ënet yë Samuel ojts tpëjkë'ëky tu'k'apëjkën yë on ets tukuja'axy yë Saúl, tä t'ënëmaay: Yë Wintsën yë'ë tyam mtuknipëjkëp ets mijts xy'ënä'ämëty yë Israel kajpn ma mijts mkukajpnëtyën. Mijts jëtu'un mtsiptunëp ets xyajtso'okëty ma myëtsiptëjkën. E ya'atë mtuk'ixëp ets xymyëpëkëty ko mijts jëtu'un tyam myajtukmëkënu'kxëp ets xy'ënä'ämëty yë nyaax kyajpn.

1 Samuel 9:16

Jëpom ntuknikäxa'any tu'uk yë ja'ay, jam tsyoony ma Benjamín yë y'itjotmën, mëti'ipë mkënu'kxëpën ets yë'ë y'ënä'ämëty maas yë nnaax nkajpnën, yë Israel kajpn. Yë'ë nëjkx tyaj'ëwaatsëpëtsëmy yë Israel kajpn ma ëxëëk jyatën kyëpätën, mëët yë filistejë ja'ayëty, jä'ä ko npa'ëyoowtëpës ko ka'ap jyotkujk'atë.

Hechos 7:46

Ja David ojts ja Dios y'oyjyawëty, paaty t'amëtooy ets tyuk'ëwaanëtëty maa nëjkx jyuuky'atën ja Jacob ja y'u'unk y'ëna'k;

1 Samuel 2:8

Dios yajkumeenytyäkpy yë ja'ay mëti'ipë ëyoop jotëkoopyën, ets yajjotkujktäkpy yë ja'ay mëti'ipë o'ktëy yajpatpën. Jam tyajnaaxweetsy ma ja'ay mëj'äämpyëtypë kyäytyën y'uuktën. Jä'ä ko yë Wintsën yë'ë nyiwintsën'ajtyp yë naaxwiinyëtë ets yë'ë kyuwäämpy kyë'ëjotm

2 Samuel 23:1

Ya'atë ja aaw ayuk ojts tjaakäjpxy ja David: Yë David, myaank yë Jesé, tu'uk ja ye'etyëjk mëti'ipë ojts ja Wintsën mëj yajnaxyën, mëti'ipë ja Wintsën kë'ëm timwin'ijxën ets yajkutukëty; mëti'ipë oyëty ja ëy myä'kxën, ets oyëty ja aaw ayuk ojts tkäjpxy:

2 Samuel 24:17

Ko ja David t'ijxy ja Wintsën ja kyukäjpxy mëti'ipë yajja'ay'o'kpën, ënät t'ënëmaay ja Wintsën: Ëjts jëtu'un ja poky nmëët'ajtyp, ëjts të ntëkoy ¿tyaapë ja'ayëty mëti'ipë tyam nëkoo të y'ooktën, tii poky të t'ëktuntë? tyam mijts nmënu'kxtä'äky ets yë'ë xyaj'ookëty yë n'u'unk n'ëna'kës, ëkë n'u'unk nto'oxytyëjkës.

1 Reyes 3:6

Tä ja Salomón y'ëtsooy: Mijts oy ojts ja nteetyës xyjyawë, ja David mëti'ipë oy tsuj mëtuunën; yë'ë ojts mëtëy jyuuky'äty ets oy ja jyot wyinma'any tyaj'ijxë ma mijtsën. Paaty xy'oyjya'awëy ets të xy'a'ixë tu'uk yë y'u'unk myääy t'ëxajëty ja kutujktakn, ijxtëm tyam yaj'ixy yajnijawën.

1 Reyes 8:16

maju'unëmës yë nnaax nkajpn njuutyën jap Egiptë, kamaajës tu'uk ja naaxwiinyëtë nkawin'ixynyëm ma ja Israel ja'ayëty tnitänëtën ets jam tu'uk ja tsajptëjk kyojëty, maas ja nxëëw yajja'amyätsëtyën. E yë'ëts yë David, ojtsës yë nwin'ixy ets yë'ë nnaax nkajpnës t'ënä'ämëty.

1 Crónicas 21:17

ets ja David t'ënëmaay ja Wintsën: Ëjts ojts nni'ënä'ämë ets yajjaaymyukëty tëkokyë ja ja'ayxyëëw ma kajpnën. Ëjts të ntëkoy, ëjts yë poky nmëët'ajtyp. ¿E ya'atë ja'ayëty ka'ap tii të tuuntëkoytyë? Wintsën mëti'ipës nTios'ajtypyën, tun mëyajtën tyam n'amëtoy npëjktsoy etsës ëjts xyaj'ookëty ets xyaj'o'kta'ajëty yë n'u'unk n'ëna'k n'u'unk nto'oxytyëjkës, je'eyëp ko ya'atë ja'ayëty ka'ap nëkoo xy'ëkyaj'o'knëty.

2 Samuel 5:2

e tä të y'ityën, oyën ja Saúl ënety jä'ä jya'ënä'ämpë, mijtsyëm ijty mtu'uwinye'eypy ja naax kajpn ko muum tsyippaaty. Tëë kë'ëm ja Wintsën y'ënä'äny ko mijts jëtu'un mwinye'epy ja Israel kajpn ets xy'ënä'ämëty.

2 Samuel 14:13

Ënet ja to'oxytyëjk yajtëëwë: ¿E wi'ix ko yë yajkutujkpë jëtu'un ja Dios ja nyaax kyajpn tuunpë? Jëtu'un ijxtëm të m'ëtsoyën, mijts mpokykya'ap ko ka'ap xyajwinpity ja maank mëti'ipë ke'ekyjyëtijtpën.

Amós 7:15

e yë Wintsën yë'ëjës të xytyuk'ëxmatsy yë kupixyny këwent'ajtk, etsës të xy'ënëëmë: Nëjkx yë naax nkajpnës, yë Israel kajpn tukmëmëtya'ak yë n'aaw n'ayukës.