2 Samuel 7:2 - Biblia Dc en Mixe de Quetzaltepec

² ënät t'ënëmaay ja Natán, mëti'ipë y'akäjpxypën ja Wintsën ja y'aaw y'ayuk: Ijxtëm xy'ixyën, ëjts janty oyës ja njëën ntëjk mëti'ipës ntuktsëna'ayëpën, tu'uk ja kutujkëntëjk mëti'ipë mëët y'oytyunyëtyën ja oytsyaa oy kepy. E tyamts ja Wintsën ja kyaaxë jap ja y'ijtpë muum ma tëjkën je'eyëpë naxo'omyën ëkë natëypyë mëët ja wit.

Biblia Mixe de Quetzaltepec

² ënät t'ënëmaay ja Natán, mëti'ipë y'akäjpxypën ja Wintsën ja y'aaw y'ayuk: Ijxtëm xy'ixyën, ëjts janty oyës ja njëën ntëjk mëti'ipës ntuktsëna'ayëpën, tu'uk ja kutujkëntëjk mëti'ipë mëët y'oytyunyëtyën ja oytsyaa oy kepy. E tyamts ja Wintsën ja kyaaxë jap ja y'ijtpë muum ma tëjkën je'eyëpë naxo'omyën ëkë natëypyë mëët ja wit.

2 Samuel 7:2 ပူးပေါင်းရင်းမြစ်များ

2 Samuel 11:11

Ets ja Urías y'ëtsooy: Wi'ixës nëjkxëty akujk jotkujk po'kxpë maas yë ntëjkën, e tyam ja Wintsën ja kyaaxë ets ja tsiptuunpëtëjk, Israel ja'ayëty ets Judá ja'ayëty oy jam wi'ix nyänyixo'omëtë ma jam tsyippaatën; näjyëtu'un ja Joab ets tyuunpëtëjk mëti'ipë mëët të yajkäxtën jam muum winwa'atstum ets ënät ëjts akujk jotkujk ntëjkëpëty maas yë ntëkën kääpyë ukpë ets nma'ajëtyës mëët ja nto'oxytyëjk akujk jotkujk. Ëjts tyamës yajxon ntimnyikäjpxy mëët ko jyuuky'äty ja ënä'ämpë ka'apës mëpaat jëtu'unpë winma'any npaaty.

2 Samuel 12:1

Yë Wintsën ojts tkexy yë tyuunpë Natán ets nëjkx t'ixy ja David. Ko Natán jam jyä'äjty ma ja David jam yajpaatyën, ënät t'ënëmaay: Ma tu'uk yë naax kajpnën jam ijty nimäjtsk yë ja'ay yajpaatë. Tu'uk kuwit kumeeny ets tu'uk ëyoop jotëkoopy.

2 Samuel 5:11

Paatykyëjxm yë Hiram, jampë y'ëne'emyën Tirë tyuknikäjxë jyä'äy, yë Hiram ojts näjyëtu'un tkexy yë jyä'äy mëti'ipë jyajtëpën yë tsäjtsk pujxk ets pojtsk ets ojts tmënëjkxtë oyëtypë aay kepy ets ja David ojts yajkojy ja kyutujkëntëjk.

2 Samuel 6:17

Ja Wintsën ja kyaaxë jap ojts yajpëjktä'äky ma të yajnipëjktaakën, ma tu'uk ja wit tëjkën mëti'ipë ënety ja David të tuknikojën. Ënet ja David ojts tyäky ja wintsë'kën ma Wintsënën, tyajnitooy ja tsajpkaa kanaak, ma t'ëëwkëxy tkajpxkëxyën ja tsip äkë mëët ja Wintsën,

2 Samuel 7:17

Yë Natán ojts winë ja David tukmëmëtyakta'ay tää ënety të tmëtoyën ets të twin'ixyën.

1 Reyes 1:22

Tam ënety jëtu'un ja Betsabé myëtyä'äky mëët ja yajkutujkpë, ko ja Natán jyä'äjty,

1 Reyes 1:8

E kajts ojts tuk'ëwaanë ja teetytyëjkëty mëti'ipë xyëëwajtëpën Sadoc, Benaías, myaank yë Joiadá ets nän ka'ap tnija'awëy ja Natán mëti'ipë ja Wintsën ja y'aaw y'ayuk y'akajpxëpën ets ni yë'ë Simí kyayajwooy mëti'ipë ënety mëët ja yajkutujkpë oy nyäjyawëtyën, mëti'ipë myëtuuntëpën ja yajkutujkpë, nän ka'ap tu'ukën tnija'awëtyë ja tsiptuunpëtëjk mëti'ipë mëj'äämpy ijtëpën.

1 Reyes 4:5

Azarías, yë myaank yë Natán, jä'ä ojts y'ity tëjk këwent'ajtpë; e yë Zabud, yë myaank yë teety Natán, jä'ä ojts y'ity kajpxtëëpë ma ja yajkutujkpën;

1 Reyes 8:17

E yë David, mëti'ipës nteetyajtën, ojts jya'ëna'any ets jeexyë tu'uk tkojy ja tsajptëjk, mëti'ipë ja Wintsën yajtukmëjjawëpën, mëti'ipë yë Israel ja'ayëty y'ëwtajtëpën.

1 Crónicas 14:1

Ënet ja Tirë yajkutujkpë, mëti'ipë txëëwajtpën Hiram, tkejxy ja tyuunpë jam ma ja David yajpaatyën ets ojts tkexy näjyëtu'un ja tsäjtspë, pojtspë, tsaa ets kepy oyëtypë mëti'ipë jam yajtunantëpën ma ja David ja tyëjk kyojja'anyën.

1 Crónicas 16:1

Ja kaaxë ojts ja yajmënëjkxy ets ojts yajpëjktä'äky ma tu'uk ja wit tëjkën mëti'ipë ënety David të tnipëjktaakën. Ko jëtu'un y'ëkwintu'upëjktaay, tä ja wintsë'kën ojts tyaktë mëti'ipë nino'oky nixämyën ets mëti'ipë yajyajkpën ko ja nay'ëëw'oy näykyajpx'oyë y'ity mëët ja Dios,

1 Crónicas 22:7

jëtu'un t'ënëmaay: U'unk maay, ëjts jëtu'unës ënety të nja'ëna'any koos nkoja'any ja Wintsën ja jyëën tyëjk.

1 Crónicas 29:29

Yë nyikäjpxy nyimëtyä'äky yë David ma yajkutujkyën, wi'ix tsyo'onë'ky tsyo'ontäkyën ets wi'ix jyëjpkëjxyën, jap kuja'ay myiinta'ay ma ja nokyën mëti'ipë jyä'ä'ajtëpën yë käjpxynyajxpë Samuel, yë käjpxynyajxpë Natán ets mëti'ipë jyä'ä'ajtypyën yë käjpxynyajxpë Gad,

2 Crónicas 1:4

Yë David tëë ënety tmëtsoony yë Wintsën yë kyaaxë jam Quiriat-jearim ets ënety të tmënëjkxy jam Jerusalén ma tu'uk ja wit tëjkën mëti'ipë të tukni'oytyunën.

2 Crónicas 29:25

Ezequías ojts Leví ja'ayëty tuknipëky ets jap tsajptëkoty xyu'uxtëty wyoptëty, mëët ja kyowëty, y'akwojpnëty, pyujxn'akojxmujknëty, jëtu'un tä ënety ja David, Gad ets Natán ja ënä'ämën të tyajwë'ëmtën. Ya'atë ënä'ämën Wintsën ojts jëtu'un tpëjktä'äky.

2 Crónicas 9:29

Ma yajnimëtyä'äkyën yë Salomón, wi'ix tsyo'ontäkyën ets wi'ix jyëjpkëxyën, jap myiinta'ay këxja'ay ma ja nokyën mëti'ipë Natán jyääyën ets ma myinyën ja Ahías ja y'aaw y'ayuk jampë kyukajpnëtyën Siló, mëti'ipë Wintsën myëtuunën ets ma myinyën këxja'ay mëti'ipë ja Iddo ja Wintsën tuk'ijx tukmëtoowën wi'ix ënety ja Jeroboam jyata'any kyëpäta'anyën, ja Nabat ja myaank.

Salmos 132:5

pën ka'apës yë Wintsën yë tyëjk npatë, mëti'ipë Jacob y'ëwtajtën.

Hageo 1:4

¿E miitsëty wi'ix m'ëna'antë, tëë jëtää tpaaty ja nyixëëw ma ja mjëën mtëjk oy xykyojëty ets jotkujk m'itëty oyës ja ntëjk taj xity yajpaatyë?

Juan 2:17

Ënet ja y'ijxpëjkpëtëjk tja'amyäjtstë ja Dios ja y'aaw y'ayuk mëti'ipë ënaanpën: Mëkës yë mtëjk ni'äkë'aty.

Hechos 7:46

Ja David ojts ja Dios y'oyjyawëty, paaty t'amëtooy ets tyuk'ëwaanëtëty maa nëjkx jyuuky'atën ja Jacob ja y'u'unk y'ëna'k;