2 Samuel 7:16 - Biblia Dc en Mixe de Quetzaltepec

¹⁶ Yë mtëjk ets mkutujkën mëj'äämpy nëjkx xëmë y'ity, jä'ä ko ëjtsës ntimmyajts'itäämpy ets näjyëtu'un yë mkutujktakn xëmë y'ijtëwëty kojy mä'kxy.

Biblia Mixe de Quetzaltepec

¹⁶ Yë mtëjk ets mkutujkën mëj'äämpy nëjkx xëmë y'ity, jä'ä ko ëjtsës ntimmyajts'itäämpy ets näjyëtu'un yë mkutujktakn xëmë y'ijtëwëty kojy mä'kxy.

2 Samuel 7:16 ပူးပေါင်းရင်းမြစ်များ

2 Samuel 7:13

Yë'ë ja ntsajptëjkës kyojëp ets xëmës ja kyutujktakn nyaj'ita'any.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Daniel 7:14

Ënet yajmooy ja kuttujkën ets ja mëj'ajt oyajtën, aak mëtuunëp ja naax kajpn mëti'ipë kanaakjëjp ja ayuk kyajpxtëpën. Yë kyutujkën yë'ë xëmë itaanp ets ja y'ënä'ämtakn ka'ap nijëna'a kyutëkoyëty.

Daniel 2:44

Ma ënety tääpë yajkutujkpëtëjk y'ënä'ämtën, jää nëjkx yë Dios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kuttujkën tyajkutëkooytyä'äy ets yë'ë xëmëkyëjxm nëjkx y'ity.

Salmos 45:6

Yë m'ënä'ämën mkutujkën, mijts Dios, ijtëëp yë xëmëkyëjxm, yë'ë ja kuttujkën ma xëmë y'ityën ja mëtëypyë ja nipaye'eyën.

Génesis 49:10

Ni pën yë Judá kyapëjkëtëty yë myëk'ajtën ets kyutujkën ets kyepy mëti'ipë kyë'ëjotm myëët'ajtypyën, koonëm tëy myinëty ja mëti'ipë nyiwintsën'ajtypyën ja kepy tampë tkë'ëkap'atyën, mëti'ipë nëjkx ja naax kajpn tmëmëtowtën.

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.

Hebreos 1:8

E ko ja y'U'unk tnimëtyä'äky, jëtu'un y'ënäny: Mijts Dios, xëmëkyëjxm ja mkutujkën y'ity, myajkutukëp mijts mëët ja tëyajtën.

Juan 12:34

Ënet ja ja'ay y'ënantë: Mëët ja ënä'ämën ëëts nijawëtë ko ja Kristë jyuuky'ata'any xëmëkyëjxm. ¿E wi'ix ko mijts m'ëna'any ko pyëtë'ëka'any ja naaxwiinyëtë ja'ay ja y'U'unk? ¿Pën mtijpy, ja naaxwiinyëtë ja'ay ja y'U'unk?

2 Reyes 19:34

Ëjts nkuwa'anäämpyës ya'atë naax kajpn, etsës nyajtso'oka'any, mëët koos n'oyjyawë ja ntuunpës David ets mëët ko ja nxëëwës mëj'äämpy nyaj'ita'any.

Salmos 72:5

Xëmë ja yajkutujkpë mwinkutsë'ëkëtëty maanëm jyaakjää'atënëm ja xëëw po'o.

Mateo 16:18

Pedro mijts yë mxëëw. Jëtu'un mijts ijxtëm ja tsaajën maas ja tsajptëjk nkojë'ëka'anyën. Ets ni ja o'kën kyamëmëtaa'akëtëty.

1 Samuel 25:28

etsës xypyokymyä'kxëty. Ëjts wa'atsës nijawë ko yë Wintsën jeky jam myaj'ita'anyë ma mkutujktaknën, jä'ä ko yë'ë mnitsiptuunpy ja oyajtën mëti'ipë ja Wintsën jyä'ä'ajtypyën ets mijts nijëna'a nëjkx ëxëëk mkajaty mkakëpety.

2 Samuel 7:17

Yë Natán ojts winë ja David tukmëmëtyakta'ay tää ënety të tmëtoyën ets të twin'ixyën.

1 Reyes 9:5

mijts xëmë nëjkx nyajtuny ma ja kutujktaknën ma ja Israel ja'ayëtyën, jëtu'un tääjës nëmaayën yë David, yë mteety: Jam ma kutujktaknën ma Israel, ja'ayëtyën, ka'ap nëjkx jam tyëkoy'äty yë m'u'unk m'ëna'k.

Salmos 89:4

Ëjts nyajkutukäämpyës ets m'u'unk m'ok xëmë y'ënä'ämtëty, ma ënety mijts mkutëkats xyajmëyätyën.

Jeremias 17:25

Ko jëtu'un xytyuntëty, itaanp xëmë yë ja'ay mëti'ipë nëjkx yajkutujkpë'atyën ets y'ënä'ämëty ma David kyutujktaknën, nëjkxëp jam tyëkë pyëtsëmtë mëj'äämpy naaxjoty kajpnjoty kepy wintëkäämpëkëjxy ets kwaaykyijxy, mëët ja kopktëjkëty, wintsëntëjkëty mëti'ipë jam Jerusalén ets jam Judá kukajpnajtëpën ets jam Jurusalén xëmë nëjkx ja'ay jam yajpaaty.

Jeremias 33:17

Ëjts, mëti'ipë Wintsën'ajtpën, jëtu'unës n'ëna'any: Nijëna'a kyatëkoy'ata'any yë David yë y'u'unk y'ok mëti'ipë nëjkx y'ëne'emy yajkutukyën ma Israel yë kyutujktaknën,

2 Samuel 22:51

Yajmëta'ak xëmë jam tsipjotm myajkutujkpë mëti'ipë kë'ëm mwin'ijxën; ets mëët'at xëmë mkë'ëjotm yë David yë y'u'unk y'ok mëët ja mtsojkën mja'awën.

1 Reyes 2:4

Jëtu'un ja Wintsën tyaj'atëwëty ja mëti'ipë të xytyukwinwanënës, ko y'ënäny: Pën ja n'u'unk n'ëna'kës oy ets mëtëy winë tuntë ma yë'ëjën, winë aaw winëjot ets tu'ukyë winma'any tu'ukyë winma'any, ka'ap nëjkx tyëkoy'äty pën ja kuttujkën wyinkuwa'akëpën ma ja Israel ja nyaax kyajpnën.

2 Reyes 8:19

Je'eyëp ko ja Wintsën ka'ap ojts tyajkutuky ets y'atëkoyëty ja Judá ja myëj'ajtën, mëët ko ja David ënety të t'oyjyawë, mëti'ipë tyukwinwa'anëyën ko xëmë tmajts'ita'any ja myëj'ajtën y'oyajtën.

2 Crónicas 6:16

E tyam ënät npëjktsoy, Wintsën mëti'ipë Israel ja'ayëty Tyios'ajtëpën; mtukniwa'akëp ja m'aaw m'ayuk ko xy'ënëmaay ja nteetyës David: Ko nän yë'ë ma'any ja y'u'unk y'ëna'k myëwë'ëmtëp ja kutujktakn mëti'ipë ënety mëtoopën ets mëti'ipë pyatuumpyën ja m'ënä'ämën mtëyajtën jëtu'un ijxtëm yë'ë tpatuunyën.

Job 36:7

xëmë tkuwa'any yë ja'ay mëti'ipë mëtëy juuky'ajtëpën; yë'ë pyëjktäkpy yë yajkutujkpë jam ma kutujktaknën ets yë'ë jeky yaj'ëne'empy.

Isaías 9:6

Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kuttujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Dios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Ezequiel 37:25

Jam nëjkx tsyëënëtë ma ja naax kajpnën mëti'ipës nmooyën yë ntuunpës Jacob, ma ojts näjyëtu'un tsyëënëtën yë y'ap y'okëty. Jam nëjkx tsyëënëtë xëmë ets näjyëtu'un yë y'u'unk y'ëna'këty ets y'u'unk y'okëty; yë ntuunpës David yë'ë nëjkx xëmë yajkutuky.