2 Samuel 5:6 - Biblia Dc en Mixe de Quetzaltepec

⁶ Ënet ja David ojts jam tsyo'onë mëët ja jyä'äy ets nyëjkxnëtë Jerusalén ets tsyiptuna'antë mëët ja Jebús ja'ayëty, mëti'ipë ënety jam tsënaaytyëpën. Yë Jebús ja'ayëty jä'ä ojts y'ëna'antë ko yë David tsip ets jam tyëkëty ma ja kajpnën, paaty t'ënëmaaaytyë: Mijts ka'ap mayëtëty ets yaa mtëkëty, yë wiintsëntëjkëty ets teky mya'attëjkëty yë'ë nëjkx ëxëëk mtunyë.

Biblia Mixe de Quetzaltepec

⁶ Ënät ja David ojts jam tsyo'onë mëët ja jyä'äy ets nyëjkxnëtë Jerusalén ets tsyiptuna'antë mëët ja Jebús ja'ayëty, mëti'ipë ënäty jam tsënaaytyëpën. Yë Jebús ja'ayëty jä'ä ojts y'ëna'antë ko yë David tsip ets jam tyëkëty ma ja kajpnën, paaty t'ënëmaaaytyë: Mijts ka'ap mayëtëty ets yaa mtëkëty, yë wiintsëntëjkëty ets teky mya'attëjkëty yë'ë nëjkx ëxëëk mtunyë.

2 Samuel 5:6 ပူးပေါင်းရင်းမြစ်များ

Génesis 14:18

Näyjyëtu'un yë Melquisedec, mëti'ipë ënety yajkutujkpën jam Salem ets teety ma ja Wintsën Ni'ik Këjxmëpë, tä tyajpëtsëëmy yë tsajpkääky ets uuky,

2 Samuel 22:30

Mëët ko mijts xypyutëk xypyupetyës, jyëkyejpy nwinkuwa'akëtyës ja nmëtsipës, akujk jotkujk ntimnyinaxëtyës ja mëjatyëtypë ja potsy mëti'ipë jyakuwäämpyën ja nmëtsipës ja nyaax kyajpn.

Proverbios 21:22

Yë ja'ay mëti'ipë wijyën nyija'ap wi'ix tu'uk yë naax kajpn tnitëkëtyën ets tyajkutëkoyëty, oy jënu'un yë naax kajpn këwent'aty, jya'ity, ets jya'itë jam yë jotmëkja'aytyëjk.

Jeremias 21:13

Mijts kajpn mëti'ipë yajpatpën joyjoty mëti'ipë jam ënä'ämp yajkutujkpën, mëti'ipë yajpatpën jëtu'un tä jeexyë tsaatunkëjxy y'ityën jam joyjyotm, ëjts mëti'ipë Wintsën'ajtpën, mëtsipës të nnänyikäjpxyë ma mijtsën. Miitsëty jä'ä m'ëna'antë: ¿Pën jëtää xy'ëkmä'ämyëp, pën jëtää xy'ëknipëtë'kmëp ets xy'ëknitëjkëmëty yaa ma yu'utsy kë'ëy ets këwent'aty nyajpatëmën?

Jeremias 37:10

Oy jeexyë miitsëty mjatimmyëtaktëpë ets jeexyë Caldeo ja'ayëty may xyjyayaj'o'ktëpë, ja mëti'ipë wë'ëmtëpën juuky, mëti'ipë je'eyë tsëtyujtëpën jam tsipjotm, yë'ë pëtë'ëkantëp ets ëxëëk mtuna'anëtë ets tjëënmo'oja'antë ja naax kajpn.

Hebreos 7:1

Ya'atë Melquisedec yë'ë ojts yajkutuky jam Salem ets tyeety'äjty ma ja Dios ni'ik këjxmëpë tmëtuunyën. Ko ja Abraham wyimpijty ma ënety ojts të tsyiptunyën ko tmëmëtäky ja yajkutujkpëtëjk, ënät ja Melquisedec ojts jyëjpye'eyi'ikyë ets ojts kyënu'kxyë;

Josue 10:3

Paatykyëjxm ojts yë Adonisédec kanaak yë noky tyaj'oyë ets tuknikejxy ja yajkutujkpë Hoham mëti'ipë jam ënä'ämpën Hebrón, ja Piream mëti'ipë ënä'ämpën Jarmut, ja Jafía mëti'ipë jam ënä'ämpën Laquis ets ja Debir mëti'ipë jam ënä'ämpën Eglón, ets t'ënëmaay:

Josue 15:63

Yë Judá y'u'unk y'ok ka'ap ojts myäyëtë tyajpëtsëmtëty yë Jebús ja'ayëty jam Jerusalén mëti'ipë ënety jam tsënaaytyëpën, paatykyëjxm yë Jebús ja'ayëty je'eyëm tyampaat mëët y'ijtmuktë yë Judá y'u'unk y'okëty jam Jerusalén.

Josue 18:28

Selá, Élef, Jebús, yajtijp näjyëtu'un Jerusalén, Guibeá, ets Quiriat, jä'ä nyiwinë'atë majkmajkts mëët ja myutsk kajpnëty. Ya'atë jëtu'un ja it naaxwiinyëtë mëti'ipë ojts tyuka'ajëtën ja Benjamín ja jyä'äyëty.

Jueces 1:21

E ja Benjamín ja y'u'unk y'ëna'k ka'ap ojts myäyëtë tyajpëtsëmta'atëty ja Jebús ja'ayëty jam Jerusalén. Paatykyëjxm tyampaat yë Jebús ja'ayëty ets Benjamín ja jyä'äy tu'ukyë tsyënaaymyuktë jam Jerusalén.

Jueces 1:8

Yë Judá ja jyä'äyëty ojts tnitëkëtë yë Jerusalén ets tniwa'ktë ko tyaj'o'ktaaytyë yë ja'ay mëti'ipë ënety jam tsënaaytyëpën tä ojts ja kajpn tyajtoytyë.