2 Samuel 5:23 - Biblia Dc en Mixe de Quetzaltepec

²³ David ojts jatëkok yë wyintsën tuk'ëwaanë, ja Wintsën ojts y'ëtsoowinpityë ets y'ënëmaayë: Këtii wintuuytsyow xynyiminëty, jëxkë'ptsow xynyi'ëwtitëty ets jää xynyipëtë'ëkëty ko ënety jam të mja'ty ma ja kepyjotyën mëti'ipë yajtijpën bálsamo.

Biblia Mixe de Quetzaltepec

²³ David ojts jatëkok yë wyintsën tuk'ëwaanë, ja Wintsën ojts y'ëtsoowinpityë ets y'ënëmaayë: Këtii wintuuytsyow xynyiminëty, jëxkë'ptsow xynyi'ëwtitëty ets jää xynyipëtë'ëkëty ko ënäty jam të mja'ty ma ja kepyjotyën mëti'ipë yajtijpën bálsamo.

2 Samuel 5:23 ပူးပေါင်းရင်းမြစ်များ

2 Samuel 2:1

Ko jëtu'un y'ëktuun y'ëkjajtë, yë David ka'ap ojts jëtu'unyë wyi'imy, ojts ja Wintsën tyajtëy, t'ënëmaay: ¿Wi'ix m'ëwatsyp etsës muum nëjkxëty kajpntumë? Tä ja Wintsën y'ëtsoowë: Ëjts n'ëwatsypës ets muum kajpntum mnëjkxëty. Tä ja David jatëkok tyajtëëy: ¿E maakajpn xy'ëwa'atsy nëjkxëtyës? Tä ja Wintsën y'ëtsooy: Jam mnëjkxëty Hebrón.

2 Samuel 5:19

David pojën ojts ja Wintsën tuk'ëwaanë ets tyajtëëy: ¿Wi'ix oy'atëp ets mëët yë filistejë ja'ayëty ntsiptunëtyësë? Tä ja Wintsën y'ëtsoowë: Oy, tsiptun mëët, tyam mijts nyajmëta'akëty.

1 Crónicas 14:14

Tä ja David tyajtëëy ja Dios, ets ja Dios y'ëtsoowë: Këtii xywyinkuwa'akëty wintuuytsyow, jëxkë'ptsow nëjkx xynya'ëwtity ets jëtu'un xymyëmëta'akëty, jää xynyipëtë'ëkëty ko ënety jam të mja'ty ma ja kepyjyotën.

Josue 8:2

Yë Aí kajpn mëët ja nyiyajkutujkpë mëti'ipë jam ënä'ämpën, jëtu'un nëjkx xyajjaty xyajkëpety tä xytyuunyën yë Jericó. Je'eyëp ko ja mëti'ipë ënety mtukyajni'o'ktutëpën ja mëtsipëty, jyëkyäpëp miits xyjyä'ä'atëty. Tuknipëjktaakë ets tääpë kajpn ajotkumonë jëxkë'ptsow xynyitëkëty.

Josue 8:7

Ënet mpëtsëmtëty ënätyë ets ja kajpn xynyitëkëtëty, jä'ä ko yë Wintsën tëë tkë'ëyäky.

1 Samuel 22:15

¿Tëkokëmës jëtää yam yë Dios nmëkajpxa'anyë mëët yë'ëkyëjxmë? Këtii jëtu'unpë winma'any xypyääty Wintsën. Paaty këtii nëkoo xynyiwaanpety ya'atë mtuunpë mëët yë jyiiky myëku'uk, jä'ä ko ëjts ka'apës nijawë jëtu'unpë winma'any.

1 Samuel 23:2

tääts ja Wintsën ojts tmëkäjpxy ets tyajtëëy: ¿Wintsën, m'a'ijxëpë etsës nëjkx ntsiptuny mëët yë filistejë ja'ayëtyë? Ets ja Wintsën y'ëtsooy: Nëjkx, nëjkx mëët mtsiptuny ets nitsiptun yë Keilá kajpn.