2 Samuel 5:18 - Biblia Dc en Mixe de Quetzaltepec

¹⁸ Yë filistejë ja'ayëty, ojts tsyoontë ets jam nyäpyëjktakëtë ma tu'uk ja itjot txëëwatyën Refaim.

Biblia Mixe de Quetzaltepec

¹⁸ Yë filistejë ja'ayëty, ojts tsyoontë ets jam nyäpyëjktakëtë ma tu'uk ja itjot txëëwatyën Refaim.

2 Samuel 5:18 ပူးပေါင်းရင်းမြစ်များ

Génesis 14:5

Kom jëmëjt yë yajkutujkpë Quedorlaomer ets mëët ja yajkutujkpëtëjk jënu'un mëët oy nyäyaj'ityën, ojts nyëjkxtë ma ja it naaxwiinyëtë txëëwatyën Astarot Carnaim. Jamts ojts tmëmëta'aktë ja Refa ja'ayëty, zuzitë ja'ayëty jam ma yajtijyën Ham, ja emitas ja'ayëty jam ojts yajmëmëta'aktë ma yajtijyën Save-quiriataim,

2 Samuel 23:13

Tëkok, ma ënety ja pëjktä'äky yajtuunk'atyën, ojts nitëkëëk tsyoontë ja jotmëkja'aytyëjk ma ja ni''i'px majkpën ets jam mëët nyäpyatëtë ja David ma tu'uk yë aankën jam Adulam, ja filistejë ja'ayëty jam ënety yajpaatë Refaim.

2 Samuel 5:22

Yë filistejë ja'ayëty kä'äpyëm tyimjotkujk'atë, ënät jatëkok ojts jam nyäpyëjktakojënëtëpë Refaim,

1 Crónicas 11:15

Tëkok ojts nitëkëëk tsyoontë aakyë'ë jotmëkja'aytyëjk ma ja ni''ipxmajkpën ets nyëjkxtë jam tsaatunkëjxm ma jam tu'uk ja aank yajtijyën Adulam ets ja David mëët jam nyäpyaata'anëtë. Ja filistejë ja'ayëty ja tsyiptuunpëtëjkëty jam ënety të nyäpyëjkta'akëtë ma joyjyot txëëwatyën Refaim

Isaías 17:5

Jëtu'un nëjkx jyäty tä tu'uk naaxtuunpë ja'ay tyajpëtë'ëkyën yë tsajpmok ets tpëjkmuky kë'ë'am ja ajkts, ma të myukyën yë tsajpmokpajk jam joyjyotm ma txëëwatyën Refaim;

Josue 15:8

Ya'atë tsëpa'an jam ijty nyäxy ma Ben-hinom joyjyotmën, e jam ëpa'tkë'ëmtsow jam nyäxy ma txëëwatyën Jebús, jä'ä ja kajpn mëti'ipë yajtijpën Jerusalén ets pyäjtë'ëky jam kopkëjxm mëti'ipë wintuuytsyow yajpatpën ma ja Hinom joyjyotën ets jam anëkëjxy'äämpy nyäxy ma ja Refaim joyjotmën,

Josue 17:15

Ënet ja Josué y'ëtsoowëtë: Jä'ä ko miitsëty mnimay'atë ets ka'ap jam mtëjkëtya'atë ma ja Efraín ja nyaaxjotmën, nëjkxtë jam yukjotm, ma Refa ja'ayëty ets Ferez ja'ayëty tnitänëtën ets xyajwa'atstëty ets jam mtsënaaytyaknpëktëty.

Josue 18:16

ets jam jyënajkë'ëky kopk'ëjxm mëti'ipë mëët nyäwyinku'ixëtyën ja Ben-hinom joyjyot, anëkëjxytsyow wyi'imy ma ja Refaim joyjyotmën. Jamts jatëkok jyënajkë'ëky ets jyëjptä'äky ma ja Hinom jyoyjyotmën; nyäxy jam ëpa'tkë'ëmtsow yä'äpwinm ma txëëwatyën Jebús ets tyimnëjkxy, jyä'ty ma tu'uk ja nëëwookyën jam En-roguel.