2 Samuel 3:39 - Biblia Dc en Mixe de Quetzaltepec

³⁹ Paaty oyxyëp yë Wintsën të xyjyapëjktakpës ënä'ämpë yajkutujkpë ma ja naax kajpnën ëjts ka'apës näjyawëty tii nkëjxmëty mëët ko ëxëëk y'ëtë'ëtstë y'ëna'antë yë Sarvia y'u'unk y'ëna'k. Yë Wintsën yë'ë nyija'ap wi'ix tukumëtoy ja ja'ay mëti'ipë winë tyuuntëkoopy kyajpxtëkoopyën.

Biblia Mixe de Quetzaltepec

³⁹ Paaty oyxyëp yë Wintsën të xyjyapëjktakpës ënä'ämpë yajkutujkpë ma ja naax kajpnën ëjts ka'apës näjyawëty tii nkëjxmëty mëët ko ëxëëk y'ëtë'ëtstë y'ëna'antë yë Sarvia y'u'unk y'ëna'k. Yë Wintsën yë'ë nyija'ap wi'ix tukumëtoy ja ja'ay mëti'ipë winë tyuuntëkoopy kyajpxtëkoopyën.

2 Samuel 3:39 ပူးပေါင်းရင်းမြစ်များ

2 Samuel 16:10

E ja ënä'ämpë tyaa y'ëtsooy: Ya'atë ka'ap myijtsëty mpaatyë, yë Sarvia y'u'unk y'ëna'k. Pën xypyojkpës wä'änxyëp yë Wintsën yë'ëjëty të y'ëne'emyë. E pën janty jëtu'unts, ¿pën mëpaat wi'ix y'ëktunyë?

2 Samuel 19:13

Ojts näjyëtu'un tni'ënä'ämë ko t'ënëëmëtëty ja Amasá: Mijts njëëky'äjtyp nmëku'uk'ajtyp yë'ë, paaty yam n'ënëëmë ko mijts jëtu'un ënät ja Joab mkutëjkënëp, ma xywyintänëtyën ja tsiptuunpëtëjk. E pën ëjts ka'apës npatuny ja n'aaw n'ayuk yë Wintsën yë'ëjës nëjkx xytyiytyuny.

2 Samuel 19:22

E ja David tyaa y'ëtsooy: Ya'atë ka'ap miitsëty mpaatëtë, miitsëty Sarvia y'u'unk y'ëna'k. ¿Wi'ix ko xyjyëjpkukajpxëtës? Ëjts wa'atsës nijawë ko ëjts yajkutujkpë'ajtp ma Israel kajpnën, tyam ni pën mëpaat kya'ooky.

2 Samuel 3:38

Ok ja David t'ënëmaay ja jyä'äy mëti'ipë nyiwintsën'ajtëpën ja tsiptuunpë ja'ayëty: Ijxtëm xy'ixtën tëë tyam tu'uk ja ja'ay y'ooky tyëkoy mëti'ipë mëj'äämpy të y'ityën ma ja naax kajpnën.

1 Reyes 2:32

Yë Wintsën yë'ë kë'ëm tukëpätanëp mëët ja tyuuntëko'oyën, mëët ko nimäjtsk yë ja'ay tyaj'o'ky mëti'ipë ënety ka'ap poky tmëët'atën ets y'ooktëty ets mëti'ipë ënety oy yë nteetyës të tmëtuntën. Ka'ap tuknija'awëtyë nteetyës, yë'ë jëtu'un ja Abner yë Ner yë myaank, mëti'ipë ënety nyiwintsën'ajtypyën ja tsiptuunpëtëjk ma ja Israel ja'ayëtyën ets ja Amasá, myaank yë Jéter, mëti'ipë nyiwintsën'ajtën ja tsiptuunpëtëjk mëti'ipë Judá ja'ayëtyën.

1 Reyes 2:9

Mijts këtii xypyokymyä'kxëty, mijts ntuknipëjkyp tii mëpaat xytyuny, je'eyëp ko m'ixëp yajxon wi'ix mëpaat ëxëëk jyäty kyëpetyën ets jëtu'un oywyi'ix y'ookëty.

1 Crónicas 22:5

David tyaa ënety myäy tyäjy: Yë nmaankës Salomón mutsknëm oy, e ja tsajptëjk mëti'ipë yajkojaanpën, mëj mëpaat yajkojy, jëtu'un oy kyëxë'ëkëty ets y'itëty mëj'äämpy ets akäjpxy y'itëty oymyaajëty. Paaty ja David jëjp'ixy winë tyajwë'ëmtaay ma ënety ka'ap y'ookynyëmën.

1 Crónicas 29:1

Ok ja yajkutujkpë t'ënëmaay ja mayjyä'äy: Yë n'u'unkës Salomoon, ja tu'ukyëpë ja Wintsën të twin'ixyën, mutsknëm yë oy, e ja tuunk mëti'ipë të tyuka'ayën mëjwiin këjää yë'ë, jä'ä ko ka'ap jyëtu'unëty tä ja'ay kutujkëntëjk je'eyë tkoyën, yë'ë Wintsën jyëën tyëjk kyojanëp.

2 Crónicas 13:7

Ënet ojts ja mayjyä'äy pyuwa'akëty mëti'ipë nuuxëtyën ka'apë tyuna'antën ets ëxëëk ja'ayëty, mëti'ipë ojts timy'ënä'ämtën ja Roboam, Salomón yë myaank, mëët ko ënety myutsknëmëty ets ko ënety wyintse'knyëmëty. Jëtu'un ojts ka'ap myääyë ja Roboam tjëjpkuwa'akëty amëk jotmëk.

Salmos 101:8

Winjëpom nyaj'ëwaanëja'anyës yë ja'ayëty mëti'ipë ëxëëk ëtëtstëp ënantëpën ma naax kajpnën; Nyajjëwa'akäämpyës yë ëxëëk tuunpë ëxëëk kajpxpë ma Wintsën yë nyaax kyajpnën.

Salmos 28:4

Tukëpät ijxtëm pyaatëtën, jëtu'un ijxtëm ëxëëk y'ëtë'ëtstën y'ëna'antën; tukëpät ja ëxëëkpë mëti'ipë mëët ja kyë'ë y'aaw të tuntën.

Salmos 7:16

Ja y'ëxëëk'ajtën ets ja tsyiptu'un tsipkajpxën, kyëpajkëjxy kya'ataja'any.

Salmos 75:10

jä'ä ko yë'ë yajkutëkooytya'ajäämpy tëkokyë mëti'ipë ënety ja ëxëëkja'aytyëjk të nyätyukmëjjawëtën, ets tyajmëjëja'any tyajkëjääjëja'any ja myëj'ajtën kyutujkën ja ja'ay oypyë jyot wyinma'anyën.

Éxodo 21:12

Pën yë myëku'uk yajtsëtyujtyp yajwintëkoopy ets tyaj'ookëty, kopkpëky ko näjyëtu'un y'ookëty.

Proverbios 20:8

Ko tu'uk yë yajkutujkpë tpaaty ja kyutujktakn je'eyë ko wyiinme'eky tääts tyaj'atëkoy ja ëxëëkpë.

Proverbios 25:5

Jëkäx yë ëxëëk ja'ay ma yajkutujkpën, ets mëtëy tunëty ja nipaye'eyën.

Isaías 3:11

Janty mon janty tuk yajpaaty ja ëxëëk ja'ay, jä'ä ko ëxëëk jyata'any. Jëtu'un nëjkx ja Wintsën tyukumëtoyë tä ënety ja nyëë pyoky kyëjääjëtyën.

Isaías 7:4

ets xy'ënëëmëty: Mnäkyëwent'atëtëp, je'eyëp ko këtii mtsë'ëkëty ets këtii xyajtëkatsëty yë mwinma'any ko xy'ixëty yë tu'ts nyitoy.

Jeremias 38:5

Tää ja Sedequías yajkutujkpë y'ënëmaayëtë: Mijts ixtë tii mtuuntëp mëët yë'ë. Ëjts ka'apës xymyäy wi'ixës n'akajpxtuktëty.

Daniel 6:16

Paaty ja yajkutujkpë ojts tni'ënä'ämë ets tyajmintëty ja Daniel ets jap tkujëpipëtëty kepyjoty ma ja kaa jap nimay yajpaatën. E ka'anëm ënety ja Daniel jap yajkujëpipë kaa kemyjoty ko ja yajkutujkpë jyaak nëmaayë: Yë Dios mëti'ipë mëtuumpyën ets mëti'ipë wyinkutsë'këpën yë'ë myajtso'okëtëp.

Romanos 13:4

Dios yë'ë të tyuknipëjktaakëtë ets miits jotkujk myajpaattëty. E pën mijts ëxëëk m'ëtë'ëtsy m'ëna'any kopkpëky ko mtsë'ëkëty; jä'ä ko ka'ap ja kutuunktëjk nëkoo ja mëk'ajtën të yajmo'otë, yë'ë ets ja Dios tmëtuntëty ets tëytyuntëty ja ja'ay mëti'ipë ëxëëk ëtëtstëp ënantëpën.

2 Timoteo 4:14

Ja Alejandro, pujxnka'tspë, ëxëëkës të xytyuny të xynyëëmës. Dios tukëpätëtëp wi'ix të y'ëti'itsyën.

Jueces 9:57

Dios yë'ë ojts näjyëtu'un kë'ëm t'ëwa'atsy ets Siquem ja'ayëty ja pyokyëty tkëpätëty mëët ko ënety je'eyë të yajja'ay'ooktë. Jëtu'un'äämpy ojts y'atëy ja Jotam ja y'aaw y'ayuk, ja Jerubaal ja myaank, ma ojts tpokyën ja myëtsiptëjk.