2 Samuel 3:12 - Biblia Dc en Mixe de Quetzaltepec

¹² Tä ja Abner tkäjpxynyikäjxëy ja David ma t'ënëmaayën: ¿Pën jëtää jaaktimpyatëp tu'uwinye'eyëty yë naax kajpn? Wi'ix ko nkanäjyä'äykyujkëmë aak ëëtsajtëm, minës yë naax kajpn n'ëkwinwoowmuky ets wä'än mijts myajputëkë.

Biblia Mixe de Quetzaltepec

¹² Tä ja Abner tkäjpxynyikäjxëy ja David ma t'ënëmaayën: ¿Pën jëtää jaaktimpyatëp tu'uwinye'eyëty yë naax kajpn? Wi'ix ko nkanäjyä'äykyujkëmë aak ëëtsajtëm, minës yë naax kajpn n'ëkwinwoowmuky ets wä'än mijts myajputëkë.

2 Samuel 3:12 ပူးပေါင်းရင်းမြစ်များ

2 Samuel 19:14

Jëtu'un ojts tyajjotuky ja Judá ja'ay ets tu'ukyë y'ënaantaaytyë ets ja David wyimpitëty mëët tëkokyë ja tyuunpëtëjk.

2 Samuel 19:41

Ënet ni'ëmukë ojts tninëjkxtë ja yajkutujkpë ets t'ënëmaaytyë: ¿Tii ko yë Judá jyä'äy, mëti'ipë ëëts nmëku'uk'ajtëpën yë'ë tyimjä'ä'atantëp ja yajkujkpë ets yë'ë timtyu'uwinwowa'antë ets tyajnëënaxa'antë ja yajkutujkpë mëët ja y'u'unk y'ëna'k ma ja Jordán nëëjën?

2 Samuel 19:6

Tyam ënät yajja'akyukë ko yë yajkutujkpë ka'ap tyajtsoowpaaty wi'ix ja tsyiptuunpë wintsën ets ja myëkutuunk myëmay myëtajyën, yë'ë y'oyjya'ap mëti'ipë mëtsip'ajtëpën ets myëtsip'ajtyp yë'ë mëti'ipë oyjya'awëyëpën; tyamës nja'akyukë ko yë yajkutujkpë yë'ëtëm të tjatsoky jeexyë yë Absalón jyuuky'äty oy jeexyë ëëtsëty të n'o'kta'atë.

2 Samuel 3:11

Yë Is-boset ka'ap ojts tu'k'aawën y'ëk'ëtsoownë, mëët ja tsë'ëkë, jä'ä ja Abner tsyë'këp.

2 Samuel 3:13

Tä ja David y'ëtsoowë: Ëjts ka'apës wi'ix n'ëna'any oy jyëtu'un'atëty: Je'eyëp tëy ko yë'ëjës nikajpxäämpy ko ënety yaa jatëkok mijts xynyiminyës, këtii jëtu'unyë minëty, myajminëp yë Mical, yë Saúl yë nyëëx.

2 Samuel 3:21

Ko kyääytyääy y'uktaaytyë, tä ja Abner t'ënëmaay ja David: Tyam oyës nëjkxëty, nëjkxës ja Israel ja'ayëty n'ëk'ixtë ets nwowa'anyës wä'än tuntë tu'uk ja käjpxytyu'unën mëët mijts mëj ënä'ämpë ets xypyaatëty ja mkutujktakn ma ja naax kajpn xywyinye'eyëtyën. Tä ja David ojts nyäjyëkajpxënë mëët ja Abner, jëtu'un ja Abner ojts jotkujk nyëjkxnë.

2 Samuel 3:27

Ko ja Abner jam jatëkok jyä'äjty Hebrón, atu'uk ojts wyoownëjkxyë ja Joab ma pyak'itëtyën ets nyätyijyë myëëtmëtyaka'anyë, tamtsën ënety jëtu'un tyänëtë ko ojts y'ëkëty yajtsëtyuty myoxkëjxy ka'ap tyukja'awëyë ets y'o'ky, tuunwinpity ja Joab mëët ko ënety ja y'uty të y'ooky mëti'ipë ja Abner yaj'o'kën.

2 Samuel 3:38

Ok ja David t'ënëmaay ja jyä'äy mëti'ipë nyiwintsën'ajtëpën ja tsiptuunpë ja'ayëty: Ijxtëm xy'ixtën tëë tyam tu'uk ja ja'ay y'ooky tyëkoy mëti'ipë mëj'äämpy të y'ityën ma ja naax kajpnën.

Salmos 62:9

Yë naaxwiinyëtë ja'ay ka'ap nitii tsowëty, yë kumeenyjyä'äy ets ëyoopëja'ay tu'knax yë'ëjëty; ko jeexyë y'ëk'yaj'akijpxnaxtë yë naaxwiinyëtë ja'ay ni'ik to'tyk jeexyë pyëtsëmtë këtiinëm tii mëti'ipë to'tykyën.