2 Samuel 3:10 - Biblia Dc en Mixe de Quetzaltepec

¹⁰ ko yajpëjkëty yë Saúl yë kyutujkën ets David yë'ë yajmo'ojëty ets yë'ë tyu'uwinwowëty ma ja Israel kajpnën, ma Judá kajpnën, tyimtsoony jam Dan y'itjotm ets tyimja'ty jam Beerseba y'itjotm.

Biblia Mixe de Quetzaltepec

¹⁰ ko yajpëjkëty yë Saúl yë kyutujkën ets David yë'ë yajmo'ojëty ets yë'ë tyu'uwinwowëty ma ja Israel kajpnën, ma Judá kajpnën, tyimtsoony jam Dan y'itjotm ets tyimja'ty jam Beerseba y'itjotm.

2 Samuel 3:10 ပူးပေါင်းရင်းမြစ်များ

2 Samuel 17:11

E mijts mëti'ipë ntukwinjawëjäämpyën, mëti'ipë jeexyë mëpaat xytyunyën, nikë yajmujkta'a tëkokyë yë ja'ay mëti'ipë jam tsënaaytyëpën Dan ets jampaat Beerseba, ko yë'ëjëty nyämyukëtëty yajxon ënety nimay nyäpyatënëtë jëtu'un tä yë nëë ajinën ets mijts kë'ëm ya'atë tsip mtimwyinwowëp.

2 Samuel 24:2

Tä ja yajkutujkpë t'ënëmaay ja Joab, mëti'ipë nyiwintsën'ajtypyën ja tsiptuunpëtëjk: Nëjkx tukjëtijtëtya'a ja Israel kajpn ets Judá kajpn, jam xypyatsoonëty Dan ets xyajja'tëty Beerseba, wa'ats xykyëxjaaytya'ajëty ninaak ja ja'ay jam yajpaatën, jëtu'unës nijawëty jënu'un nyiwinë'atën.

2 Samuel 3:11

Yë Is-boset ka'ap ojts tu'k'aawën y'ëk'ëtsoownë, mëët ja tsë'ëkë, jä'ä ja Abner tsyë'këp.

2 Samuel 3:21

Ko kyääytyääy y'uktaaytyë, tä ja Abner t'ënëmaay ja David: Tyam oyës nëjkxëty, nëjkxës ja Israel ja'ayëty n'ëk'ixtë ets nwowa'anyës wä'än tuntë tu'uk ja käjpxytyu'unën mëët mijts mëj ënä'ämpë ets xypyaatëty ja mkutujktakn ma ja naax kajpn xywyinye'eyëtyën. Tä ja David ojts nyäjyëkajpxënë mëët ja Abner, jëtu'un ja Abner ojts jotkujk nyëjkxnë.

1 Reyes 4:25

Mapaat ja Salomón jyuuky'äjtyën, yë Israel ja'ayëty ets Judá ja'ayëty jampë Dan yajpaatën ets tyimja'ty jam Beerseba aak jotkujk y'ijtë; nitu'ukjaty aak kyë'ëmtuunk tyuunk'ajtëp; nyiyu'ujëtëp ja higo kepy ets ja parrë.

Jueces 20:1

Ënet ja Israel ja'ayëty tëkokyë tyu'ukmujktaaytyë mëti'ipë tso'ontëpën Dan, Beerseba ets Galaad, jëtu'un nyämyujkëtë tu'kja'aypyën jam Mizpá, Wintsën wyintuuy.

1 Samuel 15:28

Ënet ja Samuel t'ënëmaay ja Saúl: Timjëtu'un tääjës yam yë nwit të xykyë'tsën, jëtu'un yë Wintsën tkëëtsy yë mkutujkën ma Israel kajpn. Ets të tmo'oy tu'uk yë mmëkukajpn mëti'ipë jaak'oy yë jot winma'anymyëët'ajtypyën këtiinëm mijts.

1 Samuel 28:17

Yë Wintsën yë'ë tyam tyuunpy mëti'ipës ojts njanikäjpxyën. Yë'ë tëë mpëjkëty ja mkutujktakn ets tëë tmooynyë ja mmëku'uk David.

1 Samuel 3:20

Tu'kë'ëyë ja naax kajpy jampë yajpaatën ma Dan y'itjotmën ets ma txëëwatyën Beerseba ojts tnijawëtë ko yë Samuel yë'ë ënety tu'uk mëj Dios mëtuunpë mëti'ipë nyikajpxëpën ja Wintsën ja y'aaw y'ayuk jëwyiin jëyëjp.