2 Samuel 24:17 - Biblia Dc en Mixe de Quetzaltepec

¹⁷ Ko ja David t'ijxy ja Wintsën ja kyukäjpxy mëti'ipë yajja'ay'o'kpën, ënät t'ënëmaay ja Wintsën: Ëjts jëtu'un ja poky nmëët'ajtyp, ëjts të ntëkoy ¿tyaapë ja'ayëty mëti'ipë tyam nëkoo të y'ooktën, tii poky të t'ëktuntë? tyam mijts nmënu'kxtä'äky ets yë'ë xyaj'ookëty yë n'u'unk n'ëna'kës, ëkë n'u'unk nto'oxytyëjkës.

Biblia Mixe de Quetzaltepec

¹⁷ Ko ja David t'ijxy ja Wintsën ja kyukäjpxy mëti'ipë yajja'ay'o'kpën, ënät t'ënëmaay ja Wintsën: Ëjts jëtu'un ja poky nmëët'ajtyp, ëjts të ntëkoy ¿tyaapë ja'ayëty mëti'ipë tyam nëkoo të y'ooktën, tii poky të t'ëktuntë? tyam mijts nmënu'kxtä'äky ets yë'ë xyaj'ookëty yë n'u'unk n'ëna'kës, ëkë n'u'unk nto'oxytyëjkës.

2 Samuel 24:17 ပူးပေါင်းရင်းမြစ်များ

Génesis 18:23

Ënet ojts ni'ikyë tmëwinkony ets tyajtëëy: ¿Wi'ix myajkutëkoyäämpy jëtu'un yë wa'ats ja'aytyëjk mëët tu'knax yë ëxëëk ja'ayëtyë?

Génesis 44:33

Paaty yam mijts nmënu'kxtä'äky etsës xyajwë'ëmëty, wä'änës yë n'uty nkutuny ets yë'ë wä'än tnëjkxy mëët yë y'äjtytyëjk.

2 Samuel 12:13

David ojts tkupëky ja pyoky ijxtëm ënety ja Natán të y'ënë'ëmxëtyën ets y'ënäny: Ëjts nja'apës ko tëëjës njantypyokytyuny ma Wintsënën. Ets ja Natán y'ëtsoowë: Yë Wintsën ka'ap myijtsëty mtëytyuna'anyë ets ka'ap mtimyaj'ooka'anyë.

2 Samuel 24:10

Ok ojts ja David nyäjya'awëy'ityë ko kajtëm jëtu'un y'oy'äjty, ko tëëtëm ënety tyëkoy ko ja jaaymyujkën tni'ënä'ämëy, ënät ojts ja Wintsën tjamëmaaywyajtsnë, tja'ënëmaaynyë: Mëj këjääjës të ntuuntëkoy koos ja winma'any jëtu'un të npaaty. E tyamtsës npëjktsoy ma mijtsën Wintsën ets xymyä'kxëty ja npokyës, jëtu'unës të n'ëtsë'ëty tä tu'uk yë winma'anytyukën.

2 Samuel 7:8

E paaty ënëëmë yë ntuunpës David, ko ëjts, mëti'ipë Wintsën'ajtpën, mëti'ipë maaytyääyëpën winë, n'ënëëmës: Ëjts mijts të njuuty jam kemyjotm maa ënety xëmë xykyëwent'atyën yë mkupixyny, mtsajppax ets yë'ë xëmë mpajëtijtyp; tëë mpëjktä'äky ets m'itëty wintsën ets kopk maas nnaax nkajpnën, Israel kajpn;

1 Reyes 22:17

Ënet ja Micaías y'ënäny: Tëës n'ixy wi'ix axit ako'owë yajpaatën yë Israel ja'ayëty jam tunkëjxm kopkkëjxm, jëtu'un tä yë kupixynyën ka'apë pën nyiwintsënën. Ets Wintsën të y'ënä'äny: Ya'atë ka'ap pën nyitu'uwinwoopë; nikë oy ko tyimwinpijta'atëty akujk jotkujk ma jyëën tyëjkëtyën.

Job 42:6

Paaty yam ntukjootwinpity, maas yam n'u'unyën kuyjaamjoty ets naaxwayjoty.

Job 7:20

Pën pokytyuunpës, ¿maa n'ëxëëktuny, mijts mëti'ipë naaxwiinyëtë ja'ay y'ijx'ijtypyën? ¿Wi'ix koos yë mti'pxn xytyukni''ixyës? ¿Ëkë jam muum n'atsipyë?

Salmos 32:5

Ënet të nmëmaaywyätsy ets ka'apës nitu'uk ja mpoky të nkuyu'utsy; tëës ja npoky nmaaywyajtsta'ay e mijts, Wintsën, tëës xypyokymye'kxy.

Salmos 44:11

Jëtu'un mijts të xykyë'ëyaktës tä tu'uk yë kupixynyën mëti'ipë yajmënëjkxpën ma y'o'ktaknën; axit ako'owës të xyajjatë ma ja'ayëtyën mëti'ipë ka'ap tios t'ëwtatën;

Salmos 74:1

Dios, ¿wi'ix koos xëmëkyëjxm xy'ëxmats xymyajtstu'utë? ¿Wi'ix ko nëkooyë të xytyimtukjoot'anpëky yë m'u'unk m'ëna'k mëti'ipë jëtu'un mmëët'ajtypyën tä yë kupixyny ëna'k myäytyänëtën mëëykyijxy ujtskëjxy?

Salmos 78:71

Ojts jam tjëwoy ma kyupixyny kyëwent'atyën, ets ojts jä'ä tuknipëky ja nyaax kyajpn tkëwent'atëty, jëtu'unts yë'ë tniwintsën'atëty ets twoow'it twijts'itëty ja Israel kajpn.

Éxodo 10:16

Ja mëj'ënä'ämpë ënätyë tnikäjxëy yë Moisés ets Aarón, tä t'ënëmaay: Pokyës jëtu'un të njanty tyuny ma mTiosëtyën ets ma miitsëtyën.

Isaías 6:5

Ënätës të njootwinmay: Janty mon janty tukës nyajpaaty, yaajës ënät n'o'knëty, ëxëëkës të n'ëy të nkäjpxy ets jamës ntsëënë ma ja ja'ay ëxëëkjaty kyajpxtën myëtya'aktën.

Jonás 1:12

Kujëpijpëtëkës nëëjoty ets juukymyejy y'ëtëtsmonëty, jëtu'un yë Jonás y'ëtsooy. Ëjts wa'atsës nijawë koos pokymyëët, paaty ya'atë mëktuupoj të myiny ma ëëtsajtëmën.

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.