2 Samuel 24:15 - Biblia Dc en Mixe de Quetzaltepec

¹⁵ Ënet ja Wintsën ojts tnajtskäxë ja pa'am ëyo'on jä'ä jopy, ma ja Israel kajpnën, tyimtso'ontäky jam Dan ets tyimja'ajty jam Beerseba, jä'ä ja ja'ay niwinë y'o'ktë nitëkë'px majk.

Biblia Mixe de Quetzaltepec

¹⁵ Ënät ja Wintsën ojts tnajtskäxë ja pa'am ëyo'on jä'ä jopy, ma ja Israel kajpnën, tyimtso'ontäky jam Dan ets tyimja'ajty jam Beerseba, jä'ä ja ja'ay niwinë y'o'ktë nitëkë'px majk.

2 Samuel 24:15 ပူးပေါင်းရင်းမြစ်များ

2 Samuel 24:2

Tä ja yajkutujkpë t'ënëmaay ja Joab, mëti'ipë nyiwintsën'ajtypyën ja tsiptuunpëtëjk: Nëjkx tukjëtijtëtya'a ja Israel kajpn ets Judá kajpn, jam xypyatsoonëty Dan ets xyajja'tëty Beerseba, wa'ats xykyëxjaaytya'ajëty ninaak ja ja'ay jam yajpaatën, jëtu'unës nijawëty jënu'un nyiwinë'atën.

1 Crónicas 21:14

Ënet ja Wintsën tkejxy ja pa'am ëyo'on jam ma Israel kajpnën ets mayjyä'äy y'o'ktë tyëkooytyë, jä'ä nyiwinë'ajtë ja o'kpëty tëkë'px majk mil.

1 Crónicas 27:24

Ënet ja Joab tyajtso'ontäky ja tuunk ma ënety tjaaymyuka'anyën ja ja'ay, je'eyëp ko ka'ap tyajwintu'upëjky, jä'ä ko tääpë jëtu'unpë, ojts ëyo'on jam tyajkëtä'äky ma Israel ja'ayëtyën. Paatykyëjxm ka'ap y'akëxë'ëkë ninaak ja ja'ay nyimay'atën ma ja nokyën mëti'ipë ojts kyojyën ko ja yajkutujkpë David ojts y'ëne'emy.

1 Crónicas 27:4

Ma mëmäjtskpo'opën, jä'ä ja tsiptuunpë wintsën xyëëwajtyp Dodai, ahohitë.

Isaías 37:36

Ënet ja Wintsën ja kyukäjpxy ojts tsyoony ets ojts nyijkxy jam ma ja Asiria ja'ayëtyën, tääts tyaj'o'ky nimëko'px ja majkta'px mëkoxk mil ja Asiria ja'ay. Komjëpom aak ooky ojts kyuxëënyëtë.

Habacuc 3:2

Tëkokyë yë m'aaw m'ayuk mëti'ipës të nmëtoyën, Wintsën ets mëti'ipë të xytyunyën, nmëjja'ap nkënu'kxyjya'apës mëjwiin këjää. Näyjyëtu'un ënät tyam winë tun maas yë njuukyajtënëtyën, jëtu'un tä tëëyëp winë xytyuunyën ets nijawëtëtyës. Tuk'ijxtëk ëëtsëty ko mijts mëët'ajtyp yë pa'ëyo'owën najts'ëyo'owën oy jënu'un mjajoot'anpëky.

Mateo 24:7

Jä'ä ko tsiptunantëp ja naax kajpn nixim niyam naaxwiinyëtë apëtsëmy. Itaanp ja yuu xëëw ets ja naaxwiinyëtë yu'kxa'any xiitsow yaatsow.

Apocalipsis 6:8

Ënätës n'ijxy tu'uk ja kwaay yëktsaptspë ets mëti'ipë tuk'u'unyääyëpën ja kwaay, o'kën ja xyëëwajtyp. Ix'ok pyaminyë mëti'ipë kyutëkats'ajtypyën ja o'kën ets yajmooy ja mëk'ajtën ets tyaj'ookëty ja naaxwiinyëtë ja'ay mëët ja tsip, mëët ja yuu, mëët ja pa'am ets mëët ja jëyujk ëwa'anpë mëti'ipë naaxwiinyën.

1 Samuel 6:19

E ja Wintsën ojts tyaj'o'knë ja ja'ayëty jampë kyukajpn'atën Bet-semes, mëët ko ënety të kyu'ixëtë jap kaaxëjoty kë'ëmwinma'any. Jä'ä y'o'ktë ja ja'ayëty oy nitëkë'px majkën. Ja naax kajpn mëk tja'awëtyë mëët ko ënety ja Wintsën të tyajkutëkoy ja mayjyä'äy ko tukjoot'anpëjky.