2 Samuel 24:13 - Biblia Dc en Mixe de Quetzaltepec

¹³ Tä ja Gad ojts tjanty nyinëjkxy ja David ets tyajtëëy: Jëtu'un yë Wintsën y'ënä'äny; ¿mëti'ipë mijts mtsojkën'ajtyp: wëxtujk jëmëjt yë yuu xëëwë, ëkë tëkëëk po'o xykyukä'äkëty yë mëtsipë, ëkë tëkëëk xëëw y'itëty yë pa'am ëyo'on ma mnaax mkajpnënë? Mëmay mëtaj yajxon ets xynyikajpxëty ets ntuk'ëwaanëtyës mëti'ipës xykyäjxpën.

Biblia Mixe de Quetzaltepec

¹³ Tä ja Gad ojts tjanty nyinëjkxy ja David ets tyajtëëy: Jëtu'un yë Wintsën y'ënä'äny; ¿mëti'ipë mijts mtsojkën'ajtyp: wëxtujk jëmëjt yë yuu xëëwë, ëkë tëkëëk po'o xykyukä'äkëty yë mëtsipë, ëkë tëkëëk xëëw y'itëty yë pa'am ëyo'on ma mnaax mkajpnënë? Mëmay mëtaj yajxon ets xynyikajpxëty ets ntuk'ëwaanëtyës mëti'ipës xykyäjxpën.

2 Samuel 24:13 ပူးပေါင်းရင်းမြစ်များ

2 Samuel 21:1

Ma ja David ënety y'ëne'emyën, ojts jam yë yuu xëëw y'ity tëkëëk jëmëjt. Ënet yë David ojts yë Wintsën tuk'ëwaanë ets y'ëtsoowë: Yë yuu xëëwpaaty yë jyää'aty, jä'ä ko yë Saúl ojts nanëkoo may tyaj'ooky yë Gabaón ja'ayëty.

2 Samuel 24:12

Nëjkx yë David ix ets xy'ënëëmëty, ko tëëkëëkpëkyës yam ja winma'any nmo'oy, wä'än twin'ixy mëti'ipë tsyojkën'ajtypyën etsës ntunëty.

2 Reyes 8:1

Ënet ojts ja Elisejë mëët myëtyä'äky ja to'oxytyëjk mëti'ipë ja y'u'unk të tyajtsokën ets t'ënëmaay ets nyëjkxtëty wiinktsow tsënääpyë, jä'ä ko tëë ënety ja Wintsën tyuk'ëwa'anxëty yuu wëxtujk jëmëjt itaanp ma tääpë kajpnën.

1 Crónicas 21:12

win'ix pën mtsojkpy tëkëëk jëmëjt ja yuu, ëkë tëkëëk po'o ma ja mëtsip mëët mtsiptunëty, ëkë tëkëëk xëëw ma ja pa'am ëyo'on yajpaatëty ma naax kajpnën mëti'ipë ja Wintsën yaj'itäämpyën ma mëët ja kyukäjpxy tyaj'ita'anyën ja ëyo'on jotmay. Mëmay mëtaj mëti'ipës ënät ntuk'ëwaanëpën mëti'ipës të xykyexyën.

Salmos 91:6

ets ëyo'on mëti'ipë këtakpën ko kyoots'aty ni yë'ë xykyatsë'ëkëty, näjyëtu'un mëti'ipë yaj'ookaanpën ko xyiiny'äty;

Éxodo 7:25

Wëxtujk xëëw ënety të nyäxy, ma ja Dios ojts twojpyu'kxyën ja nëë,

Ezequiel 14:13

Ko tu'uk yë naax kajpn xymyëtëkoyëtyës ets wintsë'kën tyajtëkoyëty ma ëjtsën, nixajë'ëkäämpyës ets ntëytyunäämpyës ko npëjkëtyës yë jyi'kxy pyiky; nkäxäämpyës yë yuu xëëw ma yë'ëjën ets y'ooktëty yë jëyujk ets ja'ay.

Lucas 4:25

Tëyës n'ëna'any ko tää ënety may ja to'oxytyëjk ja ku'ookpyë yaa Israel ko ja Dios ja kyäjpxynyajxpë Elías jyuuky'äjty, ko ojts kä'äp tyu'uy tëkëëk jëmëjt ja kujkm, ënät ja yuu y'ijty oymyakajpnëty.

Deuteronomio 28:22

Nëjkxëp jam tyaj'ity ma mijtsën mëkëtypë pa'am ëyo'on: tä yë mëkjëënpa'amën, ki'ix pa'amën, kuxäjëpa'amën ets yajkëta'akäämpy jam näjyëtu'un yë xëëw'an, mëti'ipë winë yajtëtsta'ajëpën, jëtu'un'äämpy nëjkx kyutëkoy ja mtsajpmokam, mjë'kxykyam ets ja ëyo'on jotmay jëtu'un nëjkx xëmë mpajëtijtënë tii yowënë.

Deuteronomio 28:25

ets mnakëty. Ko ja mëtsip xyanitsoonëty, je'eyë xywyinku'ixëty ko nimay mniminyë, tääts poj'am mkä'äkëty, mijts ko ënety ëxëëk'o'ktëy mjajnë mkëpäjnë, yë'ë nëjkx ja wiink naax wiink kajpn xytyuk'atsë'ëk xytyuk'ajawë.

Deuteronomio 28:27

Yë Wintsën nëjkxëp mëët myaj'ëyoyë yë pu'uts pa'am, jëtu'un tä jap Egiptë ja'ay jyajtë kyëpäjtën, nëjkxëp mpëkyë yë tsaamaxn, xi'ipyë pa'am ets tsajpnitooy; oy nëjkx mjanäyajtsooypyetyë ka'ap mtso'okëty.

Deuteronomio 28:35

Yë Wintsën nëjkxëp yë pu'uts pa'am mtukpaatyë ma mtekykyoxën, ma mpuuyën ets ma tëkokyë mjot mnini'kxën. Oy nëjkx mja'ëna'any ets jeexyë mtsooypyety, kamaa tsooy xykyapaatëty ets mtso'okëty.

Deuteronomio 28:52

Ja mnaax mkajpn wa'ats nëjkx tyajnatujkta'atë, koonëm ja nyipotsy tjijtë'kta'atëty; ja potsy oy ënety jënu'un jyata'tspëkyëty ets jyakëjxmëty, mijts ka'ap tjëkyepy xytyukjotkujk'atëty. E jëtu'un jyata'any kyëpäta'any ja naax kajpn mëti'ipë ënety ja mWintsën të mjamo'oyën, ja mmëtsip nëjkx tjä'ä'ajnë.

1 Samuel 25:17

E mijts wintaj wa'ats xynyijawë ko yë mniye'etyëjk ka'ap win'oy a'oy xy'ëtsoy. Paaty tyam, mijts ënät mëmay mëtaj tii mtunëpën, jä'ä ko pën ka'ap tii xytyuny yë nwintsënës Nabal kopkpëky ko ëxëëk jyata'any kyëpäta'any ets näjyëtu'un yë y'u'unk tyo'oxytyëjk.