2 Samuel 24:10 - Biblia Dc en Mixe de Quetzaltepec

¹⁰ Ok ojts ja David nyäjya'awëy'ityë ko kajtëm jëtu'un y'oy'äjty, ko tëëtëm ënety tyëkoy ko ja jaaymyujkën tni'ënä'ämëy, ënät ojts ja Wintsën tjamëmaaywyajtsnë, tja'ënëmaaynyë: Mëj këjääjës të ntuuntëkoy koos ja winma'any jëtu'un të npaaty. E tyamtsës npëjktsoy ma mijtsën Wintsën ets xymyä'kxëty ja npokyës, jëtu'unës të n'ëtsë'ëty tä tu'uk yë winma'anytyukën.

Biblia Mixe de Quetzaltepec

¹⁰ Ok ojts ja David nyäjya'awëy'ityë ko kajtëm jëtu'un y'oy'äjty, ko tëëtëm ënäty tyëkoy ko ja jaaymyujkën tni'ënä'ämëy, ënät ojts ja Wintsën tjamëmaaywyajtsnë, tja'ënëmaaynyë: Mëj këjääjës të ntuuntëkoy koos ja winma'any jëtu'un të npaaty. E tyamtsës npëjktsoy ma mijtsën Wintsën ets xymyä'kxëty ja npokyës, jëtu'unës të n'ëtsë'ëty tä tu'uk yë winma'anytyukën.

2 Samuel 24:10 ပူးပေါင်းရင်းမြစ်များ

2 Samuel 12:13

David ojts tkupëky ja pyoky ijxtëm ënety ja Natán të y'ënë'ëmxëtyën ets y'ënäny: Ëjts nja'apës ko tëëjës njantypyokytyuny ma Wintsënën. Ets ja Natán y'ëtsoowë: Yë Wintsën ka'ap myijtsëty mtëytyuna'anyë ets ka'ap mtimyaj'ooka'anyë.

2 Samuel 24:17

Ko ja David t'ijxy ja Wintsën ja kyukäjpxy mëti'ipë yajja'ay'o'kpën, ënät t'ënëmaay ja Wintsën: Ëjts jëtu'un ja poky nmëët'ajtyp, ëjts të ntëkoy ¿tyaapë ja'ayëty mëti'ipë tyam nëkoo të y'ooktën, tii poky të t'ëktuntë? tyam mijts nmënu'kxtä'äky ets yë'ë xyaj'ookëty yë n'u'unk n'ëna'kës, ëkë n'u'unk nto'oxytyëjkës.

1 Reyes 8:35

Ko ënety nëkooyë ja anpë myiinë, mëët ko ja naax kajpn të mëtëkoyë ets jyotwinpitëty ets mëkajpxëtëty ets mwin'ëw mwinya'axëtëty, tjawëty ko tëë tyëkoy, ko tsë'ëkë ja mtëytyu'unën,

1 Crónicas 21:7

Yë Dios ka'ap tukjotkëtäky ya'atë jëtu'unpë winma'any, paaty tkexy ja ëyo'on ma Israel kajpnën.

1 Crónicas 21:8

David ko nyäjya'awëyë tëë tyëkoy, ënät tmaaywyäjtsy ja pyoky ma Wintsënën ets y'ënäny: Tëës ntëkoy mëjwiin këjää ko jëtu'unpë winma'any të npaatyës. E tyam n'amëtoy npëjktsoy ets xypyokymyä'kxëtyës, maajës winë të ntuuntëkoyën.

2 Crónicas 16:9

E Wintsën yë'ë wa'ats nyija'awëtyääpy tiijaty tuunëp jajtëp muum naaxwiinyëtë apëtsëmy ets tjotmëkmo'oy ja ja'ay mëti'ipë winë aaw winëjot tuk'ijxpäjtëpën. Mijts tëë jëtu'un mwinma'anytyëkoy, paaty winë të xytyuny tä tu'uk ja'ayën mëti'ipë winma'anytyukën. Jä'ä ko tyam wäänëni'ik yë tsip käjpxy xymyëtata'any.

2 Crónicas 32:26

E yë'ëjëty oy jëtu'un y'ëktëkooytyë, ojts jatëkok ja Wintsën tmëpëjktsowtë ets ojts pyokymyä'kxëtë ets ka'ap wi'ix tyuunëtë, mapaat ja Ezequías jyuuky'äjtyën.

Job 7:21

¿Ti këtii mëpaat xypyokymye'kxyësë? ¿Këtii mëpaat xynyime'kxyës maas muum ntëkoyënë? Ëjts wäänës yam njaakjuuky'ata'any, täätsës nwo'tstëwëty, ka'apës maa xy'ëk'ijxnëty.

Salmos 32:5

Ënet të nmëmaaywyätsy ets ka'apës nitu'uk ja mpoky të nkuyu'utsy; tëës ja npoky nmaaywyajtsta'ay e mijts, Wintsën, tëës xypyokymye'kxy.

Éxodo 10:16

Ja mëj'ënä'ämpë ënätyë tnikäjxëy yë Moisés ets Aarón, tä t'ënëmaay: Pokyës jëtu'un të njanty tyuny ma mTiosëtyën ets ma miitsëtyën.

Proverbios 28:13

Mëti'ipë ja'ay kyuyu'tsypyën yë pyoky, ka'ap oy jyuuky'ata'any; e mëti'ipë nyikäjpxypën ko tyuuntëkoy nëjkxëp yajpokymye'kxy.

Oseas 14:2

Wimpitë ma Wintsënën ets jëtu'un xymyëkajpxtëty: Mä'kx yajnitëkoy ëëts yë nnëë npokyëty ets ëxajë kupëk ya'atë aaw ayuk ma mijts myajmëjjaw myajkënu'kxyjyawën.

Joel 2:12

E tyam jëtu'un yë Wintsën y'ënä'äny: ëjts niwinpijtëk winë aaw winëjot. Ëyuu'atë, ya'axtë joktë ets jë'ëtë ya'axtë.

Marcos 7:22

ka'apë tmëj'ixtën ja nyiye'etyëjk ëkë ja tyo'oxytyëjk, y'atsojktëp oytyiijëty, win'ë'ëntëp antaktëp; ja ëxëëk juukyajtën oy tsyojkën'ajtëp, y'ëxëëk'ijxtëp ja myëku'ukëty, pi'tskajpxtëp, amëj akëjxm jyä'äy'atë ets nitii oy tkamëmay tkamëtajtë.

Juan 1:29

Komjëpom ja Juan t'ijxy ko ja Jesús myëwinkonyë ets y'ënäny: Ixtë, ya'atë jëtu'un ijxtëm ja kupixyny u'unkën, Dios wyintsë'kën mëti'ipë ja naaxwiinyëtë ja'ay yajpokywyätsëpën.

Juan 8:9

Ko jëtu'un tmëtoowtë ets tsyo'ontë wintu'uk patu'uk, jëwyiin tsyo'ontë ja mëjja'aytyëjk. Ko ja Jesús ojts wyi'imy nätyu'uk mëët ja to'oxytyëjk mëti'ipë jam wintënaayëpën,

Deuteronomio 32:6

¿E jëtu'un ja Wintsën ja y'oyjyot y'oywyinma'any xyajwinpijtëtë? Miitsëty naax kajpnëty, ma ka'ap yajxon mmaytyën mtajtën ets ka'ap tii xynyijawëtë, ¿këtii xytyimnija'awënëtë ko yë'ë xytyeety'atë ets yë'ë të myajkojëtë? Yë'ë të myajkojëtë ets yë'ë ja juukyajtën të mo'ojëtë.

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Dios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

1 Juan 1:9

Pën nmaaywyajtsëm ja npoky'ajtëmë, jyëkyejpy ntuk'ijxpäjtmëty ja Dios, wa'atspë, ko myä'kxäämpy ja npoky'ajtëmë ets tu'kë'ëyë mëti'ipë të ntuuntëko'oyëmën.

1 Samuel 13:13

Tä ja Samuel y'ëtsooy: Tääpë të xytyunyën ka'ap myëtëyëty. Kooxyëp të xytyuny tä yë Wintsën të m'ënë'ëmxëtyën, yë m'ënä'ämën mkutujkën xëmëkyëjxm jeexyë y'ity ma Israel ja'ayëtyën.

1 Samuel 24:5

E ko jëtu'un t'ëkputsujky ja Saúl ja wyit, ënät ojts jatëkok kë'ëm tmëmay tmëtajy,

1 Samuel 24:6

ets t'ënëmaay ja jyä'äy: Tiosës xypyutëkëp ets ka'apës wi'ix ntunëty yë Saúl, yë nwintsënës mëti'ipë yajkutujkpën. Pën yajkutujkpë yajpaaty, yë'ëkyëjxm yajkutuky mëët ko yë Wintsën të wyin'ixyë.

1 Samuel 26:21

Tä ja Saúl y'ënäny: U'unk maay David, tyamës ok näjya'awëy'ityë ko pokyës ntuunpy. Jëtu'unës ëjts n'ëtë'ëtsy tä ja'ay winma'anytyukpën, ka'apës tii oy ntuny. E tyamtsës npëjktsoy ets mwinpitëty. Ëjts ka'apës yam mijts n'ëk'ixjëtitan n'ëkpajëtitanë, jä'ä ko tëëjës yë njuukyajtën xynyimä'kxë.