2 Samuel 23:4 - Biblia Dc en Mixe de Quetzaltepec

⁴ jëtu'un ja tyi'kxy jyäjy tä xëëw jyäjyën, jëtu'un tä janty'oy y'aantä'äkyën ko winwa'ats ja tsajp kyuxëënyë, mëti'ipë yajyoompy yaji'tsypyën ja aay ujts ko tyuukëtä'äky.

Biblia Mixe de Quetzaltepec

⁴ jëtu'un ja tyi'kxy jyäjy tä xëëw jyäjyën, jëtu'un tä janty'oy y'aantä'äkyën ko winwa'ats ja tsajp kyuxëënyë, mëti'ipë yajyoompy yaji'tsypyën ja aay ujts ko tyuukëtä'äky.

2 Samuel 23:4 ပူးပေါင်းရင်းမြစ်များ

Salmos 110:3

Yë mnaax mkajpn mëj'äämpy mpëjkta'aka'anyë jä'ä xëëw ma ënety ja mmëtsip xymyëmëtä'äkyën jam tsipjotm. Jëtu'un xëmë mnäjyawëtëty tä jeexyë m'ëna'kën winjëpom tä yë maanik kyä'äyën jopyëp jam tunkëjxm.

Salmos 72:6

Jëtu'un nyaxëty tä tuunikën ëkë tä maanikën mëti'ipë jopyëp yajxo'kojpyën yë naaxwiinyëtë ets aay ujts.

Salmos 89:36

Yë y'u'unk y'okëty yë'ë ënä'ämantëp xëmë ma kyutujktaknën, mapaat jyää'atyën yë xëëw.

Proverbios 4:18

Yë nyë'ë tyu'ujëty yë wa'ats ja'aytyëjk jëtu'un yë'ë tä yë xëëw y'aantä'äkyën komjëpom ko jyopyëp'aty. Ni'ikyë y'aantä'äky ets winë tukjajëtyä'äy.

Isaías 18:4

Ëjts jëtu'unës yë Wintsën të xy'ënëëmë: Ëjts wa'atsës n'ixy ntuny winë jam maas nyajpaatyën, jëtu'un tä jëënën ko pyotm'aty, jëtu'un tä myaanikyën ko xyëkopk'aty, ma ja pëjktä'äky pyëti'ikyën.

Isaías 4:2

Jä'ä xëëw ma ënety ja Wintsën jatëkok tyajyoonpëkyën ja juukyajtën yë'ë nëjkx tyaj'oy'ijxëntëkë ets tpaatëty ja mëj'ajt oyajtën ja ja'ayëty mëti'ipë jam Israel jaakjuuky'ajtëpën; ja pëjktä'äky mëti'ipë ënety ijtp wintëëpën kamwinm tu'uwinm, yë'ë nëjkx akujk jotkujk tjë'kxtë tpëktë.

Isaías 60:1

Pëtë'ëk mijts Jerusalén kajpn, nätyukwinpitët ja jajën të'kxën, jä'ä ko tëë ënät mnija'tyënëm ja të'kxën jajën, ets ja Wintsën ja myëj'ajt y'oyajtën yë'ë mkutë'kxëp.

Isaías 60:3

Nëjkxëp ja wiinkëtypë ja naax kajpn tnimintë ja mtë'kxën mjajën, ja yajkutujkpëtëjk nyiminantëp ja mxëënyajtën.

Oseas 6:3

Tsojk winma'any mëk mpëjktakëmë ets n'ixy'ajtmëty yë Wintsën. Xynyimina'anëm yë Wintsën ets kopkpëky xynyimina'anëmë jëtu'un tä kopkpëky yë xëëw pyëtsimyën, jëtu'un tä kyopkpëkyëtyën ko yë naax tyajmëyäty yë nëë tuu ma pyotm'atyën ets ma xyëkopk'atyën.

Oseas 6:5

Piw nuukën të ntuunta'atë ko të ntuknikäxtë yë käjpxynyajxpëtëjkëty; yë mëtoow'ijtkës n'ayukës mëët të ntuknijawëtë ko m'oka'antë. Yë tëypyë jaantypë nipaye'eyënës jëtu'un jyäjy tä jëën tyi'kxyën.

Miqueas 5:7

Ja kajpn ja itkujkpyë, ja Jacob ja y'u'unk y'ok mëti'ipë ënety të jyaakwë'ëmtën, jëtu'un nëjkx nyaxtë tä maanikën mëti'ipë kyejxypyën yë Dios, tä tuupojën mëti'ipë ujtskëjxy ka'apën, mëti'ipë ka'ap yë'ëjëty ja'ay tuknipëjktaakën.

Malaquías 4:2

E miitsëty mëti'ipës xywyintsë'këtyëpën, mëti'ipë winë oy nyipaye'eytyëpën, yë mpaye'eyënës mëtëypyë jëtu'un nëjkx tyi'kxy jyäjy xëëwën, mëti'ipë yajtsokp yaj'akëtakpën. Ets nëjkx mnëpëkax mtsajpëkaxtë jëtu'un tä tsajpkaa u'unkën jam ma y'ijtaknën mëët ko ënety mxoonta'aktën.

Juan 1:7

Ijxpë tuunpë ojts myiny ets tnikajpx tnimëtya'akëty mëti'ipë ijtpën ijxtëm ja kutë'kxnën, jëtu'unts ni'ëmukë ja ja'ay myëpëkëtëty.

Deuteronomio 32:2

Jëtu'unës yam ya'atë aaw ayuk najtsmatsëja'any, tä tyu'uy pyojyën, ets jya'tëty jap ma jot winma'anyën, tä yë maanikën, tä yë tuu kyëtä'äkyën naaxkëjxy ets tä yë maanik tyajxookyën yë mëëynyak.

Jueces 5:31

Jëtu'un mëpaat kyutëkooytya'atë mijts yë mmëtsip Wintsën, e ja ja'ay mëti'ipë mtsojkëpën mja'awëpën wä'än jëtu'un të'kxtë tjajtë tä xyëëw'anyën. Ko ya'atë tsip nyäjxy, jä'ä ojts yë Israel kajpn jotkujk yajpaaty wëxtyikxy jyëmëjt.