2 Samuel 23:17 - Biblia Dc en Mixe de Quetzaltepec

¹⁷ jëtu'un y'ënäny: Tiosës xypyutëkëp etsës ka'ap ya'atë nëë n'uukëty, jä'ä koos n'uukëty jëtu'un ënety tpaaty tääjës jeexyë nye'pny n'ukën ja ja'ayëty mëti'ipë ojts të tyajtsoontën. Jëtu'un ka'ap t'uky. Ya'atë jëtu'unpë ja mëkwinma'any yë'ë ojts tuntë ja nitëkëëkpë ja ja'ayëty mëti'ipë jotmëkëtyën.

Biblia Mixe de Quetzaltepec

¹⁷ jëtu'un y'ënäny: Tiosës xypyutëkëp etsës ka'ap ya'atë nëë n'uukëty, jä'ä koos n'uukëty jëtu'un ënäty tpaaty tääjës jeexyë nye'pny n'ukën ja ja'ayëty mëti'ipë ojts të tyajtsoontën. Jëtu'un ka'ap t'uky. Ya'atë jëtu'unpë ja mëkwinma'any yë'ë ojts tuntë ja nitëkëëkpë ja ja'ayëty mëti'ipë jotmëkëtyën.

2 Samuel 23:17 ပူးပေါင်းရင်းမြစ်များ

Génesis 44:17

Yë José tyaa y'ëtsooy: Niwi'ixtsow, yi'iyës jëtu'un nyajwë'ëmäämpy mëti'ipë të yajpaatyën ja xya'k mëët ja n'a'ukënës ets yaa myëtun y'ëyowëty, miitsëty akujk jotkujkmës winpitë ma ja mteetyëty ja jyëën tyëjkën. Ets ni pën mkamëmayëtëty.

Génesis 9:4

Yë'ë tëy ka'ap xyjyë'kxtëty yë ne'pny, tsu'utsy mëti'ipë ne'pnytyuk'ookën këtii yë xyjyë'kxtëty. Jä'ä ko yë ne'pny, yë'ë juukyajtën'ajtp.

2 Samuel 20:20

Tä ja Joab y'ëtsooy: Ka'ap jyëtu'unëty, ëjts ka'apës yam n'ëna'any nyajkutëkoyä'äny, ëkë ënät xit ko'ow ntuna'anyës.

1 Reyes 21:3

E ja Nabot tyaa t'ëtsooy ja Ahab: Ka'ap mëpaat yë Wintsën tyajkutuky etsës nyakëty mëti'ipës yë nteety të xytyukkumayën.

1 Crónicas 11:19

y'ënäny: Tiosës xypyutëkëp këtiipë tyaapë nëë n'uukëtyës, jä'ä ko n'uukëtyës jëtu'un tpaatëty ijxtëm jeexyë jyot nye'pny n'ukëtës ya'atë ja'ayëty mëti'ipë ja jyuukyajtën ka'ap të tpa'ëyowtën ko ojts ya'atë nëë të tyajtsoontë. Paaty ka'ap t'uukany. Jëtu'un ojts ja jyotmëk'ajtënëty tyajkëxë'ëktë ja nitëkëëkpë ja jotmëktëjkëty.

Salmos 72:14

Yajpëtsëmäämpy jam ma ënety ëxëëk yajtun yaj'ënëëmëtën ets ma ënety ka'ap jyotkujk'atën, jä'ä ko jyuuky'ajtënëty këjää tsyowpaaty.

Mateo 26:28

jëtu'un ya'atë uuky nyäxy tääjës yë ne'pnyën, ma y'atëyën ja käjpxytyu'unën, ja ne'pny mëti'ipë täämp jä'tspën ets ja naaxwiinyëtë ja'ay yajpokymyä'kxtëty.

Marcos 14:24

Jëtu'un ja Jesús ojts y'ënë'ëmxëtë: Ëjts ya'atë ne'pny mëti'ipë tsunaanp xä'kxaanpën ets tyiytyëkëty ja käjpxytyu'unën mëti'ipë ja mayjyä'äy tyuk'oy'atëpën.

1 Corintios 15:30

¿E tii ko ëëtsajtëm xëmë janaam jatsojk atsë'ëkëtuuy n'ijtëmë?

Jueces 5:18

E yë Zabulón ets Neftalí yë jyä'äyëty ojts jam tsyoontë tunkëjxm kopkkëjxm ma ënety jam yajpaatën ets ja jyuukyajtën tmëktuuntë jam ma tsip tyunyën.

1 Samuel 2:30

E paaty tyam y'ënanë, ja Wintsën mëti'ipë jëyëjp të y'ënä'änyën ko miits jëtu'un kë'ëyxyëëw kë'ëyjyëmëjt mëtuntëp ja Dios, jëtu'un tyam y'ënä'äny: Ëjts ka'apës jëtu'un n'ëkkupëkanë. Yë'ëjës n'oyjawëjäämpy ja ja'ay mëti'ipës xy'oyjya'apën, e mëti'ipës xy'ixtijpën o'ktëy nëjkx jyäty. Ëjts Wintsën, ëjts ënaanp.

1 Samuel 26:11

Yë Wintsën yë'ëjës xykyuwa'anëp ets ka'ap wi'ix ntunëtyës ja mëj'ënä'ämpë mëti'ipë yë'ë kë'ëm të twin'ixyën. Paaty yam n'ënëëmë ni'ik yi'iyë pëjkë'kë yë nyëë'a'ukëm ets kyu'umën tampë kyëpäjky tyaj'ityën.