2 Samuel 23:15 - Biblia Dc en Mixe de Quetzaltepec

¹⁵ Ënet ja David y'ënäny: jääpëk jeexyë pën yë nëë t'ëkninëjkxy jam ma Belén kajpn yajnitëkën etsës jeexyë yë'ë n'uuky.

Biblia Mixe de Quetzaltepec

¹⁵ Ënät ja David y'ënäny: jääpëk jeexyë pën yë nëë t'ëkninëjkxy jam ma Belén kajpn yajnitëkën etsës jeexyë yë'ë n'uuky.

2 Samuel 23:15 ပူးပေါင်းရင်းမြစ်များ

Juan 4:14

e mëti'ipë y'uktëpën ja nëë mëti'ipës ëjts nyäjkpyën, nijëna'a kyatëëtsëja'antë jatëkok. Jä'ä ko ja nëë mëti'ipës nyakäämpyën, jëtu'un ja myuuta'any ijxtëm ja nëëkopkën mëti'ipë yajjuuky'ajtpën.

Juan 7:37

Ja tu'kxëëw ënety kyakëxy ja mëj xëëw tyunyë jyätyën. Ko ja Jesús ojts wya'kukë ets mëk y'ënäny: Pën tëtsëp, wä'änës xynyiminy ets y'uukëty.

Juan 4:10

Ënet ja Jesús y'ëtsoowë: Ko jeexyë mijts xy'ëknijawë mëti'ipë ja Dios yäjkpyën ets pën m'amëtoowëp yë nëë, mijts jeexyë m'amëtoopy ja nëë ma yë'ëjën ets mooyëp jeexyë ja nëë mëti'ipë yajjuuky'ajtpën.

Isaías 44:3

Jä'ä koos nyajpëyë'ëkäämpyës yë nëë jam të'ëts'itjotm, nyajye'eyäämpyës yë nëë jap wokjoty mëti'ipë të tyëtsnën. Nmo'ojäämpyës ja jyuukyajtën ja m'u'unk m'ok ets nkënu'kxäämpyës näjyëtu'un.

Isaías 41:17

Yë ëyoopëja'aytyëjk nëkooyë nëë t'ijxtaaynyëtë ets ka'ap maa tpaatë. Tëë ja yyä'än tyëtstaaynyëtë mëët ja tëëtsë; ëjts maas nWintsën'atyën npa'ëyowantëpës yam; ëjts, mëti'ipë yë Israel ja'ay y'ëwtajtëpën, ka'apës n'ëxmatsa'antë.

Salmos 119:81

Janty jëtu'unës n'ëwxijnë etsës mijts xyajtso'okëty; jamës tu'ukyë të npëjktä'äky yë nwinma'any ma m'aaw m'ayukën.

Salmos 63:1

Dios mëti'ipës nTios'ajtypyën, mijts nTiosniwäämpy, jëtu'un nyajmëyäty tä yë ja'ay nyëtëëtsën; tëkokyë yë njot nini'kxës mijts myajmëyajtëp, jëtu'un tä yë të'ëtsnaax nëë tyajmëyätyën.

1 Crónicas 11:17

Jam David y'ënäny: Wi'ixpëmës njatsoky jeexyë pën xytyuk'uukyës yë nëë tampë yajpaatyën ma Belén yajnitëkën.

2 Samuel 23:16

Ënet ojts nyëjkxtë nitëkëëk ja jotmëkja'aytyëjkëty jam ma ënety kyëwent'atën ja filistejë ja'ayëty, tääts ja nëë tyajpëtsëëmtë ma tu'uk nëëjutën, winkon ma yajnitëkën ja Belén kajpn, tääts ja David ojts tukninëjkxtë. Je'eyëp ko yë'ë ka'ap ojts t'uuky, je'eyë tpijky ets tukwintsë'këy ja Wintsën,

Génesis 35:19

Jëtu'un ojts yë Raquel y'ooky tyëkoy ets jam nyaaxtëjkëy tu'u'am, ma ja Efrata y'itjotmën, mëti'ipë tyam txëëwajtnëpën Belén.