2 Samuel 22:49 - Biblia Dc en Mixe de Quetzaltepec

⁴⁹ Yë'ëjës xyaj'ëwaatsëpëtsëëmp maas yë nmëtsiptëjkën, ma ja'ayëtyën mëti'ipë käjpxy kyumëtoownajxtëpën. Mijts Wintsën xyajtsokpës yë'ë, ma ja ja'ayëty ëxëëk winë tuntën tkajpxtën.

Biblia Mixe de Quetzaltepec

⁴⁹ Yë'ëjës xyaj'ëwaatsëpëtsëëmp maas yë nmëtsiptëjkën, ma ja'ayëtyën mëti'ipë käjpxy kyumëtoownajxtëpën. Mijts Wintsën xyajtsokpës yë'ë, ma ja ja'ayëty ëxëëk winë tuntën tkajpxtën.

2 Samuel 22:49 ပူးပေါင်းရင်းမြစ်များ

2 Samuel 18:31

Ënet näjyëtu'un jyä'äjty ja Etiopíë ja'ay ets y'ënäny: Ëjts oy aaw oy ayukës nmëmiinpy nyajmiinpy ma mijtsën Wintsën, mëtoow'it: tyam tëë yë Dios tuny yë mëyajtën ma mijtsën, ko të tjëpëky të tjëtuny ja mmëtsip mëti'ipë ënety ka'ap m'ixa'anyën.

2 Samuel 5:12

Jëtu'un'äämpy ja David tja'akyujkëy, ko yë Wintsën ënety të tjanty yajkutuky ets yë'ë ja naax kajpn tu'uwinwowëty, paaty xëmë pyutëkëty ets ja kyutujkën myëjwiin kyëjääjëty ets yajpaye'eyëty oy ja naax kajpn ja y'amay jyotmay.

Salmos 140:1

Wintsën, jëwoow jëwijtskës ma ëxëëkja'aytyëjkën, mijts xykyuwa'anëpës ma ja'ayëtyën ja ëxëëkpë y'ëtë'ëtstën y'ëna'antën,

Salmos 140:4

Wintsën, mijtsës xykyuwa'anëp ma ëxëëkja'aytyëjk ja mëk'ajtën kuttujkën tmëët'atën. Kuwaankës ma ja'ayëtyën ëxëëkpë winë tuntën tkajpxtën, mëti'ipë yi'iyë myääytyëp tyajtëpën wi'ixës xy'ëkyajkuka'anaxtëty.

Salmos 18:48

Yë'ëjës xyaj'ëwaatsëpëtsëëmp oyës jënu'un yë nmëtsip xyjyatukjoot'anpëky, ets oy ja ja'ay käjpxy kumëtoownajxpë të xyjyanipëtë'ëktës. Mijts Wintsën, mijtsës xyajnitsokp ma ja'ayëtyën mëti'ipë ëxëëk tsyiptuna'antën.

Salmos 44:5

mëët mijtskyëjxm tëës nmëmëta'aktë yë nmëtsipëtyës; mëët yë mxëëw jëtu'unyë yë mëtsip të n'atään të ntuktääntës, mëti'ipës ënety xynyipëtë'ktëpën.

Salmos 52:1

Mijts jotmëkja'ay ets jotkujk ja'ay, ¿wi'ix ko janty mëj janty këjxm mnäjyawëty ko winë ëxëëk xytyuny xykyäjpxy? Yë Dios yë tsyojkën jya'awën xëmë y'ijtëy.

1 Samuel 2:8

Dios yajkumeenytyäkpy yë ja'ay mëti'ipë ëyoop jotëkoopyën, ets yajjotkujktäkpy yë ja'ay mëti'ipë o'ktëy yajpatpën. Jam tyajnaaxweetsy ma ja'ay mëj'äämpyëtypë kyäytyën y'uuktën. Jä'ä ko yë Wintsën yë'ë nyiwintsën'ajtyp yë naaxwiinyëtë ets yë'ë kyuwäämpy kyë'ëjotm