2 Samuel 22:33 - Biblia Dc en Mixe de Quetzaltepec

³³ Yë Wintsën yë'ëjës ntsoktakn'ajtyp mëti'ipë maaytyääyëpën winë, mëti'ipës xypyutëjkëpën etsës oy nja'ay'atëty,

Biblia Mixe de Quetzaltepec

³³ Yë Wintsën yë'ëjës ntsoktakn'ajtyp mëti'ipë maaytyääyëpën winë, mëti'ipës xypyutëjkëpën etsës oy nja'ay'atëty,

2 Samuel 22:33 ပူးပေါင်းရင်းမြစ်များ

Efesios 6:10

E tyam mëku'uktëjkëty, jam xy'ixta'atëty ja mëk'ajtën ma ja Wintsënën, ja mëk'ajtën mëkpë.

Salmos 27:1

Yë Wintsën, yë'ëjës xykyutë'kxp xykyujajp ets yë'ëjës xyajnitsokp, ¿pënës n'ëktsë'ëkëp? Yë Wintsën yë'ëjës yë njuukyajtën kyuwäämpy. ¿Ti ko ntsë'ëkëtyës?

Filipenses 4:13

Aak jyëkyejpyës tii nwinkuwa'akëty jä'ä ko Kristë xyjyotmëkmoopyës.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Hebreos 13:21

wa'an mmo'ojëtë ja wa'atsajtën ets tu'kë'ëyë mëti'ipë oyën ets xytyuntëty mëti'ipë tsyojkpyën mëët ja Jesukristë ja xyëëw. Yë'ë mëj'ajtën jaanty'ajtën jyä'ä'atëp xëmëkyëjxm. Oy jyëtu'un'atëty.

2 Corintios 12:9

e yë Wintsën jëtu'un të xynyëëmës: Yi'iyë myajmëyäjtyp yë ntsojkënës nja'awënës; jä'ä ko yë nmëk'ajtënës ni'ik tsyowpaaty ma ja pa'am ëyo'onën. Paatykyëjxmës jotkujk näjyawëty oyës npëkyë n'ixyë, jëtu'un nyikëxë'ëkëty ja Kristë ja myëk'ajtën ma ëjtsën.

Zacarías 10:12

Ëjts nëjkx nmo'otë yë jot mëjaaw ets tyu'uye'eytyëty mëët yë nxëëwës, ëjts Wintsën, ëjts ënaanp.

Salmos 119:1

Janty jotkujk yë ja'ay jyuuky'atë mëti'ipë mëtëy winë tyuuntëpën ets yi'iyë pyanëjkxtëp mëti'ipë yë Wintsën y'ijxpëjkën'ajtypyën.

Salmos 46:1

Dios yë'ë xykyuwa'anëm xyajtsokëm ets yë'ë xymyëkmo'oy xymyëjaawmo'oyëm; mëti'ipë putëjkëpën ko mon tuk nyajpatmëty.

2 Samuel 22:2

Tä y'ënäny: Mijts Wintsën, mijtsës xykyuwaanp xynyixajp, mijts ntsoktakn'ajtyp, mëti'ipës xyaj'ëwaatsëpëtsëëmpën,

Éxodo 15:2

Ëjts nwin'ëëpy nwinyäxypyës yë Wintsën, jä'ä ko yë'ëjës xymyëkmoopy xymyëjaawmoopy ets yë'ëjës xyajnitsokp. Yë'ëjës nTios'ajtyp paatyës nwin'ëy nwinya'axy. Yë'ë näjyëtu'un yë nteetyës ojts tTios'aty, paatyës nmëjjaw nkënu'kxyjawë.

Salmos 101:6

Yë'ëjës n'oyjawëjäämpy yë ja'ay mëti'ipë oy ja'ay'ajtpën, ets jam jyuuky'atëty ma ëjtsën; yë'ë nëjkx jap tyuny maas ëjts nyajkutukyën mëti'ipë oy yajxon ja jyuukyajtën yajtu'uye'epyën.

Salmos 18:32

Yë Dios yë'ëjës xymyëjaawmoopy, ets yë'ëjës xypyutëjkëp ets oy nja'ay'atëtyës,

Job 22:3

¿Maa Dios tuk'oy'äty, mëti'ipë winë maaytyääyëpën, ko mijts mëtëy winë xytyuny ets wa'ats myajpaaty?

Deuteronomio 18:13

Miitsëty mëtëy mëpaat mjuuky'atë Dios wintum.

Salmos 101:2

Ëjts tëy tëtä'äkyës njuuky'ata'any. ¿Jëna'ajës xynyimina'any? Oy winë ntuna'any nkajpxa'anyës maas nyajkutukyën.

Salmos 32:8

Yë Wintsën jëtu'un y'ënä'äny: Ëjts jamës yë nwiin ntimyajtëëynyë ma mijtsën. Ëjts mijts ntukni''ixëjäämpy winë, ets n'ëëwwijäämpy nkajpxwijjäämpy, ntukni''ixëjäämpy yë në'ë tu'u mëti'ipë mëpaat xypyanëjkxyën.