2 Samuel 22:22 - Biblia Dc en Mixe de Quetzaltepec

²² jä'ä ko yi'iyës tu'ukyë të ntimkyuuy'ixy ja Wintsën ja nyë'ë'aaw tyu'u'aaw; paatyës tyam n'ëna'any ko nijëna'ajës yë Wintsën nka'ixtija'any.

Biblia Mixe de Quetzaltepec

²² jä'ä ko yi'iyës tu'ukyë të ntimkyuuy'ixy ja Wintsën ja nyë'ë'aaw tyu'u'aaw; paatyës tyam n'ëna'any ko nijëna'ajës yë Wintsën nka'ixtija'any.

2 Samuel 22:22 ပူးပေါင်းရင်းမြစ်များ

Génesis 18:19

Yë'ëjës të nwin'ixy ets yë'ë t'ënä'ämëty yë y'u'unk y'ëna'k, y'u'unk y'ok, ko tpatuntëty yë n'ijxpëjkënës ets tu'kë'ëyë mëti'ipë oyën ets tëyajtënën. Jëtu'un tjëkyäpëty näjyëtu'un ntunëtyës tu'kë'ëyë, winë mëti'ipës të n'ëwaanën ets tëëpës nikäjpxyën.

1 Reyes 9:4

Pën mijts xymyëtuunpës oy tä ja mteetyën David xymyëtuunyënës, winë aaw winëjot ets pën mpatuunpy ja tëyajtën tä myinyën këxja'ay ets pën mëtoow'ijtyp ja n'ayukës,

Salmos 119:1

Janty jotkujk yë ja'ay jyuuky'atë mëti'ipë mëtëy winë tyuuntëpën ets yi'iyë pyanëjkxtëp mëti'ipë yë Wintsën y'ijxpëjkën'ajtypyën.

Salmos 125:5

Mëti'ipë ja në'ë tu'u ëxëëkpë kyuuynyëjkxtëpën, wä'än ëxëëk tjatë tä ja ëxëëkja'ayëtyën. Wä'än tjam'aty ja jotkujk'ajtën ma Israel kajpnën.

Salmos 128:1

Janty jotkujk mijts myajpaaty mëët ko ja Wintsën xytsyoky xyjyawë ets ko xymyëmëtoy.

Salmos 18:1

Wintsën, mijts nmëk'ajtën'ajtyp; mijts ntsojkpy nja'ap.

Salmos 36:3

Ëxëëkjatyëty yë aaw ayuk tyajpëtsëmy ets antakp, të tyajtëkooynyë yë y'oyjyot y'oywyinma'any ets ka'ap tii oy t'ëktuunë.

Proverbios 8:32

E tyam, u'unkëty maayëty, mëtoow'ijtëkës. Jëtu'un winë xytyuntëty ijxtëm ëjts winë ntunyën, ënät jotkujk myajpaatëty.

Sofonías 1:6

Nyajkutëkoyäämpyës näjyëtu'un mëti'ipës xynyawa'ktutpën, mëti'ipës ka'ap xy'ixta'ayën ets mëti'ipës ka'ap tii xyajtëyën.

Juan 15:10

Pën mpatuuntëp ja n'ënä'ämënës, myajpaatantëp jam maas ja ntsojkën nja'awënën, jëtu'un ijxtëm ëjts npatunyën ja nTeetyës ja y'ënä'ämën etsës nyajpaaty ma ja tsyojkën jya'awënën.

2 Corintios 1:12

Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Dios yë mëyajtën të tuny etsës oy njuuky'atëty.

1 Samuel 12:3

E tsyaatsës miits xymyëët'atës: Miits mnija'awëtyëp pën tëëjës pën yë jyëyujk tsyajpkaa npëjkë, pën tëëjës pën nkamëj'ixy ëkë ëxëëk ntuny n'ënëëmë, ëkë pën tëëjës ja wit meeny ja'ay npëjkë, maas ëjts ntuk'oy'ätyën; pën tëëjës ëxëëk ja'ay ntuny oypyënëty, ëkë tëëjës ja'ay wit meeny muum xytyukwin'ëëny maajës ja ëxëëkpë ntunyën, jyëkyejpyës xytyukwinmëtowtëty Dios wintum ets yajkutujkpëwintuuy mëti'ipës yë'ë të twin'ixyën. Ëjts jëjp'ixyës nyajpaaty ets nkumëtowëtyës pën jamës muum të nkamëtä'äky.