2 Samuel 22:21 - Biblia Dc en Mixe de Quetzaltepec

²¹ Yë Wintsën yë'ëjës të xykyumay ets ya'atë kuma'ayën xypyatpës jëtu'un ënety mëët ko oyës winë të ntuny,

Biblia Mixe de Quetzaltepec

²¹ Yë Wintsën yë'ëjës të xykyumay ets ya'atë kuma'ayën xypyatpës jëtu'un ënäty mëët ko oyës winë të ntuny,

2 Samuel 22:21 ပူးပေါင်းရင်းမြစ်များ

2 Samuel 22:25

Yë Wintsën yë'ëjës të xykyumay, mëët yë'ëkyëjxm koos oy winë të ntuny të nkäjpxy ma yë'ëjën.

1 Reyes 3:6

Tä ja Salomón y'ëtsooy: Mijts oy ojts ja nteetyës xyjyawë, ja David mëti'ipë oy tsuj mëtuunën; yë'ë ojts mëtëy jyuuky'äty ets oy ja jyot wyinma'any tyaj'ijxë ma mijtsën. Paaty xy'oyjya'awëy ets të xy'a'ixë tu'uk yë y'u'unk myääy t'ëxajëty ja kutujktakn, ijxtëm tyam yaj'ixy yajnijawën.

1 Reyes 8:32

Mijts Wintsën mmëtowëp jap tsajpjoty ets mijts kë'ëm mtunëp winë. Mijts mnipaye'eyëp ja m'u'unk m'ëna'k. Mtëytyunëp mëti'ipë ënety pokymyëëtën jëtu'un tä pyäätyën ja y'ëxëëktu'un y'ëxëëkkajpxën ets ja wa'ats ja'ay mëti'ipë ka'ap pyokymyëëtëtyën xynyipaye'eyëty.

Job 17:9

Yë'ë wa'ats nyäyajnaxëtë ets jëtu'un y'ëna'antë ko yë'ëjëty ka'ap nitii tuuntëkoytyë.

Salmos 19:11

Ya'atë mëtuunpë oy ko jëtu'unpë aaw ayuk yajtukmëtoy, ets oy nyäjyawëty ko tpatuny.

Salmos 24:4

Yë'ë mëti'ipë wa'ats yë jyot wyinma'anyën ets wa'ats ja kyë'ë y'aaw, ka'apë tmëëtëtyën ja nëë poky. Mëti'ipë ka'ap t'ëwtatyën tsaa ets kepy, oynatii, ets ka'ap nëkoo Dios tukajpxpety ko tii tyajtëytyëkëja'any.

Salmos 7:8

Wintsën, mijts mnipaye'epy ja naax kajpn ja tyuuntëko'oyën: Wintsën, nipaye'eykyës maas winë oy ntunyën, jëtu'unës xynyipaye'eyëty tä mëpaat yajnijawën ko ka'apës tii poky nmëëtëty.

Proverbios 11:31

Pën wa'ats ja'ay y'ëxajëp yë myëju'uny yaa naaxwiiny naaxkëjxy, näjyëtu'un yë ëxëëkja'aytyëjk kopkpëky ko tkumëtowtë yë pyoky.

1 Corintios 15:58

Paaty, mëku'uktëjkëty mëti'ipës ni'ik ntsojktëpën, tu'ukyë ja mwinma'any xyaj'itëty; tuun'ëtë'ëtstë mëti'ipë ja Wintsën tsyojkpyën; jä'ä ko mnija'awëtëp miits ko ka'ap nyama'ata'any ja tuunk mëti'ipë mtuuntëpën mëët ja Wintsën.

Santiago 4:8

Mëwinkontë ja Dios ets näjyëtu'un mmëwinkonëtëty. Pokytyuunpë ja'ayëty, ëxmatstë ja mka'oy juukyajtënëty; ets miitsëty mëti'ipë mäjtsk aaw mäjtsk jot ja Dios mtsojktëpën, nänyajwa'atsëtë.

1 Samuel 26:23

Ets Wintsën yë'ë kë'ëm y'ixëp pën oy në'ëye'eyp tu'uye'epy ets pën mëtëy winë tyuunpy. Yë Wintsën tëë tyam tjapëjktä'äky ëjts nkë'ëjotmës ja mëj'ënä'ämpë etsës jeexyë të nyaj'ooky të nyajtëkoy, ëjts ka'apës ja ëxëëk winma'any jëtu'un të npaaty, etsës nyaj'ook nyajtëkoyëty ja mëj'ënä'ämpë mëti'ipë ja Wintsën kë'ëm të twin'ixyën.