2 Samuel 22:11 - Biblia Dc en Mixe de Quetzaltepec

¹¹ Ënet tukwä'tspejty tu'uk yë jëyujk käkn mëëtpë ets myëkääkë'kë, të yajnëjkxënë pojjoty.

Biblia Mixe de Quetzaltepec

¹¹ Ënät tukwä'tspejty tu'uk yë jëyujk käkn mëëtpë ets myëkääkë'kë, të yajnëjkxënë pojjoty.

2 Samuel 22:11 ပူးပေါင်းရင်းမြစ်များ

Salmos 104:3

Mijts të xypyëjktä'äky yë nyixeny yë mjëën mtëjk nëëwiinkëjxy, mëti'ipë jam tsajpjotm mtuktsëna'ayëpën. Ko muum mnëjkxy pojjoty yootsjoty mjëtity.

Salmos 18:10

Ënet të tukwä'tspety tu'uk yë Dios kyukäjpxy käkn mëëtpë, ets të myëkääkë'ëkyë pojotm.

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Dios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

Ezequiel 9:3

Ënet ja Israel Dios ja myëj'ajt y'oyajtën të pyëti'iky anëkëjxytsyow ma tyänëtën ja tsajpjotmëtë kukäjpxy ets të nyijkxy ma ja tsajptëjk'aawën. Ënet ja Dios të tmëkäjpxy ja ye'etyëjk ja'ay mëti'ipë linë wit xyox'ajtypyën ets wyëënkëjxy tmëëtëty ja mëti'ipë tyukjääpyën,

Salmos 139:9

Koos jeexyë ëjts n'ëkkääkë'ëky etsës jeexyë jam nnëjkxy matsow yë xëëw pyëtsimyën, etsës jam njuuky'atëty ma nëëpa'a nyäxyën maatsow ja xëëw kyëtä'äkyën ja tu'k naaxwiinypë yajpaatyën,

Salmos 99:1

Yë Wintsën yë'ë yajkutujkp. Yë y'ënyääytyakn ma yajkutukyën jam yajpaaty kyukäjpxy akujky. Yë naax kajpn jëtu'un jyänty tsyëtyuytyë, ets tëkokyë yë naaxwiinyëtë mapaat y'ëwtityën.

Salmos 80:1

Mëti'ipë wyoow'ijtyp wyijts'ijtypyën yë Israel, mëët ko oy yë José xytyu'uwinwoy xytyu'uwinwitsy jëtu'un tä ja'ay yë kyupixyny oy twojpjëtityën, ets ko yë mkutujkën xymyëëtëty itkujky ma Wintsën kyukexyën, mëtoow'it.

Salmos 68:17

Yë Dios may yë kepy wintëkäämpë tmëëtëty mëti'ipë myëtsiptuunpyën; ko jam Sinaí tsyo'ony kepy wintëkäämpë akujky ojts myiny ma tsyajptëjkën.

1 Samuel 4:4

Ënet ja Israel ja'ayëty tkäjxtë ja tsiptuunpë nikanaak jam Siló ets tyajmintëty ja kaaxë mëti'ipë ja käjpxytyu'unën myë'ijtypyën mëti'ipë ja Wintsën, mëti'ipë maaytyääyëpën jyä'ä'ajtypyën. Jam ënety yajpaaty itkujky ma ja Wintsën ja kyukäjpxy y'itën mëti'ipë xyëëwajtëpën querupines. Ojts myintë ja Ofní ets ja Finees, ja nimäjtskpë ja myaank ja Eli, jä'ä pyamiintë ja Dios ja kyaaxë mëti'ipë ja käjpxytyu'unën myë'ijtypyën.

Éxodo 25:19

Yë kaaxëë akë'ë ets ja tsajpjotmëtë kukäjpxyëty mëti'ipë ënety jam të kyëxkojyën tu'ukyë nyämyatsëtëty. Tu'uk y'itëty jamtsow ets tu'uk y'itëty yaatsow maa ja kaaxën.

Génesis 3:24

Ko ënety tëë ja Ye'eytyëjk jap tju'tnë kamjoty, ënät nyäpyëjktakëtë jam awinmtsow ja Wintsën ja kyukäjpxy ets tu'uk yë tëypyujxn jëënmëët wyojpminy wyojpxëpy xiitsow yaatsow, yë'ë kyëwent'ajtëp ja jë'kxykyam. Jä'ä këtiipë pën tmëwinkonëty ja ujtstëëm mëti'ipë myëët'ajtypyën ja juukyajtën.

2 Samuel 6:2

ënät tsyo'ontë jam Baalá ma ja Judá tnitänën mëët tëkokyë jënu'un ënety nyiwinë'atën; ja kaaxë myëtsoonantëp mëti'ipë ja Wintsën jyä'ä'ajtypyën, ma yaj'ëwtatyën ja xyëëw kënu'kxypyë; ja Wintsën mëti'ipë maaytyääyëpën winë; mëti'ipë ja kyutujktakn myëët'ajtypyën itkujky ma ja tsajpjotmëtë kukäjpxy yajpaatën mëti'ipë yajtijtëpën querupines.