2 Samuel 21:6 - Biblia Dc en Mixe de Quetzaltepec

⁶ yë'ëjës ntsojktëp etsës niwëxtujk yë jyä'äy xytyukkë'ëtëkëtëty, etsës jam ntëyë'ëktëty Wintsën wyintum jam Guibeá ma ja Saúl tnitänën, ja Saúl mëti'ipë yë Wintsën kë'ëm wyin'ijxën. Ja yajkutujkpë ojts tkupëky ja mëti'ipë yajtukmëmëtyakën,

Biblia Mixe de Quetzaltepec

⁶ yë'ëjës ntsojktëp etsës niwëxtujk yë jyä'äy xytyukkë'ëtëkëtëty, etsës jam ntëyë'ëktëty Wintsën wyintum jam Guibeá ma ja Saúl tnitänën, ja Saúl mëti'ipë yë Wintsën kë'ëm wyin'ijxën. Ja yajkutujkpë ojts tkupëky ja mëti'ipë yajtukmëmëtyakën,

2 Samuel 21:6 ပူးပေါင်းရင်းမြစ်များ

Génesis 40:19

kom tëkëëk xëëw yë mëj yajkutujkpë tnipaye'eyä'äny yë mpoky ets myajyo'ktëyä'äny ma tu'uk yë kepyën, yë joon jëyujk yë'ë mnini'kx nëjkx tsyu'utsyë.

Génesis 40:22

e mëti'ipë ja tsajpkääky nyiwintsën'ajtypyën, ojts ni'ënä'ämë tääts yajyo'ktëyëty, jëtu'un ijxtëm ënety yë José të tyajniwijyën.

2 Samuel 17:23

Ko ja Ahitófel t'ijxy ko ja wyinma'any ka'ap të tyuny, tää tniwë'ëny tnijujky ja jyëyujk ets ojts nyëjkxnë ma tyëjkën, jam ma ja nyaax kyajpnën ma ënety të myinyën naaxwiiny. Ko tyajwintu'upëjktaay ja jyotmay jampë ma jyëën tyëjkën, tä nyäyaj'o'kë. Jëtu'un y'oky ets jam nyaaxtëjkëy ma ja tyeety nyaaxtëjkëyën.

2 Samuel 18:10

E ojts tu'uk ja ja'ay t'ixy ko ja Absalón tam tyiiynyë kepy xye'entykyëjxm ets tuk'ëwa'anëy ja Joab, t'ënëmaay: Tëës yë Absalón n'ixy tam xim tyiiynyë ma kepyxye'entyën.

2 Samuel 19:28

ëjts mëëtës yë nteety n'ap ets n'u'unk n'ëna'k xynyitëjkëtyëpës ets n'ooktëtyës ma mijtsën mëj'ënä'ämpë, ëjts ni'ikyënëmës ojts xymyo'oy ja nka'ayënës n'ukënës ma mijts mkay m'uukyën. ¿Tyam tiijës njaaktimy'amëtowëp yë mëj'ënä'ämpë?

1 Crónicas 12:3

Ahiézer, xyëwatyp ja mëti'ipë nyikopk'ajtypyën ja myëku'uk ets Joás, yë'ë Semá y'u'unk y'ëna'k, jam kyukajpnëty Guibeá; Tääs yë Jeziel ets Pelet, yë'ë Azmávet myaank; tääts Peracá ets Jehú, jampë kyukajpn'atën Anatot;

Esdras 6:11

Tyam näjyëtu'un ënä'ämën mpëjktä'äkyës, ko pën ya'atë aaw ayuk tnakumëtoownaxëty ëkë tkapatunëty, nëjkxëp ja tyëjk yajpa'atjijtu'uty ets nyijijtpätëtëty; ja jyëën tyëjk xit ko'ow jyajta'ajëty.

Ester 9:10

Ya'atë nimajkpë yë'ë ënety ja Amán y'u'unk y'ëna'k mëti'ipë ëxëëk y'ijxën ja Jutiiyë ja'ayëty; je'eyëp ko tëkokyë mëti'ipë myëët'ajtën ka'ap ojts tontë.

Mateo 27:5

Ënet ja Judas ja meeny tnajtswëjëy jap tsajptëkoty ets ojts nyijkxy tääts nyäyo'ktëëyë.

Hechos 13:21

Tääts t'amëtoowtë tu'uk ja yajkutujkpë mëti'ipë ënä'ämëpën. Ënet ja Dios tu'uk myooyëtë ja yajkutujkpë mëti'ipë xyëëwajtypyën Saúl, yë'ë Quis ja myaank, Benjamín y'u'unk y'ok. Jä'ä ojts yajkutuky wëxtyikxy jëmëjt.

Deuteronomio 21:22

Pën tëë yajni'ënä'ämë ets tu'uk yë ye'etyëjk y'ookëty kutëy kepykyijxy, mëët ko ja mëjpoky të tuuntëkoy.

Josue 10:26

Yë Josué ojts tyaj'ooky ja nimëkoxkpë ja yajkutujkpëty ets tkutëëy ma tu'uk yë kepyën, tu'ukjaty jam ojts tyajxëëwnaxy.

Josue 8:29

Ja yajkutujkpë Aí kepykyëjxm yë Josué tkutëëy ets jëtu'un y'o'ky koonëm ja xëëw kyëtäky, tääts ni'ënä'ämëy ets tyajënaktëty ets jam tsaanipiwtëty ma ja kajpn yajnitëkën. Tsyampaat tääpë tsaanipiy yajpatpnëm jam.

1 Samuel 10:1

Ënet yë Samuel ojts tpëjkë'ëky tu'k'apëjkën yë on ets tukuja'axy yë Saúl, tä t'ënëmaay: Yë Wintsën yë'ë tyam mtuknipëjkëp ets mijts xy'ënä'ämëty yë Israel kajpn ma mijts mkukajpnëtyën. Mijts jëtu'un mtsiptunëp ets xyajtso'okëty ma myëtsiptëjkën. E ya'atë mtuk'ixëp ets xymyëpëkëty ko mijts jëtu'un tyam myajtukmëkënu'kxëp ets xy'ënä'ämëty yë nyaax kyajpn.

1 Samuel 10:24

Tä ja Samuel tyajtëëy ja mayjyä'äy: ¿Tëë xy'ixtë pën jëtu'un yë Dios të twin'ixyën ets yajkutujkpë'atëty? Ka'ap maa wiinkpë, pën mëpaat yaj'ijxkijpxy mëët yë'ë. Tääts tëkokyë ja mayjyä'äy yujk'ënantë: Yajkutujkpë, yajkutujkpë.

1 Samuel 10:26

Ja Saúl ojts näjyëtu'un nyëjkxnë jam ma tyëjkën jam Guibeá, e yë Dios ojts tuktëkë nimäjtsk nitëkëëk yë ja'ayëty mëti'ipë jyämyëët'ajtën.

1 Samuel 11:4

Tä ja kukäjpxy jam jyajtë Guibeá ma ja Saúl ënety tsyëënën ets tuknija'awëtyë ja naax kajpn mëti'ipë ënety amay'ajtp jotmay'ajtpën. Tä ja ja'ayëty tyëjkëtyääpyë jëëpyë yaxpë.

1 Samuel 24:21

E tyam nikäjpxy ënät mëët yë Dios xyëëwkëjxn ko ka'ap nëjkx ëxëëk xytyuny xy'ënëëmë ëjts yë n'u'unk n'okës ets ka'apës yë nxëëw nëjkx xyaj'atëkooyë maas yë njëëky nmëku'ukën, maas yë njëën ntëjkën.

1 Samuel 24:22

David ojts tnikäjpxy mëët yë Dios xyëëwkëjxm ets ja Saúl ojts jatëkok wyimpijnë jam ma kyutujktaknën, e ja David mëët ja jyä'äy jam ojts jatëkok nyëjkxtë ma ja të'ëts'itjotmën napotsypë.