2 Samuel 21:22 - Biblia Dc en Mixe de Quetzaltepec

²² Ya'atë nimajktaxkpë ja'aypyajkyenyëty yë'ë yë Refa y'u'unk y'ok, jampë kyukajpn'atë Gad, je'eyë ko ka'ap ojts myëta'aktë mëët yë David ets tsyiptuunpë wintsënëty.

Biblia Mixe de Quetzaltepec

²² Ya'atë nimajktaxkpë ja'aypyajkyenyëty yë'ë yë Refa y'u'unk y'ok, jampë kyukajpn'atë Gad, je'eyë ko ka'ap ojts myëta'aktë mëët yë David ets tsyiptuunpë wintsënëty.

2 Samuel 21:22 ပူးပေါင်းရင်းမြစ်များ

1 Crónicas 20:8

Ya'atë pajkyenyjyä'äyëty, yë'ë ja Refa y'u'unk y'ok, jampë Gad kyukajpnëtyën, je'eyëp ko ojts ja David yaj'o'kënëtë ets ja David ja jyä'äy.

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

Jeremias 9:23

Jëtu'un yë Wintsën y'ënä'äny: Ka'ap tjëkyepy yë wijyjyä'äy nyätyukmëjjawëtëty ko wyijyëty, näjyëtu'un yë yajkutujkpë ko tmëët'aty ja mëk'ajtën ets kumeenyjyä'äy ko kyuwit kyumeenyëty.

Romanos 8:37

Ko tii xyjyajtëm xykyëpäjtëm, nmëmëtakëm, jä'äkyëjxm ko ja Kristë xypyutëjkëmë, mëti'ipë ni'ik xytsojkëmën.

Eclesiastés 9:11

Ma ya'atë naaxwiinyëtën nän tëëjës n'ixy ko ka'ap yë'ëjëty yajtijy pe'tym yë ja'ay mëti'ipë pe'tym pëyë'kpën ets ka'ap yë'ëjëty yajtijy jotmëk mëti'ipë mëtakpën tsipjoty; ets ka'ap yë'ëjëty xëmë tmëët'atë yë ka'ayën ukën mëti'ipë wijyëtyën ets ka'ap yë'ëjëty kyumeeny'atë ja'ayëty mëti'ipë ixpëkyëtyën ets ka'apë xyëmëty yaj'ëxaj yajkupëktë yë ja'ayëty mëti'ipë tëë këpetyëtyën; yë'ëjëty ënät yë winë tpaatë oy ko jëtu'un txëëwatë.

Salmos 118:15

Ma wa'ats ja'aytyëjk ja jyëën tyëjkëtyën ëëwtëp xoontaktëp jap, jä'ä ko të myëta'aktë:: Yë Wintsën yë myëk'ajtën yë'ë të myëtä'äky.

Salmos 108:13

Yë'ë tëy mëët yë Dios yë pyutëjk pyupäjtën, jëtu'unmëp winë mëj këjää; yë'ë nëjkx kë'ëm tyajkutëkooytyä'äy tëkokyë mëti'ipë xymyëtsip'ajtëmën.

Salmos 60:12

Mëët ja Dios ja nyäpyutëjkën jyëkyejpy wi'ix tii mëj këjää ntu'unmëty; jä'ä ko yë'ë jëtu'unyë tnaxkutäänëja'any ja nmëtsip'ajtëmë.

Josue 14:12

Paaty yam mijts n'ënëëmë, etsës xymyo'ojëty ja kopkjot mëti'ipës ja Wintsën ojts xytyukwinwanën. Mijts mnija'ap wa'ats ko yë'ë jam tsënaaytyëp yë Anac pajkyeny yë y'u'unk y'ok ets nyaax kyajpnëty ta'tspëky nyapotsy'atë. Yë Wintsën yë'ëtsës xypyutëkëp etsës jam ntëkëty, etsës n'ëxwojpta'ajëty yë ja'ay jampë tsyëënëtën, jëtu'un tä yë'ë të y'ëne'emyën.

2 Samuel 21:16

jam tu'uk yë ja'ay mëti'ipë xyëëwajtypyën Isbi-benob, ja'aypyajkyeny ënety, yë'ë ojts yë David tjayaj'ooka'any ko t'ijxy tëë y'ënu'kxënyë; jä'ä kyu'umën jye'emtyëty i'px majk tsimën ets tam tu'uk yë yenypyujxn t'ëxwëën'aty jemypyë.

2 Samuel 21:21

e yë'ë ojts ja Israel ja'ay tmëmayë ko mëët tsyiptuna'any; yë Jonatán, Israel ja'ay, yë'ë yaj'o'kë, yë myaank yë Simea, yë David yë myëkä'äx.