2 Samuel 21:15 - Biblia Dc en Mixe de Quetzaltepec

¹⁵ Ënet ja filistejë ja'ayëty jatëkok ja tsip tyajtso'ontaktë mëët ja Israel ja'ayëty. Tä ja David mëët tëkokyë ja tsyiptuunpëtëjkëty tnitso'ontë ets mëët tsyiptuna'antë. Jä'ä xëëw yë David yajxon ojts y'ënu'kxënyë,

Biblia Mixe de Quetzaltepec

¹⁵ Ënät ja filistejë ja'ayëty jatëkok ja tsip tyajtso'ontaktë mëët ja Israel ja'ayëty. Tä ja David mëët tëkokyë ja tsyiptuunpëtëjkëty tnitso'ontë ets mëët tsyiptuna'antë. Jä'ä xëëw yë David yajxon ojts y'ënu'kxënyë,

2 Samuel 21:15 ပူးပေါင်းရင်းမြစ်များ

Eclesiastés 12:3

Minaanp ja xëëw jëmëjt ma je'eyë tsyëtyuya'antën ja mëti'ipë y'ijx'ijtëpën ja këmoontëjk ets ma ka'ap ja jotmëkja'aytyëjk y'ëkjotmëk'atanëtë; ma wäänë jyaak wë'ëma'antën yë jëtsy nyimääpëtëjkëty; ets ma ka'ap y'ëk'ijxkä'äkanëtë mëti'ipë ijxnajxtëpën ventanëjoty.

Salmos 71:9

këtiis xy'ëxëëkjawëty koos ënety tëë nmëjja'ayënë; këtiis xy'ëxmats xymyajtstu'utëty koos ënety ka'ap yë jot mëjaaw n'ëkmëët'ajnë.

1 Crónicas 20:4

Ënet tmëët'ajtë tsip mëët ja filistejë ja'ayëty jam Guézer. Jä'ä xëëw yë Sibecai, jampë kyukajpnëtyën Husá ojts tyaj'ooky ja Sipai, pajkyenyjyä'äy ijty ets o'ktëy tuuny.

2 Samuel 5:25

David ojts jëtu'un tuny tä ënety ja Wintsën të tyuk'ëne'emyën ets ka'ap ja filistejë ja'ayëty tyajmëtäky, tpatso'ony jam Gabaón ets tyimja'ajty jam Guézer.

2 Samuel 5:22

Yë filistejë ja'ayëty kä'äpyëm tyimjotkujk'atë, ënät jatëkok ojts jam nyäpyëjktakojënëtëpë Refaim,

2 Samuel 5:17

Ko yë filistejë ja'ayëty tnija'awëtyë ko tëë yë David yajkënu'kxnë ets yë'ë Israel kajpn t'ënä'ämëty ënät ojts ënätyë tnitsoontë ets tyaj'ooka'antë, e ja David ojts ënätyë tnijawë paaty ojts jam poj'am nyijkxy ma ja itjot mëti'ipë këwent'aty ijtpën ma ja mëtsip ka'ap myäyëtëty tyëkëtyën.

Salmos 73:26

Tëkokyës yë njot nwinma'any jëtu'unyë tyëkooytyä'äy, e ëjts Tiosës nkuma'ayën'ajtyp xëmëkyëjxm ets mëti'ipë myajts'ijtypyën yë njot nwinma'anyës.

Salmos 71:18

Dios, mëti'ipës nTios'ajtypyën, këtiis xy'ëxmats xymyajtstu'utëty oyës ënety të nmëjja'ayënë etsës të nkupo'ojënyë, jä'ä ko ëjts njaaknimëtya'akäämpyës yë mmëjajtën ma ja'ayëtyën tyampë jyuuky'atën ets mëti'ipë juuky'atantëpnëm.

2 Samuel 21:16

jam tu'uk yë ja'ay mëti'ipë xyëëwajtypyën Isbi-benob, ja'aypyajkyeny ënety, yë'ë ojts yë David tjayaj'ooka'any ko t'ijxy tëë y'ënu'kxënyë; jä'ä kyu'umën jye'emtyëty i'px majk tsimën ets tam tu'uk yë yenypyujxn t'ëxwëën'aty jemypyë.

2 Samuel 8:1

Ko jëtu'un nyäjxy, ënät ojts ja David tsyiptun mëët ja filistejë ja'ayëty, ka'ap tyajmëtäky; ni'ikyënëm ojts tpëjkë ja kyutujkën ets ja filistejë ja'ayëty tmëtuuntë ja Israel ja'ayëty.