2 Samuel 20:19 - Biblia Dc en Mixe de Quetzaltepec

¹⁹ Ëëts yë nkajpnëty, oy jotkujk yë mëët nyäyaj'ityë oymyëti'ipë kajpnëty, ka'ap ni pën mëët tsyiptuny ma Israel kajpn yajpaatyën ets ya'atë kajpn mëj'äämpy näjyëtu'un y'ity. Je'eyëp ko tyam jëtu'un yowë yaj'ixy ko mijts xyajkutëkoyä'äny. ¿Wi'ix ko jëtu'unpë winma'any xypyääty ets xyajkutëkoyaanpë mëti'ipë kë'ëm yë Wintsën të tyajnaaxkëtä'äkyën?

Biblia Mixe de Quetzaltepec

¹⁹ Ëëts yë nkajpnëty, oy jotkujk yë mëët nyäyaj'ityë oymyëti'ipë kajpnëty, ka'ap ni pën mëët tsyiptuny ma Israel kajpn yajpaatyën ets ya'atë kajpn mëj'äämpy näjyëtu'un y'ity. Je'eyëp ko tyam jëtu'un yowë yaj'ixy ko mijts xyajkutëkoyä'äny. ¿Wi'ix ko jëtu'unpë winma'any xypyääty ets xyajkutëkoyaanpë mëti'ipë kë'ëm yë Wintsën të tyajnaaxkëtä'äkyën?

2 Samuel 20:19 ပူးပေါင်းရင်းမြစ်များ

Génesis 18:23

Ënet ojts ni'ikyë tmëwinkony ets tyajtëëy: ¿Wi'ix myajkutëkoyäämpy jëtu'un yë wa'ats ja'aytyëjk mëët tu'knax yë ëxëëk ja'ayëtyë?

2 Samuel 14:16

Pën xypyutëjkëpës yë ënä'ämpë yajkutujkpë, ëjts etsës yë n'u'unk ka'apës wi'ix njat nkëpätëty ets ni pënës wi'ix xykyatuntëty yaa naaxwiiny naaxkëjxy.

2 Samuel 17:16

Ets yajtuk'ëwaanëty ja David ënätyë këtiipë jam tsyuunaxëty të'ëts'itjotm ma jyoyëtyën nikë wä'än tninaxy ja Jordán nëë jamtsow awinm këtiipë ja ja'ay yaj'ookëtëty mëët ja tsyiptuunpëtëjk.

2 Samuel 20:18

Tä myëtyaktso'ony ja to'oxytyëjk: Tëëyëp jëtu'un ijty tyuny'äty, ko pën tii tnijawëja'any yi'iyë yajtëëwtëp yë Abel, tääts ijty winë yajnijawë.

2 Samuel 20:20

Tä ja Joab y'ëtsooy: Ka'ap jyëtu'unëty, ëjts ka'apës yam n'ëna'any nyajkutëkoyä'äny, ëkë ënät xit ko'ow ntuna'anyës.

2 Samuel 21:3

Ënet ja David yajtëëwëtë: ¿Tii m'amëtoowtëp etsës ntunëty? ¿Tii winma'any mëpaat mpaatës ets y'oyëtëty ja mjot mwinma'anyëty ma të myajmëtëkoytyën? ¿Tääts yë nnaax nkajpnës xykyënu'kxtëty?

1 Reyes 8:53

Jä'ä ko mijts ojts xywyin'ixy ets ëpëky xyajnajxy ma ja naax kajpnëtyën, mijts ojts xyjyä'äniwa'any, jëtu'un ijxtëm ojts m'ëna'anyën ma ja Moisés xytyukkajpxnajxyën ja m'aaw m'ayuk, mëti'ipë mëtuunën ko xyajpëtsëëmy ja n'aptëjkëtyës jap Egiptë.

Salmos 106:5

etsës n'ixëty wi'ix ënety jyuuky'atën ja mja'ay mëti'ipë të xywyin'ixyën, etsës jotkujk nnäjyawëtëty ets ntukxoonta'akëtyës ja naax kajpn mëti'ipë mijts mjä'ä'ajtypyën.

Salmos 124:3

jëna'ajëp jeexyë jëtu'unyë ajuuky xjyjë'ënënë ko ojts xytyukjoot'anpëjkëmë.

Salmos 33:12

Jotkujk yë naax kajpn yajpaaty mëti'ipë yë Dios Wyintsën'ajtypyën, ja naax kajpn mëti'ipë Dios të twin'ixyën ets yë'ë nyätyukjä'ätijyë.

Salmos 78:71

Ojts jam tjëwoy ma kyupixyny kyëwent'atyën, ets ojts jä'ä tuknipëky ja nyaax kyajpn tkëwent'atëty, jëtu'unts yë'ë tniwintsën'atëty ets twoow'it twijts'itëty ja Israel kajpn.

Jeremias 51:34

Jëtu'un yë Jerusalén ja'ay y'ëna'antë, mëti'ipë Sión kajpn'ajtpën: Nabucodonosor, Babilonyë yajkutujkpë, piw nuukës të xytyuunta'ay etsës të xytsyu'utsy të xywyitsy; jëtu'unës të xy'ëxmatsy tä texyën mëti'ipë tukwa'atsën. Jëtu'unës të xyjyiiny tä mëj jëyujkën nëëjotypë tsyëënën; të nyäyaj'utsy nyäyajku'uxyë mëët yë njot nini'kxës; e mëti'ipë të tka'ëktsojknën, jëtu'unyë të tniye'eytyu'uty. Wä'än yë Babilonyë tkukëpety ijxtëmës të xytyunyën.

Jeremias 51:44

Ntëytyunäämpyës yë tios Bel mëti'ipë jamën Babilonyë, ntuk'ix'ëëtsäämpyës jatëkok mëti'ipë të tjë'kxyën, ka'ap nëjkx yë naax kajpn y'ëknimiinënë. Tëë jyijta'ay kyëtaawta'ay ja potsy mëti'ipë ja Babilonyë kajpn të tnapots'atyën.

Lamentaciones 2:16

Aak mwiinktijënëp yë mëtsiptëjkëty. Je'eyë xyu'uxtë ets wyiin jyëjp tuntë ko m'ëtsu'uxyä'äxyë ets y'ëna'antë: Xit ko'ow të ntu'unëmë. Tyam jëtu'un të tpaaty ja xëëw po'o mëti'ipë ënety yajjëjp'ijxpën; tyam ënät njanty y'ijxëmë.

Lamentaciones 2:2

Nitu'uk yë Wintsën yë Jacob jyëën tyëjk të tkayajwë'ëmë; poj'am të tyajkutëkooytyä'äy, yë Jacob yë nyaax kyajpn mëti'ipë ënety ta'tspëky ets këwent'aty ijtpën; tëë tjaamteeny tnaaxteety yë yajkutujkpëtëjk ets y'ënä'ämpëtëjkëty.

Lamentaciones 2:5

Jëtu'un yë Wintsën të y'ëti'itsy mëtsipën; tëë tyajkutëkoy yë Israel, tëë tyajjijtë'kta'ay yë kyutujkëntëjk, tëë tyajkutëkooytyä'äy yë kyajpn mëti'ipë ta'tspëky ets këwent'aty, ijtpën ets të tukpata'ay ja Judá ja ëyo'on jotmay.

1 Corintios 15:54

Ko nëjkx ja nni'kx'ajt nkopk'ajtëm y'awinpity ijxtëm ja mëti'ipë ka'ap wyintëkoyën ets ko y'awinpitëty tä mëti'ipë ka'ap y'ookyën, jä'ä ënety yajkuuytyuunp ja Dios ja y'aaw y'ayuk mëti'ipë ënaanpën: Tëë ja o'kën yajmëmëtä'äky.

2 Corintios 5:4

Ko yaa naaxwiiny njaakjuuky'ajtëmë mon tuk nmëkxäj n'o'kxäjëmë, jä'ä ko ka'ap njatsojkëmë ets yaa ntso'onmëty, yë'ë jayajtsojkp ets jeexyë ni'ikyë n'ajemyëmë.

Deuteronomio 20:10

Ko tu'uk yë kajpn xynyitëkëja'antëty, jëyëjp mëpaat xymyëmëtya'aktë yë ja'ayëty mëti'ipë jam tsënaaytyëpën ets xy'ënëëmëtëty, ko ka'ap mtsiptuna'antë.

Deuteronomio 32:9

Jä'ä ko mëti'ipë yë Wintsën kyuma'ayën'ajtypyën yë'ë yë Jacob yë y'u'unk y'ëna'k ets yë'ë jyä'ä'ajtyp.

1 Timoteo 2:2

Yajninu'kxta'aktëty ja yajkutujkpëtëjk ets kutuunktëjk; jëtu'un jotkujk n'ijtmëty njuuky'ajtmëty, mëët ja pa'ëyo'owën ets oy tsuj njuuky'ajtmëty.

Jueces 5:7

ma ënety may ja ja'ay të tsyo'ontaaynyëtën ma mutskëtypë ja naax kajpnën, mëti'ipë ja Israel kajpn nyitënääpyën. Ënätës ojts ja njot nwinma'any npaaty etsës ja nax kajpn njotmëkwinkajpxëy. Ëjts mëti'ipës nxëëwajtypyës Débora, tu'uk ja taak tsi'tsk mëti'ipë yajpatpën ma Israel kajpnën.

1 Samuel 10:1

Ënet yë Samuel ojts tpëjkë'ëky tu'k'apëjkën yë on ets tukuja'axy yë Saúl, tä t'ënëmaay: Yë Wintsën yë'ë tyam mtuknipëjkëp ets mijts xy'ënä'ämëty yë Israel kajpn ma mijts mkukajpnëtyën. Mijts jëtu'un mtsiptunëp ets xyajtso'okëty ma myëtsiptëjkën. E ya'atë mtuk'ixëp ets xymyëpëkëty ko mijts jëtu'un tyam myajtukmëkënu'kxëp ets xy'ënä'ämëty yë nyaax kyajpn.

1 Samuel 26:19

Mëyajtënës yam npëjktsoopy yë mëj'ënä'ämpë ets tmëtowëty mëti'ipës yam nkajpxäämpyën. Pën yë'ë jëtu'un yë Wintsën të tyajkutuky etsës yë mëj'ënä'ämpë xy'ixjëtit xypyajëtitëty, yë'ë y'ëxajëp ko ënety ja wyintsë'kën myo'oyë. E pën kë'ëmts jëtu'un twinma'any'äty, yë Wintsën pokëtëp yë'ë. Jä'ä ko tëëjës nyaj'ëxwojp nyaj'ixkäjxnë ma ya'atë it naaxwiinyëtën mëti'ipë yë Wintsën jyä'ä'ajtypyën etsës jam të xynyaswopëtë ma ka'ap tsyipëtyën etsës ja wiink tios n'ëwtajnëty.