2 Samuel 20:1 - Biblia Dc en Mixe de Quetzaltepec

¹ Ojts jam tu'uk yë ja'ay jyuuky'äty mëti'ipë ëxëëk ja jyot wyinma'anyën, ma Benjamín yë jyä'äyën; jä'ä xyëëwajtyp Sebá, yë'ë y'u'unk yë Bicri jam ënety näjyëtu'un yajpatpë Guilgal. Ënet ojts tëkok ja mayjyä'äy t'ëxëëk winkajpxë ets t'ënëmaay: Ëëtsajtëm, ka'ap nimaa ntuk'oy'ajtëm ko yë David yë'ë yaa y'ëne'emy ëkë yajkutuky, mëti'ipë yë Jesé myaank'ajtypyën, paaty yam miitsëty n'ënëëmëtë: Nikë nëjkxta'atë ma mjëën mtëjkëtyën.

Biblia Mixe de Quetzaltepec

¹ Ojts jam tu'uk yë ja'ay jyuuky'äty mëti'ipë ëxëëk ja jyot wyinma'anyën, ma Benjamín yë jyä'äyën; jä'ä xyëëwajtyp Sebá, yë'ë y'u'unk yë Bicri jam ënäty näjyëtu'un yajpatpë Guilgal. Ënät ojts tëkok ja mayjyä'äy t'ëxëëk winkajpxë ets t'ënëmaay: Ëëtsajtëm, ka'ap nimaa ntuk'oy'ajtëm ko yë David yë'ë yaa y'ëne'emy ëkë yajkutuky, mëti'ipë yë Jesé myaank'ajtypyën, paaty yam miitsëty n'ënëëmëtë: Nikë nëjkxta'atë ma mjëën mtëjkëtyën.

2 Samuel 20:1 ပူးပေါင်းရင်းမြစ်များ

Génesis 46:21

Yë Benjamín yë y'u'unk y'ëna'k jä'ä xyëëwajtë: Belá, Béquer, Asbel, Guerá, Naamán, Ehi, Ros, Mupim, Hupim ets Ard.

2 Samuel 15:10

E jä'ä xëëw ojts näyjyëtu'un tkäjxwa'kxta'ay yë ayuk oymyaakajpnëty ma ja Israel ja'ay tsyëënëtën, ma y'ënä'änyën, ko ja ja'ay tmëtowtëty ja xuxn yajtukxu'uxëty, jä'ä ënety yajnikajpxp ja Absalón ets yë'ë y'ënä'ämëty.

2 Samuel 16:11

Ets tni''ijxwinpijty yë Abisai ets ja tsyiptuunpë wintsën, t'ënëmaay: Pën yë'ëpaatës yë nkë'ëm u'unk xyaj'ooka'any, wi'ixpëm jëtää yë ja'ay ka'apës mpën'atyën tä yë Benjamín y'u'unk y'okën. Wä'än t'ixy pën xypyojkpës, yë Wintsën ënät të tyuk'ëne'emyë.

2 Samuel 16:7

ja Simí ëxëëkjaty tjanty ënëëmë ets tpojky; tyaa y'ënä'äny: Nëjkx mijts ka'oypyë, ëxëëk ja'ay, yaja'ay'o'kpë.

2 Samuel 18:17

Tä ja Absalón ja nyini'kx ojts jap jutjoty t'ajëpipëtë mëti'ipë ënety jam yuukjotmën, jamts tu'uk ja mëjtsaawääpy tyajpëtë'ktë, ja Israel ja'ayëty ojts ja kyäkta'atë, jam nyëjkxtaaytyë ma tyëjkëtyën.

2 Samuel 20:2

Ënet tëkokyë ja Israel ja'ayëty t'ëxmajtstaaytyë ja David ets ojts yë'ë tpanëjkxtë ja Sebá, yë myaank yë Bicri. E yë ja'ayëty mëti'ipë Judá jyä'äy'äjtypyën ka'ap ojts t'ëxmatstë ja yajkutujkpë, timpyatso'ontë jam ma ja Jordán mëjnëëjën ets tyimja'ajtë jam Jerusalén.

2 Samuel 20:22

Ënet ojts ja to'oxytyëjk tukmëmëtyä'äky ja jyä'äy ya'atë ja aaw ayuk ets tukupëjky ja kyajpn, tääts tjanty yo'ktsujktutë ja Sebá ets tkuka'tsnajxtë ja kyëpajk jam potsykyëjxm, tä ja Joab jap ëpa'tkë'p t'ëxajëy. Ja Joab ënätyë ni'ënä'ämëy tukxu'uxtëty ja tsajpkaawaj, mëti'ipë myëtoowtën ja ja'ay ets nyëjkxta'atëty ma ja jyëën tyëjkëtyën ets ma ja nyaax kyajpnëtyën, e ja Joab jam ojts nyijkxy Jerusalén ets myëtya'aka'any mëët ja yajkutujkpë.

2 Samuel 23:6

E yë'ë tëy yë ëxëëkja'aytyëjk, jëtu'un nëjkx jyatë tä ja'ay äpny t'ixpëkyën, ka'ap myëëtëty yë kë'ë yajmatsy.

1 Reyes 12:16

Ko ja Israel ja'ayëty t'ijxtë ko ja yajkutujkpë ka'ap të myëjpëjkta'akëtë, ënät t'ëtsoowtë: Ëëtsëty nitii jotmayës nkamëët'atë mëët yë David. Ka'ap yam n'ëna'anmëty ënät ja kyuma'ayën t'ëk yajwa'kxa'any mëët ëëtsajtëm tääpë Jesé myaank. Nëjkxta'atë ma mtëjkëtyën miitsëty Israel ja'ayëty. David wä'än yi'iyë tkëwent'aty, mëti'ipë jyiiky'äjtyp myëku'uk'ajtypyën. Tä ënätyë nyëjkxtaaytyë ja Israel ja'ayëty ma tyëjkëtyën.

1 Reyes 21:10

Tääts näjyëtu'un xymyëjwowtëty mäjtsk yë ja'ay mëti'ipë win'ëënëpën ets tpokynyitijtëty yë Nabot, jëtu'un y'ëna'anëty ko wiinkjaty yë Wintsën të tijy ets nän wiinkjaty yë yajkutujkpë të tnikäjpxy. Tääts ënät ok xyajpëtsëmtëty ets xykyuka'atstëty.

2 Crónicas 10:16

Ko ja naax kajpn t'ijxy ko ka'ap ja yajkutujkpë të myëjpëjktä'äkyë, tä y'ëtsoowinpijtë: Ëëtsëty ka'ap kyopkpëkyëty nmëjwa'kpätëtyës yë David. Nitii näykyumayë ëëts nkajëjp'ixtë mëët yë Jesé myaank. Paaty tsojk ntimjya'amta'ayëmë ma ntëjk'ajtëmën Israel ja'ayëty. E yë David wä'än yi'iyë y'u'unk tyo'oxytyëjk t'ixy tuny. Ja Israel ja'ayëty ënety tsyo'ontaaytyë ets nyëjkxtaaytyë ma ja tyëjkëtyën.

2 Crónicas 10:6

ënät ja yajkutujkpë Roboam tyajtëëy ja mëjja'aytyëjk mëti'ipë ënety mëët të tyuntën ja tyeety Salomón, ko ënety jyuuky'ätynyëm. Jëtu'un tyajtëëy: Miitsëty ¿wi'ix m'ëna'antë, wi'ixës tyaapë ja'ay mëpaat n'ëtsoy?

Salmos 17:13

Pëtë'ëk, Wintsën, mijts mëët näwyinkuwa'akët. Yajtëj yaj'ojtsë yë kyë'ëkox tyekykyox. Tukuwaankës yë mtëypyujxn ma ëxëëk ja'ayën.

Salmos 34:19

Yë ja'ay mëti'ipë oy juukyajtpën kanaakpëky yë ëxëëkpë tmënaxy tyajnaxy, e yë Wintsën yë'ë putëjkëyëp ma tëkokyë ëxëëkpën.

Proverbios 25:8

këtii ënätyë xynyikajpxëty ma ja yajkutujkpëtëjkën, jä'ä ko tsojk wiinkpë ja'ay myinëty mëti'ipë tii të t'ixyën ets myaj'ënëëka'ajëtëty ets ka'ap xy'ëknija'awënëty wi'ix m'ëna'anëtyën.

Proverbios 26:21

Ko jëënpajk xytsyokëty, jëënkupëk yë ju'uny, e ko yë jëënyä'änk xytsyokëty, jëënkukap yë ja'axy; e näjyëtu'un ko xytsyokëty yë tsip käjpxy, ëxëëk mja'ay'atëty.

Marcos 3:24

Ko tu'uk ja naax kajpn nyäpyëjkwa'kxëtëty, ka'ap oy ja mëk'ajtën tmëët'atëty,

Lucas 19:14

E jam ma kyajpnën may ja ja'ay jam myëtsip'atyë, paaty tkäjxtë ja kukäjpxy ets nëëmëtëty: ka'apës ntsoktë ets ya'atë ja'ay yë'ë xy'ënä'ämtëtyës.

Lucas 19:27

E ja nmëtsipës mëti'ipë ka'ap të tsoktën etsës ëjts nyajkutukëty, yaa yajmintë ets xyaj'ooktëty ëjts nwintuuyës.

Juan 13:8

Ënet ja Pedro y'ënäny: Kajëna'ajës nkakupëkëty ets mijts yë ntekyës xypyujëty. Ënet ja Jesús y'ëtsooy: Pën ka'ap yë mteky npujëm, ka'ap myajpaata'any ma ëjtsën.

Deuteronomio 13:13

ka'apë yë Wintsën tmëmëtowtën. Je'eyë nëkoo oypyënëty twin'ëën twinxajtë ets tukjëjpye'eytyu'uta'antë yë mWintsën Tiosëty yë nyëë'aaw tyu'u'aaw, ma tuk'ëwtata'antën ka'apë wyintsënëtyën.

Jueces 19:22

Jää ma ënety jap jotkujk yajpaatën, jää ojts myintë yë ja'ayëty jampë kyukajpn'atën ets tyajnatujktë ja tëjk, tää t'ënëmaaytyë ja mëjja'ay mëti'ipë kutëjk'ajtpën: Juut tääpë ye'etyëjkëty mëti'ipë të xyaja'ajtä'äkyën. Wä'änës mëët t'ëko'knëtë.

Jueces 3:27

Ko jam jyä'äjty ma ja Israel ja'ayëty ja y'itjotëtyën, ënät ojts tyaxmujkta'ay nitëkokyë ja Efraín ja jyä'äyëty mëti'ipë ënety jam yajpatëpën kopkjotm ets tyo'ontë, yë'ë ja Ehud jëwyiin'ajtp.

Rut 2:3

Tä ja Rut ojts nyijkxy kamjotm ma ja ja'ay jam tyajmuktën ja tsajpmok; tam ënety ja tuunpëtëjk tyuntë, jä'ä pyaye'eyë'k, ix'am ye'ey ets tpëjkmuky ja tsajpmok mëti'ipë ja tuunpëtëjk kë'ëka'atutëpën. Ojts tuk'oyë, jä'ä ko ya'atë kam Booz ja jyä'ä, mëti'ipë Elimélec myëku'uk'ajtypyën.

1 Samuel 13:2

ko nitëkëëk mil twin'ijxy ja tsiptuunpëtëjk ma ja Israel ja'ayëtyën. Nimäjtsk mil ojts tmëwë'ëmy jam Micmás ets ma ja kopkjotmën mëti'ipë yajtijpën Betel. E ja nitu'kmil yë'ë ojts mëët wyë'ëmtë ja Jonatán jam Guibeá ma ja Benjamín ja jyä'äy tnitänën. E ja mëti'ipë ka'ap yajwin'ijxtën ojts ja yajkäjxta'atë ma jyëën tyëjkëtyën.

1 Samuel 2:12

Yë Eli y'u'unk y'ëna'k ëxëëk ijty jyä'äy'atë. Nijä'ä tkatuntë këwentë ma ja Wintsën ja tyuunk yajtuna'anyën,

1 Samuel 30:22

E mëti'ipë ënety ka'ap y'oyëtyën ja jyot wyinma'any, tä y'ënantë: mëti'ipë ka'ap të y'otstën tsiptuunpë ka'ap tii nyitëkëty yajmo'otëty mëti'ipë të nitsiptu'unëmën. Yi'iyë mëpaat yajmo'otë yë y'u'unk y'ëna'këty ets tyo'oxytyëjkëty, ko wäänë myëjaawpëktëty tääts nyëjkxtëty.