2 Samuel 2:27 - Biblia Dc en Mixe de Quetzaltepec

²⁷ Tä ja Joab y'ëtsooy: Jëëky mëku'uk, tyamës ntukajpxpety yë Wintsën yë xyëëw, kooxyëp jeexyë mijts wi'ix mka'ëna'any, katii nija'awën tiijaty jeexyë yë nja'ayës tyuuntëkoopy, yë'ë tëë ënety tpatso'onëtë myëku'uk koonëm jeexyë xyiiynyë.

Biblia Mixe de Quetzaltepec

²⁷ Tä ja Joab y'ëtsooy: Jëëky mëku'uk, tyamës ntukajpxpety yë Wintsën yë xyëëw, kooxyëp jeexyë mijts wi'ix mka'ëna'any, katii nija'awën tiijaty jeexyë yë nja'ayës tyuuntëkoopy, yë'ë tëë ënäty tpatso'onëtë myëku'uk koonëm jeexyë xyiiynyë.

2 Samuel 2:27 ပူးပေါင်းရင်းမြစ်များ

Proverbios 17:14

Tä nëë kyomyën, jëtu'un yë tsip yaj'ixy ko tsyo'ontä'äky; e oy wyimpëtsëmy ko yajkuke'eky ets këtii ko ja'ay tsyiptëkë.

2 Samuel 2:14

Tä ja Abner t'ënëmaay ja Joab. Wä'än aak ëna'ktëjk tsiptuntë, tä ja Joab y'ëtsooy, oy'atëp.

Isaías 47:7

Ets m'ënany: Ëjts xëmë wintaj'ataanp yajkutujkpë'ataanp. Mijts ka'ap ojts nijënu'un xymyëmay xymyëtajy wi'ix mkukëxëja'anyën.

Proverbios 25:8

këtii ënätyë xynyikajpxëty ma ja yajkutujkpëtëjkën, jä'ä ko tsojk wiinkpë ja'ay myinëty mëti'ipë tii të t'ixyën ets myaj'ënëëka'ajëtëty ets ka'ap xy'ëknija'awënëty wi'ix m'ëna'anëtyën.

Proverbios 20:18

Ko tii yë ja'ay yajxon tuknipëjktaakë, ënät y'oyë pën tëë yajkajpxtë'ëy. Ko muum yë tsip y'ity, ënät ja'ay yajxon twinkuwa'akë pën tëë jëyëjp tmëmay tmëtajy wi'ix tsyiptuna'anyën.

Proverbios 15:1

Ko ja'ay oy tsuj y'ëëw'ëtsoy kyajpx'ëtsoy, yë'ëpaat yë äkë tyajxeemy; e ko ja'ay y'ëtsoy, ni'ikyë yë äkë tyajmëjtä'äky.

1 Samuel 25:26

E tyam ka'ap yë Wintsën të tyajkutuky ets nëkoo ne'pny xytyämëty xyjyä'ätsëty ets mëët ja mkë'ë m'aaw mtuuntëkoyëty. Yë Wintsën, yë'ë y'a'ixëp ets tëkokyë yë mëtsiptëjk mëti'ipë m'ëxëëk'ijxëpën näjyëtu'un nëjkx jyatë kyëpätë ijxtëm yë Nabal tyam të jyajata'anyën.

2 Samuel 2:26

Ënet ja Abner ojts tmëkäjpxy ja Joab: Joab ¿këtii jëtäätën ënät tyaapë tsip nyaxëtyë? ¿Ti këtiijëtën xytyim'ixy ninu'un ko tyaapë je'eyë ënety nëkoo tu'knax näyajmo'on näyajtujkëmëtyë? ¿Wi'ix ko xykya'ënëëmë yë mja'ay wä'än yë jyiiky myëku'uk t'ëxmatstë, këtii nëkoo t'ëkpapooy t'ëkpapujnëtë?

2 Samuel 2:28

Tä ja Joab ënätyë ni'ënä'ämëy ets ja ja'ayëty ja tsajpkaawaj tukxu'uxtëty, jä'ä myëtowtëp këtiipë ja myëku'uk t'ëkpapooynyëtëty ets ja tsip jëtu'unyë xyäämëty.