2 Samuel 2:18 - Biblia Dc en Mixe de Quetzaltepec

¹⁸ Jamts ënety yajpaatë ja Sarvia ja y'ëna'k, mëti'ipë xyëëwajtëpën Joab, Abisai ets ja Asael. Yë Asael wiinkëm ijty pyëyi'iky, jëtu'un tä tu'uk yë jëtyu'ujën.

Biblia Mixe de Quetzaltepec

¹⁸ Jamts ënäty yajpaatë ja Sarvia ja y'ëna'k, mëti'ipë xyëëwajtëpën Joab, Abisai ets ja Asael. Yë Asael wiinkëm ijty pyëyi'iky, jëtu'un tä tu'uk yë jëtyu'ujën.

2 Samuel 2:18 ပူးပေါင်းရင်းမြစ်များ

2 Samuel 1:23

Yë Saúl ets Jonatán mëkës ijty n'oyjyawëtë, ets nmëku'ukjawëtë, yë'ëjëty nijëna'a ojts kyanäy'ëxmatsëtë oy jyääjëty ko jyuuky'ajtë ets näjyëtu'un ko y'oktë. Pe'tym ijty ni'ikëty këtiinëm jyëtu'unëty yë witsn. Mëk ijty ni'ikëty këtiinëm jyëtu'unëty yë kaa.

2 Samuel 14:1

Joab ojts tnijawë, ko yë yajkutujkpë David mëk ënety tpa'ëyoy yë Absalón,

2 Samuel 2:19

Ënet amëjaaw tpatso'ony ja Abner, jëtu'un ojts timpyanëjkxy, kamaa tkayajtu'utëkooy,

2 Samuel 22:34

mëti'ipës yë nkë'ë nteky yajyu'unkëpën, jëtu'un tä jëtyu'ujën, mëti'ipës akujk jotkujk muum xytyimyajkuwa'këpën oyës muum këjxm mpätëty,

2 Samuel 23:24

Ma ja ni i'px majkpën ja jotmëkja'aytyëjkëty, tam ënety näjyëtu'un ja mëti'ipë xyëëwajtëpën: Asael, yë myëkä'äx yë Joab; Elhanán, myaank yë Dodó, jampë kyukajpnëtyën Belén;

1 Reyes 2:5

E mijts wa'ats xynyijawë wi'ixës ja Joab yë Sarvia myaank ja wyinma'any të xytyuk'ixyën, ko tyaj'o'ky nimäjtsk ja tsiptuunpë wintsën ma ënety ka'ap tiitsip yajmëët'atyën: Yë Abner yë Ner yë myaank ets Amasá, yë Jéter myaank ets jëtu'un yaja'ay y'o'ky ets ëjts ja poky ntsëëmë'ky.

1 Crónicas 11:26

Ya'atë ja'ayëty jotmëk y'ijtë: Asael, Joab myëkä'äx; Elhanán, myaank yë Dodó jampë Belén tsyoonyën;

1 Crónicas 12:8

Ojts näjyëtu'un mëti'ipë yë Gad jyä'äy tpuwa'akëtë yë David, ma ënety jam të'ëts'itjotm yajpaatyën, ma ja kopkjotmën këwent'atypë y'ityën. Ya'atë ja'ayëty aak tsip'ixy ijtyëty ets aak jotmëkëty, tyukjajtëp wi'ix tyajtuntëtyën ja ku'umën ets wi'ix tyajtuntëtyën ja mëti'ipë nätyuk'akëëytyujkëtëpën. Jëtu'un yaj'ixtë myëk'atë tä kaajën ets ko pyëyë'ëktë jëtu'un pye'tsym'atë tä jëtyu'u paxën.

1 Crónicas 12:9

Jä'ä xyëëwajtëp: Éser ja mëtu'ukpë, Abdías ja mëmäjtskpë, Eliab ja mëtëkëëkpë;

1 Crónicas 27:7

Ma ja mëmajktaxk po'opën: Jä'ä ja tsiptuunpë wintsën xyëëwajtyp Asael, yë'ë y'uty yë Joab. Yë'ë ijty myaank kutuunëp.

Salmos 18:33

mëti'ipës yë nkë'ë nteky yajyu'unkëpën ijxtëm yë jëtyu'u ets mëti'ipës kujk xyajtënääpyën oyës muum këjxm ntänë;

Eclesiastés 9:11

Ma ya'atë naaxwiinyëtën nän tëëjës n'ixy ko ka'ap yë'ëjëty yajtijy pe'tym yë ja'ay mëti'ipë pe'tym pëyë'kpën ets ka'ap yë'ëjëty yajtijy jotmëk mëti'ipë mëtakpën tsipjoty; ets ka'ap yë'ëjëty xëmë tmëët'atë yë ka'ayën ukën mëti'ipë wijyëtyën ets ka'ap yë'ëjëty kyumeeny'atë ja'ayëty mëti'ipë ixpëkyëtyën ets ka'apë xyëmëty yaj'ëxaj yajkupëktë yë ja'ayëty mëti'ipë tëë këpetyëtyën; yë'ëjëty ënät yë winë tpaatë oy ko jëtu'un txëëwatë.

Cantares 2:17

Ma xyiinyëja'anyën ets ma xëëw y'aanta'aka'anyën jää jatëkok minëty mijts mëti'ipës ntsojkpy nja'apën; jëtu'un mnäjyawëtëty tä jëtsyu'ujën, tä jëtsyu'u ayääkën mëti'ipë nëpujt yujkpujtpën tunkëjxy kopkëjxy.

Cantares 8:14

Pëyë'ëk mijts ye'etyëjk, mëti'ipës ntsojkpy nja'apën, pëyë'ëk tä jëtyu'ujën, tä yë jëtyu'u u'unkën jam kopkkëjxm ma oy pya'akxuuky pya'ak jokyën.

Amós 2:14

Oy jënu'un mjakä'äktëty poj'am myajnajtspaatëtëty; mëti'ipë jotmëk janäyjya'awëyëpën jëtu'unyë myëjaawkëxa'any, oy yë'ëjëty ja'ay mëti'ipë jotmëkën ka'ap tsyo'oka'any.

Habacuc 3:19

Jä'ä ko yë Wintsën yë'ëjës xyjyotmëkmoopy; jëtu'unës yë nteky tyajyu'unkë tä yë jëtyu'ujën mëti'ipë pe'tym ye'epyën ets jam xyajnëjkxyës maas ka'ap tii xyjyatëtyën.

1 Samuel 26:6

Tä ja David myëtyäky mëët ja Ahimélec ja Hit ja'ay ets mëët ja Abisai näjyëtu'un, yë myaank yë Sarvia, yë myëkä'äx yë Joab, ets tyajtëëy: ¿Pën xyjyämyëët'ataanpës ets nëjkxmëty jam ma Saúl yajpaatyën? Tääts ja Abisai y'ëtsooy: Tyam njämyëët'atëty Wintsën.