2 Samuel 2:12 - Biblia Dc en Mixe de Quetzaltepec

¹² Ënet yë Abner tsyo'ony jam Mahanaim ets ojts nyijkxy jam Gabaón mëët nitëkokyë ja tsyiptuunpëtëjk mëti'ipë myëtuuntëpën ja Is-boset.

Biblia Mixe de Quetzaltepec

¹² Ënät yë Abner tsyo'ony jam Mahanaim ets ojts nyijkxy jam Gabaón mëët nitëkokyë ja tsyiptuunpëtëjk mëti'ipë myëtuuntëpën ja Is-boset.

2 Samuel 2:12 ပူးပေါင်းရင်းမြစ်များ

Génesis 32:2

Ko jëtu'un t'ijxy yë Jacob tää y'ënäny: Ya'atë n'ixyësën Dios yë tsyiptuunpëtëjk, paaty ojts txëëwmo'oy ja tampë ja it naaxwiinyëtë Mahanaim.

2 Samuel 17:14

Absalón ets tëkokyë yë Israel ja'ayëty ojts tkajpxmuktë ko oy ni'ik tmëtoowtë ijxtëm ja Husai myäy tyäjyën ets ijxtëm të tuknipëjktaakën këtiinëm jyëtu'unëty ja Ahitófel. Ja Wintsën ënety jëtu'un të tnipëjktaakë ets tjo'opanë ja Ahitófel ja wyinma'any mëti'ipë jeexyë tuunpën, mëët ko ënety jä'ä t'ëyo'onmo'oja'any ja Absalón.

2 Samuel 2:8

E yë Abner, yë'ë myaank yë Ner, mëti'ipë ënety nyikopk'ajtypyën ja tsiptuunpëtëjk ja Saúl ja jyä'äy, ojts twoowtsoony ja Is-boset, yë Saúl yë myaank ets ojts twoownëjkxy ma tu'uk ja it txëëwatyën Mahanaim,

Josue 10:12

Ko yë Wintsën tkë'ëyäjky yë Amor ja'ayëty ma Israel ja'ayëtyën, ojts yë Josué yë Wintsën tmëkäjpxy jam ma ja mayjyä'äy yajpaatën ets t'ënëmaay: Yë xëëw wä'än twë'ëmy jam Gabaón; Yë po'o wä'än twë'ëmy jam Aialón.

Josue 10:4

Mintë putëjkëtëkës maas yam ntsippaatyën mëët yë Gabaón ja'ayëty, yë'ëjëty tëë yë käjpxytyu'unën tuntë mëët yë Josué ets tëkokyë yë Israel ja'ayëty.

Josue 18:25

Ëpëky ja kajpn mëti'ipë xyëëwajtëpën Gabaón, Ramá, Beerot,

Josue 9:3

E ja Heve ja'ayëty mëti'ipë tsënaaytyëpën Gabaón ojts tnijawëtë wi'ix ënety të y'ëti'ityën ja Josué jam Jericó ets Aí.

1 Samuel 17:9

Pën yë'ë mëtakp, mijts nmëtuntëp, e pën ëjts mëtakp, miitsëty kopkpëky ko xymyëtuntëtyës.