2 Samuel 19:43 - Biblia Dc en Mixe de Quetzaltepec

⁴³ Tä ja Israel ja'ayëty y'ëtsoowtë: Ëëtsëty xypyatëp ni'ik etsës yë yajkutujkpë nmëtuntëty këtiinëm miitsëty ets ko mpatëkëja'anmëty ma tikts aats yajmëët'atyën, ëëts kä'äxkopk yë nteety'ajt n'ap'ajtëpës, miitsëty utymyës yë'ëjëty. E paaty ënät, ¿tii ko miitsëty ëxkexy ëxwa'any xyaj'itës? ¿Ëk ja'amyätstë tii këtii y'ëëts'atë ojts jëyëjp n'ëna'antë ets yajkutujkpë wyimpitëty jatëkok ma ja nyaax kyajpnënë? E ko jyëtu'un'ajnë, ja Judá ja jyä'äyëty ni'ik ojts yaj'ijxnëtë y'ëwa'antaknëtë ka'ap jyëtu'unëty ja Israel ja'ayëty.

Biblia Mixe de Quetzaltepec

⁴³ Tä ja Israel ja'ayëty y'ëtsoowtë: Ëëtsëty xypyatëp ni'ik etsës yë yajkutujkpë nmëtuntëty këtiinëm miitsëty ets ko mpatëkëja'anmëty ma tikts aats yajmëët'atyën, ëëts kä'äxkopk yë nteety'ajt n'ap'ajtëpës, miitsëty utymyës yë'ëjëty. E paaty ënät, ¿tii ko miitsëty ëxkexy ëxwa'any xyaj'itës? ¿Ëk ja'amyätstë tii këtii y'ëëts'atë ojts jëyëjp n'ëna'antë ets yajkutujkpë wyimpitëty jatëkok ma ja nyaax kyajpnënë? E ko jyëtu'un'ajnë, ja Judá ja jyä'äyëty ni'ik ojts yaj'ijxnëtë y'ëwa'antaknëtë ka'ap jyëtu'unëty ja Israel ja'ayëty.

2 Samuel 19:43 ပူးပေါင်းရင်းမြစ်များ

Gálatas 5:20

y'ëwtajtëp mëti'ipë ka'ap Tyiosëtyën, patooy panajxtëp, atsip a'äkë jyuuky'atë, mëtsip'ajtëp, pojën jyoot'anpëktë mëët yi'inëm tii, kyë'ëm oyajtën y'ixtaaytyëp, yajnäwya'kxëtëp ja ja'ay, ëpëky nyäpyëjkta'akëtë,

2 Samuel 5:1

Kom ok ojts ja Israel ja'ay nyëjkxta'atë jam Hebrón ets myëtya'aka'antë mëët ja David ets t'ënëmaaytyë: Ëëts'ajtëm tu'ukyë ja jot ne'pyny ntukmujkëmë,

Santiago 1:20

Jä'ä ko ja ja'ay win'äkëpë, ka'ap yë'ë tuny mëti'ipë Dios tsyojkpyën.

Filipenses 2:3

Këtii tii xytyuntëty atsip a'äkë ëkë tsipkyëjxm; yë'ë oy ko yujy tëtä'äky mja'ay'atëty ets ko mmëku'uk xymyëj'ixtëty ets xywinkutsë'ëkëtëty.

Gálatas 5:26

Ka'ap amëj akëjxm nja'ay'ajtmëty, ka'ap pën nyajjoot'anpëjkmëty ets ka'ap tii nätyuk'ëxëëk ijxëmëty aak ëëts'ajtëmë.

Gálatas 5:15

Ko aak miitsëty kë'ëm mnäykyäy mnätsyu'utsëtë ijxtëm ja tënë'k nyätsyu'uts nyäwyëtsëtën winpity atëjy, kë'ëm nëjkx mnäyajkutëkoyëtë.

Romanos 12:21

Ka'ap ja ku'oypyë mnätyukmëmëta'akëtëty, mëmëta'ak ja ku'oypyë mëët ja oypyë.

Proverbios 18:19

Ni'ik jyoot'anpëky yë mëkä'äx ko yajmëtëkoy, këtiinëm tu'uk yë kajpn mëti'ipë napotsyën. Yë tsiptu'un tsipkajpxën jëtu'un jyëjpmëtij jyëjpmëwa'akë tä yë pujxnën mëti'ipë këmoontëjk y'akämtuk'ajtypyën.

Proverbios 17:14

Tä nëë kyomyën, jëtu'un yë tsip yaj'ixy ko tsyo'ontä'äky; e oy wyimpëtsëmy ko yajkuke'eky ets këtii ko ja'ay tsyiptëkë.

Proverbios 15:1

Ko ja'ay oy tsuj y'ëëw'ëtsoy kyajpx'ëtsoy, yë'ëpaat yë äkë tyajxeemy; e ko ja'ay y'ëtsoy, ni'ikyë yë äkë tyajmëjtä'äky.

Proverbios 13:10

Yë nämyëjjaw näjyääntyjyawë je'eyë nëkoo jëën tsip t'ixkukë. Yë wijyajtën jam yajpaaty ma ja'ayën mëti'ipë yu'unk naxym juukyajtpën.

1 Reyes 12:16

Ko ja Israel ja'ayëty t'ijxtë ko ja yajkutujkpë ka'ap të myëjpëjkta'akëtë, ënät t'ëtsoowtë: Ëëtsëty nitii jotmayës nkamëët'atë mëët yë David. Ka'ap yam n'ëna'anmëty ënät ja kyuma'ayën t'ëk yajwa'kxa'any mëët ëëtsajtëm tääpë Jesé myaank. Nëjkxta'atë ma mtëjkëtyën miitsëty Israel ja'ayëty. David wä'än yi'iyë tkëwent'aty, mëti'ipë jyiiky'äjtyp myëku'uk'ajtypyën. Tä ënätyë nyëjkxtaaytyë ja Israel ja'ayëty ma tyëjkëtyën.

2 Samuel 20:6

Tä ja David t'ënëmaay ja Abisai: Yë Sebá wä'än ënät ni'ik ja jotmay xytyuk'ijxmëty këtiinëm jyëtu'unëty yë Absalón. Paaty yam mijts ntuknipëky xytyu'uwinwowëty yë ntsiptuunpëtëjkës ets wiinkuwa'akë tääpë Sebá, këtiipë muum ja kajpn mëti'ipë ta'tspëkyën t'ëkjä'äpëjknëty ets xy'ëkukäkënëty.

2 Samuel 20:1

Ojts jam tu'uk yë ja'ay jyuuky'äty mëti'ipë ëxëëk ja jyot wyinma'anyën, ma Benjamín yë jyä'äyën; jä'ä xyëëwajtyp Sebá, yë'ë y'u'unk yë Bicri jam ënety näjyëtu'un yajpatpë Guilgal. Ënet ojts tëkok ja mayjyä'äy t'ëxëëk winkajpxë ets t'ënëmaay: Ëëtsajtëm, ka'ap nimaa ntuk'oy'ajtëm ko yë David yë'ë yaa y'ëne'emy ëkë yajkutuky, mëti'ipë yë Jesé myaank'ajtypyën, paaty yam miitsëty n'ënëëmëtë: Nikë nëjkxta'atë ma mjëën mtëjkëtyën.

2 Samuel 19:14

Jëtu'un ojts tyajjotuky ja Judá ja'ay ets tu'ukyë y'ënaantaaytyë ets ja David wyimpitëty mëët tëkokyë ja tyuunpëtëjk.

2 Samuel 19:9

Kajpn apëtsëmy aakyë'ë ja'ay nyikajpx nyimëtyaktëp ets y'ëna'antë: Yë yajkutujkpë David, yë'ë ojts xyaj'ëwaatsë pëtsë'ëmëmë ma ënety ëxëëk yë filistejë ja'ayëty xy'atsë'k xy'aja'awëmën, e mëët ko yë Absalón nëkoo yajjotkëjxpë tääts kwanë ja nyaax kyajpn të t'ëxmatsy.

Jueces 9:23

e yë Dios yë'ë ojts tkexy yë ëxëëk poj ka'oypyoj ma Siquem ja'ayëtyën ets ma Abimelekën ets Siquem ja'ayëty tmëëtsiptsoontëty yë Abimélec.

Jueces 8:1

Yë jyä'äyëty yë Efraín ojts tukjoot'anpëktë yë Gedeón, jä'ä ko ka'ap ënety të wyowëtë ko tsyo'ony tsiptuunpë ma ja Madián ja'ayëty mëët tsyiptuna'anyën.