2 Samuel 19:39 - Biblia Dc en Mixe de Quetzaltepec

³⁹ Tëkokyë ja ja'ayëty ojts ja Jordán mëjnëë tuknajxta'atë. E ko ja yajkutujkpë ojts tuknajxtaaynyë ja mëjnëë, ënät ojts mëët ja Barzilai nyäjyëkajpxënë. Jëtu'un'äämpy ja Barzilai ojts jam nyëjkxnë ma kyajpnën.

Biblia Mixe de Quetzaltepec

³⁹ Tëkokyë ja ja'ayëty ojts ja Jordán mëjnëë tuknajxta'atë. E ko ja yajkutujkpë ojts tuknajxtaaynyë ja mëjnëë, ënät ojts mëët ja Barzilai nyäjyëkajpxënë. Jëtu'un'äämpy ja Barzilai ojts jam nyëjkxnë ma kyajpnën.

2 Samuel 19:39 ပူးပေါင်းရင်းမြစ်များ

Génesis 14:19

ojts tkënu'kxy yë Abram mëët ya'atë aaw ayuk: Yë Dios Ni'ik Këjxmëpë mkënu'kxëtëp mjëkyäpëtëp, mëti'ipë yajkojën yë tsajp ets naaxwiinyëtë.

Génesis 28:3

Yë Dios mëti'ipë myëët'ajtypyën yë mëj'ajtën ets kuttujkën yë'ë mkënu'kxëtëp ets mo'ojëtëty ja m'u'unk m'ok nimay ets jëtu'un kanaak ja naax kajpn kyojëty ma ja m'u'unk m'ëna'kën.

Génesis 31:55

Komjëpom ja Labán ojts myä'äypyëtë'kojy jopyëp ets tsu'kxtaay ja y'ok'u'unk y'ok'ëna'k ets ja nyëëx nimäjtskpë, jä'ä ko jëtu'un ënety tu'unën'atë. Tää tkënu'kxtaay nitu'ukjaty, tä ojts wyimpijnë ma ja nyaax kyajpnën.

Génesis 45:15

Ënet yë José tmajtstaay tmënääntaay yë myëkä'äxtëjk ets ojts tsu'kxy nitu'ukjaty, tääts tyëjkëy yaxpë, ko jëtu'un y'ëknajxy, tää ojts ja myëkä'äxtëjk myëkajpxëtënëm.

Génesis 47:10

Ënet yë José ojts nyäjyëkäjpxyë ma yajkutujkpë ets jatëkok jam tsyo'ony.

Génesis 47:7

Ënet yë José ojts yë tyeety Jacob jam twoownëjkxy ma yajkutujkpën ets tkajpxpo'kxa'any. Yë Jacob mëët ojts yë näywyinkutsë'kën tkajpxpo'kxy yë yajkutujkpë,

2 Samuel 13:25

E ja yajkutujkpë tyaa y'ëtsooy: Ka'ap u'unk maay, ka'ap tjëkyepy ëëts ni'ëmukë ntimy nyëjkxta'atëty, jä'ä ko may oy nëjkx myajmeenytyuny. Ja Absalón mëktä'äky ja tyeety tja'ënëmaay, e yë tyeety tkupëjky, je'eyë ojts kyënu'kxyë.

2 Samuel 14:33

Ënet ja Joab ojts tninëjkxy ja yajkutujkpë ets tukmëmëtyaktaay tä ënety ja Absalón të y'ënä'änyën ets ojts ja yajkutujkpë tnikäxë ja Absalón ets jam nyëjkxëty, ko jam jyä'äjty tääts wyintäky nyaaxkooy, tyajnikëxë'ëky jëtu'un ja näwyinkutsë'ëkë, ja yajkutujkpë ojts ja oy tsuj y'ëxajëty ets ojts myätsyë myënenyë ja tyeety.

2 Samuel 19:38

Tä ja yajkutujkpë y'ëtsooy: Wä'än yë Quimham xypyaminyës ets tyamës jëtu'un nmëët'atëty tä mijts xytsyokyën. Ets tëkokyë tiijës mijts xy'amëtoop, tyam nmo'ojëty.

2 Samuel 6:18

ko tyajwintu'upëjktaay ja wintsë'kën ënät ojts tkënu'kxy ja naax kajpn mëët ja Wintsën ja xyëëw mëti'ipë maaytyääyëpën winë,

2 Samuel 6:20

Yë David ojts nyëjkxnë ma tyëjkën ets tkënu'kxa'any ja jampë yajpaatën; e ja Mical, ja nyëëx ja Saúl, ënätyë ojts tnipëtsëmy ja David ets t'ënëmaay: Nëkoo tyam janty'oy y'ëkyaj'ijxnë ja Israel ja kyutujktakn; janty'oy të y'ëkwë'ëmnë, paaty mijts niwa'ats ëxwa'ats mtimy'äjtsnë, jëtu'un tä jeexyë oy na pën ja'ayën.

1 Reyes 19:20

Ënätyë ja Elisejë ojts ja tsyajpkaa t'ëxmatsy ets ojts tpanëjkxy ja Elías, tä t'ënëmaay ko tnajtspatëy: Nëjkxës je'eyë n'ëknäjyëëkäjpxyë maas yë nteety ntaakën ets mpanëjkxëty. Oy, nëjkx, je'eyëp ko mja'amyätsëp mëti'ipë tyam të ntuknipëkyën.

Lucas 2:34

Ënet ja Simeón myooyëtë ja kënu'kxën ets t'ënëmaay ja Maria, ja Jesús ja tyaak: Ya'atë mëxu'unk ye'etyëjk, yë'ë të yajtuknipëjktaakë ets may ja Israel ja'ay kyëtawtëty ëkë pyëtë'ëktëty; ijxpät nëjkx y'ity ets may nëjkx ja'ay ka'ap kyupëkyë,

Hechos 20:37

Tääts yaxtë ets ni'ëmukë tmënääntë ets tsu'kxtë ja Pablo.

1 Tesalonicenses 5:26

Kajpxpo'kxtë ni'ëmukë ja nmëku'uk'ajtëmë ijxtëm ja Dios tsokyën.

Rut 1:14

Tä ojts tyëkëtë jatëkok yaxpë. Ja Orfa jä'ä ojts nyëjkxnë, je'eyë ojts tjaaktsu'kxy ja tyaakxyäkxy Noemi ets mëët nye'ëxmajtsë. E ja Rut ojts wyi'imy mëët ja tyaakxyäkxy.

1 Samuel 24:22

David ojts tnikäjpxy mëët yë Dios xyëëwkëjxm ets ja Saúl ojts jatëkok wyimpijnë jam ma kyutujktaknën, e ja David mëët ja jyä'äy jam ojts jatëkok nyëjkxtë ma ja të'ëts'itjotmën napotsypë.