2 Samuel 19:10 - Biblia Dc en Mixe de Quetzaltepec

¹⁰ E ja Absalón mëti'ipë ojts njatuknipëjkëmën ets jeexyë yë'ë yajkutuky, tëë ja y'o'knë jam tsipjotm. ¿E tyam tii n'ëwxijtëmë ko ka'ap nyajwinpijtëmë jatëkok ja David?

Biblia Mixe de Quetzaltepec

¹⁰ E ja Absalón mëti'ipë ojts njatuknipëjkëmën ets jeexyë yë'ë yajkutuky, tëë ja y'o'knë jam tsipjotm. ¿E tyam tii n'ëwxijtëmë ko ka'ap nyajwinpijtëmë jatëkok ja David?

2 Samuel 19:10 ပူးပေါင်းရင်းမြစ်များ

Oseas 8:4

Ëjts ka'apës tii të xyajtëwtë ko tpëjkta'aktë yë kyutujkpëtëjkëty ets të tnikajpxpätë yë wyintsëntëjkëty maas ka'ap të nijawën. Tëë twinpëjkmuk twintuunmuktë yë pyoop pujxnëty pyu'tspujxnëty ets y'awinax të t'oytyuntë ets kë'ëm nyäyajkutëkoya'anëtë.

2 Samuel 18:14

Nëjkx, ka'ap yam je'eyë nmëëtmëtya'ka'any, jëtu'un y'ëtsooy ja Joab; ënät tëkëëk tkoonë'ky ja tsujkn u'unk ets tukmoxmëka'tsëy ja Absalón, jam ma jyuukyjotën jaakjuukynyëm ënety jam tyiiynyë xojkëjxm ma ja kepyxye'entyën.

Jueces 18:9

Tëës ojts jam njantyjyëtitë ma tääpë it naaxwiinyëtën maas ojts xykyäxtën. Tääpë it naaxwiinyëtë janty'oy yë'ë. Paaty nipëjktaakëtë ets mnëjkxtëty, niwa'aktë tääpë it naaxwiinyëtë. Këtii ni'ikyë mnaaxwäätstë nëjkxtë jëtu'un.

2 Samuel 19:9

Kajpn apëtsëmy aakyë'ë ja'ay nyikajpx nyimëtyaktëp ets y'ëna'antë: Yë yajkutujkpë David, yë'ë ojts xyaj'ëwaatsë pëtsë'ëmëmë ma ënety ëxëëk yë filistejë ja'ayëty xy'atsë'k xy'aja'awëmën, e mëët ko yë Absalón nëkoo yajjotkëjxpë tääts kwanë ja nyaax kyajpn të t'ëxmatsy.

2 Samuel 19:11

Ya'atë käjpxy mëtyä'äky mëti'ipë ënety tu'kkajpn yajmëtoopën ojts jampaat yajnijawë ma David ja kyutujktaknën. Ënet ja David tkäjpxynyikejxy ja teety Sadoc ets Abiatar, t'ënëmaay: Mëtya'aktë miitsëty mëët yë mëjja'aytyëjkëty mëti'ipë Jadá ja'ayëtyën ets yajtëwtë tiitën ko tyajpo'oxtë etsës jatëkok nwinpitëty maas yë nkutujktaknën.

2 Samuel 19:40

Ja yajkutujkpë jam ojts nyijkxy Guilgal, tam ja Quimham pyanëjkxyë ets tëkokyë ja Judá ja'ay ets näjyëtu'un kujkwä'kxy ja Israel ja'ayëty.

2 Samuel 15:14

Ënet ja David t'ënëmaay ja myëkutuunktëjk jënu'un mëët yajpaatyën Jerusalén: Tsojk nkäkëmë, ko yaa n'ëku'ëtujkënëty ets Absalón xyaj'o'ktä'ämyëty. Ja'amta'ayëmë pëyi'ikyë këtiipë xynyajtspatëmëty, jä'ä ko yë'ë yajja'ay'okaanp ënät.

2 Samuel 15:16

Jëtu'un'äämpy ojts ja yajkutujkpë tsyoony mëët tëkokyë ja ja'ayëty mëti'ipë mëët tyuunmukyën, yi'iyë ojts nimajk tyajwë'ëmy ja to'oxytyëjkëty mëti'ipë myëtuuntëpën ja ënä'ämpë ets tkëwent'atëty ja kutujktakn.