2 Samuel 18:3 - Biblia Dc en Mixe de Quetzaltepec

³ E yë'ëjëty tyaa y'ëtsoowtë: Ka'ap, ka'ap y'oy'atëty ets ënä'ämpë kë'ëm tsyoonëty, jä'ä ko yë mëtsip jëtu'un yë wyinmay ko ëëtsëty oyës nkä'äktëty, ëkë n'ooktëty ntëkoytyëtyës ka'ap nëkooyë mëj tjawëja'any; tii tëy ko tyaj'ookëty ja mëti'ipë ënä'ämpën jëtu'un tsyoowpaata'any tä jeexyë ëëts nimëkoxk mil ëkë nimajk mil n'ooktën. Paaty nikë oy ko mijts Wintsën mwë'ëmëty ets jää je'eyë xykyäxëty yë ja'ay ko ënety jam jyaaktsokyë.

Biblia Mixe de Quetzaltepec

³ E yë'ëjëty tyaa y'ëtsoowtë: Ka'ap, ka'ap y'oy'atëty ets ënä'ämpë kë'ëm tsyoonëty, jä'ä ko yë mëtsip jëtu'un yë wyinmay ko ëëtsëty oyës nkä'äktëty, ëkë n'ooktëty ntëkoytyëtyës ka'ap nëkooyë mëj tjawëja'any; tii tëy ko tyaj'ookëty ja mëti'ipë ënä'ämpën jëtu'un tsyoowpaata'any tä jeexyë ëëts nimëkoxk mil ëkë nimajk mil n'ooktën. Paaty nikë oy ko mijts Wintsën mwë'ëmëty ets jää je'eyë xykyäxëty yë ja'ay ko ënäty jam jyaaktsokyë.

2 Samuel 18:3 ပူးပေါင်းရင်းမြစ်များ

2 Samuel 21:17

E ja Abisai Seruiá myaank, ënätyë tnimiiny ja David ets niwaantuty, koonëm ja Abisai tyaj'o'ky ja ja'aypyajkyeny filistejë ja'ay. Tääts ja David ja jyä'äy y'ënantë ko ka'ap mëpaat yë David y'ëknëjkxnë tsiptuunpë, këtiipë ja Israel ja kyutujkën y'atëkoyëty.

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.

Lamentaciones 4:20

Tëë yajtsumy yajmatsy mëti'ipë ja Wintsën wyin'ijxën, mëti'ipë ijty ëëts xyjyotkujkmooytyëpën, ja yajkutujkpë mëti'ipë ijty ëëts n'antijtëpën: Yë'ë wyintuuy jotkujk njuuky'ata'antës ma naax kajpnën.

1 Reyes 22:31

E ja yajkutujkpë mëti'ipë jamën sirië, tëë ënety tuk'ëne'emy ja i'px majkmäjtskpë ja tsiptuunpë wintsëntëjk mëti'ipë ja kepy wintëkäämpë yajye'eytyëpën ko këtii nëkooyë pën tyaj'ooktëty yi'iyë y'ixta'atëp ja mëti'ipë jam yajkutujkpën Israel.

2 Samuel 17:2

Jääjës mëtëy ntukja'ta'any ma ënety yajxon të y'ënu'kxën ets ma ka'ap tii tuna'anyën; yajxonës n'ëk'ëtsë'ëkëtëty mëët ja ja'ayëty mëti'ipë jam mëët yajpaatyën ets kyäkta'atëty. Yi'iyës nyaj'ookankojpy yë ënä'ämpë ets ka'ap wiinkpë,

2 Samuel 10:11

ets t'ënëmaay: Pën yë sirië ja'ayëty ka'ap xyajmëta'aka'anyës, mijts ënätyë xynyiminëtyës ets xypyutëkëtyës; e pën ëjts n'ijxyp ko yë Edom ja'ayëty ka'ap myajmëta'aka'anyë ëjts mijts ninëjkxëp ets mputëkëty.

1 Samuel 18:7

E ma jam jëtu'un y'ëwtën y'atstën, tääts y'ëna'antë: Tu'kmil yë Saúl të tyaj'ooky yë myëtsip e David majk mil të tyaj'ooky yë myëtsip.