2 Samuel 18:17 - Biblia Dc en Mixe de Quetzaltepec

¹⁷ Tä ja Absalón ja nyini'kx ojts jap jutjoty t'ajëpipëtë mëti'ipë ënety jam yuukjotmën, jamts tu'uk ja mëjtsaawääpy tyajpëtë'ktë, ja Israel ja'ayëty ojts ja kyäkta'atë, jam nyëjkxtaaytyë ma tyëjkëtyën.

Biblia Mixe de Quetzaltepec

¹⁷ Tä ja Absalón ja nyini'kx ojts jap jutjoty t'ajëpipëtë mëti'ipë ënäty jam yuukjotmën, jamts tu'uk ja mëjtsaawääpy tyajpëtë'ktë, ja Israel ja'ayëty ojts ja kyäkta'atë, jam nyëjkxtaaytyë ma tyëjkëtyën.

2 Samuel 18:17 ပူးပေါင်းရင်းမြစ်များ

2 Samuel 19:5

Ënet ja Joab ojts tninëjkxy ja yajkutujkpë jam ma ja kutujkëntëjkën ets t'ënëmaay: Wintsën, mijts ni'ikyë yë mtuunpëtëjk tsëtyu'unmëët të xyajwë'ëmy, mëti'ipë të tnitsiptuntën ets mijts mtso'okëty ets tsyo'oktëty ja m'u'unk m'ëna'k ets ja m'u'unk mto'oxytyëjk.

2 Samuel 19:8

Ënet ja yajkutujkpë ojts pyëti'iky ets ojts nyijkxy jam ma ja kajpn yajnitëkën. E ko ja mayjyä'äy yajtuk'ëwa'anëtyë ko tam ja yajkutujkpë y'ëwxity jam kajpnpë'am, ënät ojts jam nyäwya'k jam myiinta'atë. E ja Israel ja'ayëty tëë ënety kyäkta'atë ets të nyëjkxta'atë ma tyëjkëtyën.

2 Samuel 19:9

Kajpn apëtsëmy aakyë'ë ja'ay nyikajpx nyimëtyaktëp ets y'ëna'antë: Yë yajkutujkpë David, yë'ë ojts xyaj'ëwaatsë pëtsë'ëmëmë ma ënety ëxëëk yë filistejë ja'ayëty xy'atsë'k xy'aja'awëmën, e mëët ko yë Absalón nëkoo yajjotkëjxpë tääts kwanë ja nyaax kyajpn të t'ëxmatsy.

2 Samuel 20:1

Ojts jam tu'uk yë ja'ay jyuuky'äty mëti'ipë ëxëëk ja jyot wyinma'anyën, ma Benjamín yë jyä'äyën; jä'ä xyëëwajtyp Sebá, yë'ë y'u'unk yë Bicri jam ënety näjyëtu'un yajpatpë Guilgal. Ënet ojts tëkok ja mayjyä'äy t'ëxëëk winkajpxë ets t'ënëmaay: Ëëtsajtëm, ka'ap nimaa ntuk'oy'ajtëm ko yë David yë'ë yaa y'ëne'emy ëkë yajkutuky, mëti'ipë yë Jesé myaank'ajtypyën, paaty yam miitsëty n'ënëëmëtë: Nikë nëjkxta'atë ma mjëën mtëjkëtyën.

2 Samuel 20:22

Ënet ojts ja to'oxytyëjk tukmëmëtyä'äky ja jyä'äy ya'atë ja aaw ayuk ets tukupëjky ja kyajpn, tääts tjanty yo'ktsujktutë ja Sebá ets tkuka'tsnajxtë ja kyëpajk jam potsykyëjxm, tä ja Joab jap ëpa'tkë'p t'ëxajëy. Ja Joab ënätyë ni'ënä'ämëy tukxu'uxtëty ja tsajpkaawaj, mëti'ipë myëtoowtën ja ja'ay ets nyëjkxta'atëty ma ja jyëën tyëjkëtyën ets ma ja nyaax kyajpnëtyën, e ja Joab jam ojts nyijkxy Jerusalén ets myëtya'aka'any mëët ja yajkutujkpë.

2 Reyes 14:12

Ja Judá ka'ap yajmëtakë ja Israel, ënät kyäktaaytyë ja ja'ayëty ets nyëjkxtaaytyë ma tyëjkëtyën.

2 Reyes 8:21

Ënet ja Joram ojts nyijkxy jam Zair mëët tëkokyë ja pyujxnwintëkäämpë mëti'ipë myëtsiptuunpyën, e koots ojts myä'äypyëtë'kojtë mëët ja tsyiptuunpëjtëjkëty mëti'ipë ja pujxnwintëkäämpë yajye'eytyëpën ets tnipëtë'ktë ja Edom ja'ayëty mëti'ipë ënety të yajnatukëtën ets tyajkäktaaytyë.

Proverbios 10:7

Ja'ay mëti'ipë oy tsuj të jyuuky'ätyën, xëmë yaja'amyetsy oy të y'o'knë; e mëti'ipë ëxëëk të jyuuky'ätyën, ¿pën ëkja'amyätsanëp?

Deuteronomio 21:20

ets tukmëmëtya'akëty, t'ënëëmëty: Ya'atë nmaankës ka'ap myëtoy, je'eyë kyäjpxykyutëjy; ka'apës xymyëmëtowtë oy tii jyayajtuk'ëne'emy, tëë yë jyot wyinma'any tyajtëkooynyë ets je'eyë xëmë y'uknë myukënë.

Deuteronomio 21:21

Ënet nëjkx ja kunaax kukajpn tkuka'atstë ya'atë jëtu'unpë ja yä'äy'ëna'k. Jëtu'un'äämpy ka'ap yaj'ijxta'akëty ja ëxëëkajtën ma ja naax kajpnën, e ko ja Israel ja'ayëty nijawëtëty, myëët'atëp ja tsë'ëkë.

Josue 10:27

Ko tsyu'ujënë tä ja Josué tni'ënä'ämëy ets tyajjënaktëty ja o'kpë ets nëjkx jap tpëjkta'aktë aankjoty ma ënety të nyäyu'utsëtën. Ta'tspëk ojts yajxon t'akë'ëtë mëët yë tsaa. Tsyampaat këxë'kp jam jëtu'un ja aank.

Josue 7:26

Ok ojts may tuknipiwtë yë tsaa, tyampaat je'eyëm jam tsaanipiy yaj'ixy. Paaty ojts txëëwmo'otë ja it naaxwiinyëtë Acor. Koonëm jëtu'un jyajtë kyëpäjtë täänëm ja Wintsën ojts tuk'ëwa'anxeemy ja Israel kajpn.

Josue 8:29

Ja yajkutujkpë Aí kepykyëjxm yë Josué tkutëëy ets jëtu'un y'o'ky koonëm ja xëëw kyëtäky, tääts ni'ënä'ämëy ets tyajënaktëty ets jam tsaanipiwtëty ma ja kajpn yajnitëkën. Tsyampaat tääpë tsaanipiy yajpatpnëm jam.

1 Samuel 4:10

Ënet ja filistejë ja'ayëty tyëjkëtyë tsiptuunpë mëët ja Israel ja'ayëty, ja filistejë ja'ayëty yë'ë ojts myëtakojnëtëpë; ja Israel ja'ayëty jëtu'unyë ja kyäktaaytyë ets nyëjkxtaaytyë ma ënety y'ijta'aktën. Nimay yajxon ja ja'ay y'o'ktë jä'ä xëëw. Mëti'ipë naaxkëjxy tsiptuuntën ja Israel ja'ayëty, jä'ä y'o'ktë ni''i'px majk mil.