2 Samuel 16:9 - Biblia Dc en Mixe de Quetzaltepec

⁹ Ënet ja Abisai, yë Sarvia myaank t'ënëmaay ja yajkutujkpë: ¿Tim pën jëtää tyaapë ja'aynyë ets jëtu'un ëxaty t'ënëëmëty ja yajkutujkpë? tyamës yaa nëpujxëty yë kyëpajk.

Biblia Mixe de Quetzaltepec

⁹ Ënät ja Abisai, yë Sarvia myaank t'ënëmaay ja yajkutujkpë: ¿Tim pën jëtää tyaapë ja'aynyë ets jëtu'un ëxaty t'ënëëmëty ja yajkutujkpë? tyamës yaa nëpujxëty yë kyëpajk.

2 Samuel 16:9 ပူးပေါင်းရင်းမြစ်များ

2 Samuel 19:21

Ënet ja Abisai, ja Sarvia ja myaank ënätyë y'ënäny: ¿Këtii jëtäätën nyitëkëty y'ookëty yë Simeijë, mëët ko të tpoky ja yajkutujkpë mëti'ipë ja Wintsën kë'ëm wyin'ijxënë?

2 Samuel 19:22

E ja David tyaa y'ëtsooy: Ya'atë ka'ap miitsëty mpaatëtë, miitsëty Sarvia y'u'unk y'ëna'k. ¿Wi'ix ko xyjyëjpkukajpxëtës? Ëjts wa'atsës nijawë ko ëjts yajkutujkpë'ajtp ma Israel kajpnën, tyam ni pën mëpaat kya'ooky.

2 Samuel 3:30

Yë Joab ets Abisai paaty yë Abner tyaj'o'ktë jä'ä ko ojts yë y'uty yaj'o'kxëtë mëti'ipë ijty xyëëwajtypyën Asael jam Gabaón.

2 Samuel 3:8

Ko ja Abner jëtu'un tmëtooy ja Is-boset tyuk'ojyë ja to'oxytyëjk, je'eyë ojts y'ëxëëkjoot'anpëky ets t'ëtsooy: ¿Wi'ix ko jëtu'un m'ëna'any, tii kajtsës ëjts yam ntimy'uk'ajtnë etsës jëtu'un njëtitëty ma Judá nyaax kyajpnën. Ëjts oyës yë njot nwinma'any xëmë të nyaj'ixyë ma Saulën ets ma jyëën tyëjkën, mijts yë mteety. Paatykyëjxm mijts ka'ap të n'ëxmatsy ets David myaj'ook myajtëkoyëtëty. E tyam ix tii poky ënät xytyuknipëjkpës, koos ma'any tääpë to'oxytyëjk të ntimmyëët'ajnë?

2 Samuel 9:8

E ja Mefi-bóset, ojts wyintä'äky nyaaxkoy jëyëjp ets y'ënäny: ¿Ëjts ka'apës nijawë, tii ko jëtu'un yë ënä'ämpë xy'ënëëmës? Yë ënä'ämpë wa'ats tnijawë ko ka'apës nitii xymyäy ets ntunëtyës, jëtu'unës ëjts tä tu'uk yë uk ookyën.

Éxodo 22:28

Ka'ap yë Dios nijëna'a xy'ëxëëktijëty ëkë xypyokëty, näjyëtu'un ka'ap nijëna'a xy'ëxëëktijëty ëkë xypyokëty ja mëti'ipë nyikutuunk'ajtypyën yë mnaax mkajpn.

Lucas 9:54

Ko ja Santiagë ets ja Juan jëtu'un tmëtoowtë, ënät t'ënëmaaytyë: Wintsën, ¿Myajkutujkpy mijts etsës n'amëtowtëty ja jëën tsajpjotm, wä'än yë ja'ay tkutëkoytyë?

Hechos 23:5

Tääts ja Pablo y'ëtsooy: Mëku'uktëjkëty, ka'apës nijawë pën yë'ë teety wintsën, jëtu'un ja Dios ja y'aaw y'ayuk y'ënä'äny: Këtii xypyokëty mëti'ipë yajkutujkpën ma ja mnaax mkajpnën.

1 Pedro 2:17

Wintsë'ëkëtë ni'ëmukë mëjpë mutskpë, tsoktë ja mëku'ukëty, wintsë'ëkëtë ja Dios ets ja yajkutujkpë kopk.

1 Samuel 24:14

E yë'ëtsës ënät nkanija'ap ¿wi'ix ko yë yajkutujkpë xypyajëtityës? ¿Wi'ixës ko xyaj'ooka'any xyajtëkoyä'äny? Pën ëjts ka'apës maa nmëtëkoy, jëtu'unës ëjts tä tu'uk yë ukën ëkë tä tu'uk yë pixkën.